Karma

Elementary ka kai lio cun lentecelh kong ah ka buai.

Cun highschool ka phan i thil puan kong ah...University cun tlangval kong le vahnak ah ka buai.

US ka phan i rian kong ruah buin zingka ka tho, rian he ni ka tla. Buai awk dang zei ka ngei ti lo.

Kum le caan an liam..tonmi, theihmi, hmuhmi nih ruahnak an thlen. Hngalhnak an pek. Chiattha thleidan khawhnak karh hram a thawk(rua dah ka ti:)

Thahnemnak ngei lomi thil cu caan sin ah ka liam ter khawh ngai cang. A si nain, zeiruang ah dah mahtluk hin Laimi hi mi kong chiatnak lei in chim kan duh hnga ti hi ka ruat tawn.

Kan thangtthat duh hna lo zong ah zeidah an thang cu chiat len a hauh? Athiam bik, a thei bik, upat bikmi, zeizong vialte tuah kho bik mi ah mi nih kan hmu hnaseh ti kan duh khawh ning hi!!!! 

Mr.president nak in power ngei deuh ah kan i ruah.

Channing Tatum nak in a sexy deuhmi ko si kan duh.

Pu Zing Cung nak in CNF kong thei khun te bang bia kan chim. 

Mark Zuckerberg nak in facebook kong thei deuh kan i lawh ter.

Zeibantuk earthquake hmanh nih hrawk kho lo bang kan inn lo kan thangtthat.

Aww..minung pei kan si cu. Minung phung si ko. Nain, zeiruang dah mi dang cung ah lungthin ttha kan ngeih khawh hnga lo. Abik in kannak in/kanmah tluk in a si khomi hawi dang cung ah chiatnak kong lawng te kan chim hnga?

Na rak i komhmi na hawinu le kong na ka chimh khan kan ngaih piak ko. Na rak duh bal nungak kong zong kan ngaih piak. Aruang ka thei lo zeiruang ah lakawk um loin an kong na peh kha cu. Kan upat hlei lo mah ruang ah. Zohchuk zong in kan zoh lo nain ka zang na rak fak. 

Self-esteem na rak ngeih lo tu si lai ka ti i lungsau tein ka rak ngaih. Mah le mah fek tein zumhnak a ngei lomi lawng nih mikong chiatnak lei in chim an hmang ti ka theih caah a si. Mi kong chiatnak an chim tik ah an mah le an mah ttha khun in an i ruah i an lung a nuam. Mahbantuk minung pawl cu zeitik hmanh ah lunglawmnak a hmu kho hnga ding an si lo i zangfak tuk awk minung an si.

Mah nih ei khawh lomi sa thetse thoih na hmang. Tih na nun ning hi!

20th chung kan si cang hna i upa lei sang kan phan cang. Kan tuahsernak a ttha dih lai lo. Minung pei kan si cu. Nain, hmailei ah remhnak caan tampi kan ngei rih. Minung lungthin ngeih buin hawidang kan thangtthat duh hna lo hmenh ah an thangchiat cu hmang tuah hlah u sih! Fa kan ngei ceo ve te hna lai i kan fa le khi midang fa pa le nih an duhpoah in an kong ceih hna seh law..ho nu le pa nih dah kan celh te hnga?

By the way, fa nute a ngei an ti. Congrats!

Christmas 2012

"Christmas is not a time nor a season, but a state of mind.

To cherish peace and goodwill, to be plenteous in mercy,

is to have the real spirit of Christmas."----Calvin Coolidge

Zeiruang ah dik a rak si. Kum dang cun Christmas ni ah pumhnak cun ka kal ko nain thawngtthabia tthathi in ka ngai bal lo. Nuamhnak lawng ka ruat i ei din he Christmas ni ka liam ter tawn.

Tukum cu ka lung a dai. Ka thluak a lawng i ka thinlung a zaang. Pumhnak ah lunglawm tein ka phan. Thawngttha bia ka ngai. Ka lung ah a lut tuk. Thazang tamtuk ka lak fawn i nuam khun in ka ttin. Snow a tla i motor mongh ka harh pah nain him tein inn ka phan lai ti zumhnak ka ngei. "Bawipa nangmah nih ka tel pi ko."

Matthai 6:9-13

Vancung khua i a um kan Pa,                                                     

Na min thiang cu upat si ko seh;

Na pennak cu rung tlung ko seh,

Vancung ah na duhnak an tuah bangin

Vawilei cungah hin tuah si ve ko seh.

Ni fate kan herhmi rawl cu nihin zongah hin kan pe tuah.

Mi nih kan cungah thatlonal an tuahmi kan ngaihthiam hna bangin

Kan thatlonak cu kan ngaithiam ve ko.

Tukforhnak chungah kan phakter hlah, Mi Thalopa sin khan him tein kan khamh tuah.

Amen!

End of the World Night

A muih tuk ruang ah ma si hnga..arfi ko dik an ceu khun tuzan cu.

Ahrangmi thli a kih ning hi..taksa pemh kho dih lak tiang a kik rua ti awk in.

Lam cung ah phiah cawk loin hnahchawl an i phah..Tilh takmi thingkung pawl cu cawlcang lo in an li a leng.

Thlalaawng in khuasik zaan ka hei cuan. Asung bikmi thla, Xmas thla December nih lung a nuamh khun ko.

Bawipa a ttha. A ra laimi caan ah zei ka cang lai ka thei lo. Thaizing nih zei a chuah pi lai zong ka thei lo.

Asi nain, ka kal nak lam kip ah ka hmuhkhim in ka lam na ceu ter peng i na ka hruai caah ka lawm Bawipa!

Hello New Day!

A lawngmi lungthin!

Semester pakhat cu a dih tthan cang! 

A rauh hlan ah Spring Semester phan lai!

Caan liam afawi ning hi. Rianttuan pah le sianginn kai pah hrim cun ni le caan an liam theih manh a si lo.

Kawlram ka um lio cun nikhat chung ah inn pi i kan tarmi nazi khi voihnih hlei in ka zoh bal lo. Zingkaa sianginn kal lai le zaan ih caan phanh lai lawng ah ka zoh tawn. US ka phak hnu cun nikhat chung ah nazi voi zeizat ka zoh ka rel cawk lai lo.

Zeipi pa tuah ttung lo zong ah caan ka zaa kho lo. "Na kut bilmi na samh hlan hmenh ah zeithil cang lai na thei kho lo" an ti tawn nain a ra laimi cann ah zei zei pawl ka tuah lai ti hi ka ruah cia peng hna. Tuah khawh tak le khawh lo tu cu! Hmm..a ka lem cang rua.

Sianginn khar a si nain ka ba tthiam ko. Kai pah nak in ka ba deuh rua dah ka ti. Good student ka si lo tuk ning hi a mak. Nain, khuaruahhar cu a si ve..sianginn campus chung um  ka nuam tuk. Cazah lo ruang ah ho sayamah te hmenh nih fung in tuk le hrocar um lo cu a nuam khun :) class kai hramthawk lio i active tuk ning le alaifang hrawng phanh ah thathut in vun i lak a dongh lei sang cun zei study hmenh zuam ti lo..final exam ni phanh tak tik i molh deng dihlak in cazoh khi....rim hlei loin semester tam ngai sin ah ka liam peng rih.

Xmas phan lai i New Year si cang lai. New Year resolution kong a tuakmi le aceih lenmi an tam. Hlan kum pawl cun ka rak i ruah len ve nain zei ka hlei lo. Lungdongh ka thiam lo i a si. Keimah le keimah hi lungdongh awk ngai ka si nian.

Y2K kan rak ttih tuk ning kha ka ruah tthan ah ka nih chuak ngai. Zeiruang ah hen sikha? Fiang in ka thei ti lo. Keimah ning ka si rih ko 2012 hmenh liam cang lai hi...kum hi dawi khawh ma na duh deuh, khrih tthan khawh dah ka ti hna seh law cu..ummm kum sin ah kal tti ka duh ko. Ka no lio tluk in what if sentence hi ka uar lem ti lo :D

2013 kan phan kho tak hnga ma? an ti. Tukum December thla chung cu biakinn a kal khunmi zong an um lai dah. Azia a tthat ter khunmi zong an um lai. Hoi hmuh lai ttih ah thli tein thla a cam sekmi zong an um ttheo lai. Siang huaha lo bu tein hawidang a bawmmi zong an um hrim lai. Aruang cu Dec 21 caan dongh ni ah Vanram phanh lai lo ttih ruang ah hen ta...mah ni cu Friday a si lai i kei cu chunni tlak rian ka ttuan lai. Busy day si lai i caan dongh kong zong ruah caan ka ngei lai lo dah!

I titer hi ka rem lo tuk cang. "cang" ka ti duhnak cu keimah hrim ti ter ka rak hmang tuk bal.(past tense:)

Lenglei zohnak in mi kan chawnhbiak hna ning hi ka khuaruah a har. Aho a si theih lomi zong athli puan hruk aih mi kan hmuh nak in kan chawnh hna ning a dang. Nu hrim hi kan zual. Dawr ka ttuannak ah ka hawi le nih a rak ei mi kan customers pawl an chawh hna dan hrim nih hin ka khuaruah a ka har ter ngai tawn. LV bag le Chanel bag a beimi an chawnh hna dan le brand ngeilo thilpuan a hrukmi an chawnh hna ning a dan khawh ning hi! 

Naizarh ka off ni ah kan dawr ah homeless pa arak ra. Leng ah a kik pah i dawr chung a rak luh bia khi a si. Rawl ei nak ca tangka cu a ngei lo. Kan boss nu nih dawr chung ah um ter a duh lo caah buh le soup a pek i a kal ter. Athaizing ah arak ra tthan. Kan boss nu a um lo lio caan a si i ka hawinu nih aw nem tein kan dawr ah rat lo ding a chimh. Ruah lo pi khin kan mit aa tong i ka hei nih..a ka nih ve i "Happy holidays" a ka ti.

Mah tiang ah homeless pa a si ka thei lo. Tlawmpal ah a tho i kan dawr in a chuak. Ka hawi le cu an zai len. "Pek a hau lomi..kan boss nu ruang ah a si. Mah ti ei awk kan pek leng mang ah a ra peng ko lai hen cu."

Mah lawng ah ka fiang. Dawr leng ah ka chuak i ka kawl. Lamhlat aphan rih lo. Ka auh i tangkaa tlawmpal te ka pek. " Stay warm and take care Sir!" ka ti i "Thank you so much and God bless you kid!" a ka ti. Dawr chung ah ka lut zok tthan. Ka hawi le cu dong lo in an zai len rih ko. Leng ka chuah an ka hmuh le hmuh lo ka thei lo..ka ngeih chunh te chung in ka pek mi cu ka nawl a si ko nain, hmailei ah buaibainak bal chuak hram hlah seh ka ti. Homeless pa nih khan namte maw, meithal ma zong rak i ken seh law leng i ka va kawl, hal lomi tangkaa ka ve pek ah khan a duh in rak ka tuah sehlaw cu tiah chikhat cu khua ka hei ruat tthan. Thatlonak thil tu a cang sual lai tiah ttih buin pawngkam bawmh ngamnak thazang ngeih lo cun zeitin dah kan vawilei pi hi a better place ah kan ser hnga? 

"Cu ngai te cu ah Dingdi Mang!" nan ka ti ma?

Thawl awk ttha loin zaankhat ah a rak ra tthan. Kan boss nu um lio a si i ka hawi le dang nih an chawn duh lo. Beer langkhat a tleih buin a tthu ko. Keimah table a si lo nian thimawk ka ngei lo. Ho nih an take care duh lomi cu. Hawidang ka zohkhenh ning tein ka zohkhenh ko. $20 ka ngei.Mah hin zeidah ei awk ka cawk khawhmi a um a ka ti i fried rice le fried chicken ka cah piak. Aman zong a fawi i a paw zong khimh hnga ka ti. Ka kut a ka tlaih i "Again kid, God Bless You!" a ka ti. Coka in ka hawile nih phone in hmanthlak an rak ka timh. An rak kan zoh i an ni len. Ka lung fiang lo ngai!

Ka ruahchanmi zeitak hmenh a um lo. Asi khawh cun man lak loin ei ter ka duh nain kan boss nu nih a cahmi vial te a man na pek ter colh lai tiah a ka ti. Man pek loin a tli lai tima a phan hnga zeidik. Fried rice le chicken man cu $13.95 a si i check ka hei pek. Azoh i "yah beer ka din mi man na ka charge ttung lo, na philh rua" a ti i check cu a ka pek tthan. Ka upat tuk! Ka zangfak fawn nain charge lo cun boss nih a ka sik lai ka ti i ka charge. Total ah $18 hrawng a si. $2 lawng a caah a tang cang lai. Ka lung a tthat lo ning hi.

Athli tein coka ah soup le rice ka lak in ka fun piak. Apaw ttam tik ei awk ah. Ka pek i "ka busy tuk i duh sah tein ei law na duhmi um cun ka hal te" ka ti i ka kal tak. Tuah awk tam tuk ka ngei i ka tli le len. Ka ba ngai..zeidah a lawh hnga tiah mi pa a tthutnak ka zoh ah cun a rak um ti lo. A ei nak table cung ka zoh..ka funhmi rawl a philh sual hnga ma tiah. Philh lo tein aa kal pi ko..cun, $2 table cung ah aka chiah tak.

KA lungchung tein "ziah na ka chiah tak duh ee..na ngeih hnihchunh te naa fim ko lo" ka ti. Ka pawng ah um rih sehlaw cu a tangkaa $2 te hi ka pek chih tthan hnga nain. Ka lak i tip kan chiah nak box chung ah ka rawn. Tuzan kan rian dih in cheukhat nih tips an rel lai i kan hmuhmi tangkaa kan i cheu hna lai. Homeless pa nih a kan chiah takmi $2 te zong cu chung ah cun a tel ve lai cu. 

Thla kan cam piak, "May God be with you!"

12-12-12

Attitude

Laica nak in kawl cauk ka rel deuh i Laimi catthial thiam ka theih mi an tlawm. Mino cattial thiam tucu ka theih pah ngawt ko hna. Aleng ah mipum in ka tong balhna lo nain an ca ttialmi in ka theih hna i ka upat tuk hna. Aleng ah ton khawh siseh law an ruahnak, an idea pawl ngaih ka zuam lai ning! Leh awk bia bal ka thei lai lo nain---

Cattialtu mino tam deuh hi pa an si. Mino Lainu cattial thiam an um tuk lo i ma si, ka theih hna lo bia dik. Nancy Zatu, Borte Tinnawl le Aiidi hi ka uarbik mino nu catthial thiam an si. Anmah pathum ttialmi collection in cauk ah chuah hna sehlaw aa lawm bikmi cu keimah ka si lai :)

Upa cattialtu ah cun Pu Joel Ling hi ka uar fawn. Saram lo (Animal Farm) a lettu Pu Richard Zatu zong ka uar tthiam. Pu Joel Ling ttialmi ah "Lungput" timi cauk hi ka uarbik a si. Mahbantuk cauk phun hi Laimi nih rel awk ah tam deuh in kan chuah piak kho hna sehlaw attha tuk hnga.

"Duh a nung lomi kan sining, kan muisam, kan pumrua tepawl hi thlen khawh an si ti lo. 
 Asinain, kan lungput tu nih cun duhnung ngai ah a thlen khawh ko hna....

Lawmhnak le nuamhnak caah hmun le caan nakin lungput hi a biapi deuh tawn.....

Thaizing ah zeibantuk minung dah kan si te lai ti cu nihin kan lungput ah aa hngatmi a si...."

Joel Ling

Girl On Fire

December Morning

Tuni cu zingka ka off nain tuan ah ka tho. Naihrawng in tuan thawh nih a ka lem i a ttha ngai ka ti. January thla a phan lai i sianginn thawktthan tik ah ka cei tuk lem ti lai lo. Nain, tlai tiang tthut ka hmanmi balte ka tthinh kho rih lo. Friday le Satday cu tuan ah ih khawhnak lam um lo nain weekdays hin cun tuan ah ih kaa zuam ahau cang lai. 

Leng ah ka chuak i thlitu ahrang ngai. Akih cu kik lem lo. Nikum kumchin hrawng khan tubantuk caan ah cun akik tuk cang. Thanksgiving lio ah snow a rak tla cang nain tu kum cu a kik lo ngai. Akik tuk cun um sawh zong ah ka ttin hung. Tuah awk vialte aka tlawh ter dih i zeituah hmanh lungtho lo. Nungak te nih!! an ka ti tawn. Hmmm..doesn't matter!!Khuasik ka rem ve lomi cu :)

Hell chung ah phone hman khawh siseh law thideng in facebook ah comments rel aa timmi an um men lai dah ka ti!

Pawngkam zawnruat loin motor mongh pah in a hmangmi hrim hi cu thong kumkhat thlak phu an si. Ahlan ah cun keimah nih mi ka pah sual hna lai ti ka phang i ralring tein ka mongh. Tucu minih an ka pah lai tu ka phang deuh cang. Zeitluk in tangkaa an ka liamh khawh zong ah workshop kal le caan dih lai ning-- a si hrim si kho lo. Zei ko nih dah ahnawh hna i mahtluk in facebook hman loin an um khawh hnga lo? 

Anyway,

Redbox ah movie ka hlang. "Man on the Ledge"timi. Ka lennak ah ahramthawk te ka zoh manh i ka lung ah a tam peng. Caan ka ngeih cun ka zoh hrim lai ka rak timi a si. Attha tuk cu silem lo nain kaltak sianphu si fawn lo. Nazi pakhat le minute 42 a sau i adonghnak tak te lawng ah "Awwww...ticun ma a rak si" tiah ka lung pem ter. Zanlei rian kal lai tiang ka lung ah a cam.

"That's what is great about this country. If you want it bad enough, you can make it back. Hmm?

In this city, on this island, we don't go to work, we go to war! And if somebody takes something from you, you take it back. And more."--- Man on the Ledge

Philh khawh lomi December!

December thla timi a um chung cu zeitindah kan philh khawh hnga?

Dingdi Mang, Dallas 

Mah zan cu van ah arfi an um ma zong ka thei lo. Thlapa tah arak vang tak ma kha? Zilthli ahrangmi bal akik pah rua dah ka ti. Kaa nuamhnak vialte nih thil tamngai hlam a ka philh ter. Khuasik zan December thla nikhat ah akik pengmi ka thinlung lumhram arak i thawk.

***      ***   ***   ***  ***

Ka ttialnak kum zeizah arauh ka thei ti lo. Cauk in ka chuah te lai ka hei ti. Chuah tak awk ah a donghnak ka phan kho bal lo. Ahram ka domh, cun a lai ka phan nain dongh ter ka siang lo. Atlawm bik thlakhat voikhat cu ka rel tthan tawn, kum riat a rau cang..nain ka ruah tthan ah nizan tihni bantuk tein a thar peng rih!!!!!!!!!!

Sian lo bu tein i fim rih ko ning!!!! 

Sweet December, 2012

4:30PM
Rian kal za hoi. Tuzan cu tuan ah ttin kho ning law ttha tuk hnga.

5:00PM
Dawr on hram kan vun thawk bak si nain khar caan phan cang seh ti lawng te ka duh! 
Hmm..nazi 5 chung rianttuan caan tang rih.

6:35PM
Caan liam a har ning hi!! Tuan ah ttin i TCBC ah sweet december don kal lawng te ka lung ah um.

7:00PM
Yayy!! Nazi 3 lawng tang. Customers zong an um tuk lo i tuan ah ka ttin kho ko lai hih!!

7:15PM
OMG!
OMG!
OMG!

9:45PM
Ka thi ko. Ruah lo pi'n ka busy tuk ciammam i ka ti hal tuk nain ti dinnak caan zong ka ngei lo.

10:20PM
Jezzzzz!!! Nazi pahra leng si cang hi. Tutiang tuah awk tamtuk tang rih!!!! Ka keng zong fak dih cang :(

10:45PM
Finally!!!! Tu ceo rian kaa lim!!! Ka ke zong lin dih cang ;(

11:14PM
Home sweet home ka phan!! Ka paw ttam.

11:20PM
Thil thlen loin rawl ei ning. 

11:49PM si cang. Tlawmpal pei december phanh cang ko lai hi. Well, ihnak cung tuin dong ko ning!! 

December kan phan tthan cang lai.
December thla nih lungthin a numh ter tuk!
A sunglawi bikmi thla ah hnangam daihnak he lawm tein caan hmang kho cio ding in thla kan cam piak hna.

12:00AM

Happy Sweet December!

Khuasik Zanttim Khuaruah

Special item pakhat kan ngei i kan Boss nu nih "The Happy New Year Roll" tiah a sak. 

Customers nih "End of the world roll" tiah nan sak lo an kan ti. 2012 December cun caan

dong cang lai tiah a zummi an tam ning le an ttih hna ning hi. "Aduh ah dong ko seh hitluk khuasak har hin" a timi an um len nain an lungtak in an chimmi si lai ka zum lo. Hodah caan dongh cu duh hnga? Tih nung in...

2013 phanh lai ka ngaih tuk. 

Zeitheng ka tuah lai tiah tinhmi ka ngei lo nain 2012 liam lai ka hngak kho lo.

December thla phanh lainak ah nikhat lawng aa duh cang, lungthin a numh ning hi.

Aruang pipa um loin 2012 hi dih zok seh ti ka duh. Hmmm...ka lih !!A ruang um hen ta.

Buaibainak lawngte in a khatmi ka lungthin, ka ruahnak, ka sining vialte 2012 sin ah chiahtak kaa zuam lai.

Ka minung sinak in kaa tinhmi vialte cung ah Bawipa nangmah tu nih lam ka hruai ko!

GOSSIP

"Great minds discuss ideas; average minds discuss events; small minds discuss people."                                                                                                 

                                                                                                       Eleanor Roosevelt

Ideas tam ka ngei lo. Ka ngeihmi ideas zong amak mi ideas an si lem lai lo. Theih na duh cun kan chimh khawh ko. Hnihkhat kan share lai, na zuam cun rak rel-- http://www.dingdimang.com/

"An i duhnak sau ngai cang an i um deng hnga lo ma? Sazawh ka haw." 

Nangmah sazawh zuam ruang ah ma wedding cu an tuah hnga aw. An i duhnak sau le sau lo zeitin na theih? US ah cun saman zong fak lem lo nain Walmart cun fawi deuh lai. Tuah awk ngeih lo ah ih ko ding. Zing Zan mikong ceih awk kawl peng.

"Ei Dingdi Mang kha ta. Na thei cang ma (cutin dakaw si cuh, khatin dakaw si cuh)?"

Ka kong zong ceih khawh si ko. Caan tlau in na hei ceih len cun zangfakmi na va si dah. Na hawidang caan kan i zat khawh lo ah. Mah ah ka kong ceih len in caan liam tertu an um cu I would feel like i am special :D Ka min nan theih men lai Dingdi Mang tiah. Nain nan ka thei lo who I am. Kan thei hna lo i theih awk tlakmi  thil zong ah ka ruat lo. 

Ka mind cu a great lo nain a small lo i kei na kong ceih ka zuam lo. 

To Be Honest II

Caan an liam.

Ni an liam i Thla an i thleng.

Cun kumkhat cu a dih tthan. 

Vawilei cung ah nikhat hnu nikhat u pat lei sang a panh lomi hodah um hnga?

"Na kum a no ruang ah hohmanh nih in nihsawh hna hlah seh" timi bible verse kha

mino pumhnak ah ka rak ngeih tawn leng mang. Kum 25 cu u pa ah ka hmu tuk lem rih lo nian

mino ka sinak a liam lai ka phang. 

"Mino" ti auh mi si hi ka uar tuk. Thazang a tthawng i ruahchannak in a khat. Tuahkhawh lomi thil a um lo tiah zumhnak a feh ter. Lungthin a fresh i lungdonghnak muithlam hrim a leng kho lo.

Duh lo zong ah mino ka sinak ka liam tak te lai. Asi nain cattial tu pakhat nih a rak ti bang---

"Ngakchia note te ka hmuh hna ah u pa tuk in kaa hmu. Ka saya te le cawnpiaktu upa ka ton hna ah thinghnah note bang in ka hring tuk rih." a rak ti.

Atak ah cun, kan mino sinak a liam lai hi phan loin u pat lei sang ka panh tik ah tuahkhawhmi thil zeite ngeih lai lo tu hi phan deuh ding a si ka ti.

Tuahkhawhmi thil ka titik ah Pastor si khawh theng le professor ttuan khawh theng ka ti lo. Sikhawh tawk in midang caah a bawmchan kho tu si tu a si.

To Be Honest

"Atu hi facebook ah "to be honest" timi a pawt tuk lio si."  

Bia le lam phan ah ka hawi nu nih zahan ah a ka chimh. Kei cu facebook ka ngei lo i ka thei lo.

Nain, "honestly" ti hi ka hmang ngai ve, hawi he bia ka ruah tawn ah. Laiholh cun bia kan chim lai i "ahman ning tein hei chim ko ning law" kan timi khi..

Zeicah mah hi kan hman hnga? Ka chim lengmang mi pawl hi lih lawngte in a khah caah ma a chelcaan te khin "to be honest" "honestly" ka hei ti hnga? Mah ti kan hmanmi hrim nih hin bia kan chimmi hi velhle le lih lawng te in a khat tinak a langh ter lo ma?

Velhle thiam tiah auh ka rak i huah tawn...ka ruah tthan ah ka thin hung lem lo. Aa-na a hreh lonak ah mi ka rak aa-na hna ruang ah a si ka ti ah cun excuse ah ruat hlah uh (na duh cun na ruah khawh tthiam..i am just being honest :)

"Life is about making mistakes and learning from them" an ti. Aza thawk cu ka cawn rua dah ka ti nain zei kaa hlei lo. Ka zual chin...Lungchung um ning tak in chimrel hi a ttha tak ma hen ka ti caan zong tam ngai hoi cang..

"Midang nih zeitindah an ka ruah hnga ti hi thil ttih nung a si. Sihmanhselaw Bawipa i bochan hi himnak a si." timi Proverbs chung i bible verse te hi ka lung in rel ka nolh leng mang mi a si. Mitling ka si kho lai lo. Si ding zong ah kaa zuam lo. Pawngkam bia in nun a hmang mi zong ka si lo i cawncawk lo palhnak lak ah a nung mi ka si.

Bawipa ka ngaithiam.

I'm Yours

"Well open up your mind and see like me
 Open up your plans and damn you're free
 Look into your heart and you'll find love love love love" 
Mah hla asatu hi Jason Mraz a si. December 16 ah Yangon ah manlak loin hla a va sa lai. Mahthluk American minthang hlasakthiam pakhat nih kawlram ah vakal in free in hlasak nak tuah aa timmi cu amah lawng si rih lai ka zumh. Midang cung ah dawtnak ngeih le zawnruahnak a ngeimi hi cu Pathian nih thlachuah a pek hrim ko hna. 
Ka sining nih a phanh lo ka theih ruang ah khin ma "hei rum ning law cu..cu ah cun ka donate hnga..cu cu ka hei bawmh hna hnga..." tiah ka hei chim len tawn hnga ka ti. Jason Mraz bantuk in minthang hlasak thiam, tangkaa ngei takmi hei si ning law "midang caah" timi zawnruahnak le bawmhduhnak thinlung ka ngei tak lai kaa zum lo. 

For every heart that beats

Moon & Stars

There are no better friends than brothers and sisters.
There are no siblings better than my brothers and sisters!
They are blossoms in the garden of my life and thanks Mom for being a wonderful gardener!

Kan ngai ee Laitlang

"Thaten cuan hmanh fing le tlang

Khing ruangmang in a tthing ai cang

Thaten ngaihmanh zil thli thawng

           Hram ruangmang in a li a leng ee"--Hreh Lian

D-O-U-B-T

“Truth is beautiful, without doubt; but so are lies.”

Lunglawmmi

"Zeidah dessert ah ei na duh lai?" 

"Ei, um ko seh. Ka lawm!"

"Na rawl cahmi dessert aa tel chih i na duh lai lo ma?"

"Si ma? Nain, um ko seh. Ka lawm."

"You are welcome!"

****

"Ice cream le cake kan ngei. Zeidah na duh lai?"

"Aaa zeihmanh ka duh lo. Calories tam tuk mi ei lo ka zuam eh. Thanks though!"

"My pleasure Mam!"

****

" Excuse me sir! Dessert zeidah kan rak put lai?"

"No more room in my stomach babe! Thank you!"

"Na rawl cahmi ah aa tel chih i to-go in kan tuah piak lai ma?"

" Inn zong ah ka ei pek lai lo sweetheart! Ka lawm!! um ko seh!"

"Sure Sir!! You're welcome!"

*****

Mirum mingei pawl ciammam, an duhduh an cah i thau lai phan ah an ei tak fawn lo. An duh ruang ah ma an cah, tangkaa kan ngei ti langh ter duh ah dik a man fak khunmi poah an cah. Cun, ei huaha loin an ttin. Rawl man fak bikmi items pawl cu dessert an i tel chih i ice cream or cake kan serve hna nain mirum tam deuh cu an ei tawn lo. Athlummi ka ei cun ka weight kai sual lai or too much calories or whatever--- blah blah blah an ti peng. Tha ko cuh, kan dawr ngeitu caah $ save deuh!

******

" Honey, ka fapa te chuahni a si. Cake na rak pu kho lai ma?"

" Ohh!! Absolutely Mam!"

Tuzanlei cu minak nupa hna le an fapa te ka table ah an ei. Minung pasarih tthutnak table a si i kat lei ah mirang hna pali an tthu ve. Rawl an ei lio ah minak an nu nih a ka auh i a ka hal. Ka sin ah rawl an ka cah lio tein tangkaa ngei lomi family an si ka theih khawh. An fapa te kha "na duhmi poah i cah ka fa" tiah an ti i an nih nupa cu a man fawibikmi te an i cah!! 

Cokaa ah ka kal i cake cu ka va lak. Kan ngeihmi lak ah keimah nih ka duh bikmi cake ka thim i dawh tein ka ttamh piak. 

"Happy Birthday Dear!"

"Make a wish!!"

Alai fang ah candle pakhat te ka bunh i cake cu ka hei pek. 

"Mahhi keimah nih ka duh bikmi cake a si i na duh ve lai tiah ka zumh!!! A dih lak in na ei lai mawh!!" ka ti.

" Ka wish cu a tling cang ko.Thank you very much!" a ka ti i a ka zoh. Cun ---

"Thanks God!Ka wish na tlin ter! Birthday cake ka ei lai tiah kaa ruahlo tukmi. Ka favorite simi chocolate cake bak ka ei!" a ti i a nih buin a nu le a pa cu a hei zoh hna.

Thawdawp ka philh rua!! Ka thinkaa in a fak i ka mitthli a ha. Ka luki duk duk in a thor i ka kam a ka sur!! Mah kum hleithum fa te nih a chuahni ah a wish mi cu birthday cake ei khawh hi a rak si. Teenager na si cang an ti i mingei pawl nih cun an fale kum hleithum an tlin ni cu kumdang nak in sunglawi khun in an tuah piak hna. Cake hmanh pathum le pali pi an rak i put i hnahnawk in an kan buai ter tawn. 

Mah lio ah hi pate caah cun dessert ah kan serve mi cake te hi a rak wish mi birthday laksawng a si ai. Ahlat nawn i cake a ei lio cu ka hei zoh pah i ka lungchung tein thla ka campiak--

"I wish you all the best! May God Bless You!"

A pawng ah ka va kal i cake cu a rak ei dih lo. "Ziah na ei dih lo ee? ka duh tukmi si na ti kha?" tiah ka hal.

"Adih lai ka siang lo. Thaizing caah ka chiah lai."  a ka ti.

"Ok! Tisi cun na ei bang kumhnak ah to-go box kan lak piak lai mawh!" ka ti i cake kan chiahnak ah ka va kal. Cun, chocolate cake a case in open rih lomi athar te ka lak. Plastic bag chung ah rem tein ka kumh i lung nawm tuk in ka mirh!!!!

"Khah!! cake ngan pi in laksawng ah kan pek chap! Tu na ei liomi kha dihlak in ei law, mah hi thaizing lei ah na ei te lai!"

A ka zoh i aa zumh kho lo. A ni..ka ni ve! A ni ko nian a mit chung ah mithli aa dil. Atthutnak in a tho i rek tein a ka kuh! Ka mitthli tla lai ti ka phang tuk i ka mirh ter chih buin ka kuh ve. "Be a good boy, Ok?" Ka hei ti. Khua zeimaw upa pi aw cawi in khin--

"You are very welcome!" timi bia mah ni tluk in ka lungtak tein ka chim um rih lai lo.

A nu le a pa nih lunglawmhnak bia ka sin ah an chim len. 

Asi nian, mah caan ah khan alawm bikmi cu Keimah ka si.

Black&White

Dingdi Mang

cazoh zuam bal lomi

zuam lo buin rian a hnekmi

hawi he vah vuammi

rock hla uar lomi

once in awhile lawng ah smile hmang mi 

A Girl with Ponytail

Choose a job you love, and you will never have to work a day in your life.~ Confucius

Kum zeizat a rauhhnu ah dik Confucius chimmi bia i ka caah a va hmaan te hnga? Lawlawse cu love ruang ah si loin need ruang ah ka ttuan peng ko. Tuzarh cu off ni ngei loin ka ttuan i ka ba ngai. Zeiti ttha! Tuan khawh tu hi thlachuah si ka ti.

Thanchonak zeipipa cawnnak um lonak ah nifate rianttuan peng a si ko nain lak thiam ah cun tthatnak a tam ngai ko. Kan dawr hi office lawngte nih an kulhnak lam pawngte ah a si i Mon-Fri cu zung rianttuan ngawt lawngte an rak ei. Lunch caan cun notebook, laptop, ipad an rak i ken hna i rian kong ceihpah in chuncaw an ei. Mifim, cathiam zungrian ttuan kan ti cu an holh an umtu ziaza in aa thei tuk. Take care hrim an fawi tuk fawn!

Dinner caan tu cun kaa kip in a rak ei mi an si. Family he a rami an um bantuk in aa date ka tete zong an ra ngai. Miphun kip le ramkip in a rami he chawnhbiak a si i seih win sa awk tam tuk tawn. However, Achel caan ka busy lio i a holh tamtuk mi nih an ka chawnh bal ah cun ka lung rawk. An bia tan awk ah ka harh tuk tawn. 

Mirum chungkhar nih an duhduh cah in an ei lio ah cheukhat chungkhar cu $3.50 man fried rice kong an buai tawn. "Zeidah a thaw ti kan hngal lo, chef nih a duhmi poh kan tuah piak ko seh" tiah sushi a cah tu an um bantuk in " sushi ei ka duh ngai nian $6.50 for an order cu a man fak tuk" a rak timi zong an um. 

Jezzzzz!!

Ka mit ka au kho ti lo--ka mit ku tuk i it ning!!!

Next to Vences

Me, Myself and I

Ka tha dih!

Ka lung rawk!

Ka thluak fak!

Ngaihchih ka hua. Ka ngaichih timi hman lo kaa zuam peng. Nain keimah lawng theih in ka lungchung in ka ngaichihmi thil an um len. Nain kaa philh ter chih. Zei ka tuahnak lai! Aliam cang--adih cang--acang cangmi thil cung ah zeidah ka tuah khawh hlei ti lai? 

Na tuh bantuk in na zun lai ti si kha. Lungsak tein zun ko ning! Kilven le zohkhenh zuam loin ka tuhmi thingthei ei kaa harh ning!!!  Thlum zong tlum lo, khat fawn ttung lo! Zei thawtnamnak ngei loin ii hmawm ding ah le a thor ning hi!!

Tuhnak caan tampi ka ngei rih! Lungfim le felfai tein titoih le zohkhenh ka thiam cang ko hnga lo ma? Thiamnak ding ah i zuam cu hau lai ta!!!!!!!!!!!!!!!!

Double-O Seven

James Bond: 007 reporting for duty.      

M: Where the hell have you been?

James Bond: Enjoying death.

                                           --Skyfall

Movie zoh ka zuam ngai nain nazi pahnih le cheu chung tthut cu afawi lo. 2002 lio i James Bond min-ta-pa kha ka uar bik. Nain tutan James Bond (Daniel Craig) zong uar um tuk.  Kawlram ka um lio i a chuakmi Casino Royale ah khan ka rak uar lo nain Skyfall chung cun a mak tuk. Ka hawile ka in ka theih leng mang ruang ah zoh ka duh ve i a si. 007 James Bond timi i tel hlah sehlaw cu zoh awk ah a tthatuk hlei in ka hmu lo. Aww..duhmi cu aa dang cio ve i ti!!!

Drama le Romance deuh ka uar ruang zong ah si kho men. But, I had a good time!

Ruahhmai he a tlami Mitthli

Khuarithawng ma si

Azuangmi Vanlawng thawng dik--

Thinghnah cheukhat an cawl thlitu hranhnak lei kip ah

Tilhtaak dihmi thingkung  pi cu thinghreu bang cawlcang loin

Remh liomi lam nih nawncek in akhat---thinghnahro an i phah ko.

Siamsiam tein a tlami ruahhmai sinah a dermi thinlung lakawk ttha loin a kuai!

Hawi caah thazang pek i fawih tluk in mahnih thazang laknak um lo ning hi! 

Nunning cung ah ma ka thinhun deuh, Van tu ah dah? Velhle in dah lo cun mirh zong ka zuam lo.

Nihnak thazang ngei loin ka hmur zong an i seng cang. Ka thintawi lio cun, amah tein a parmi pangpar zong nih hna aka hnawh!!!Adaihnak bik hmun ah kal ka duh! Thawngpang zeihmanh um lonak..holh hauh lo in hohmanh umlonak.

Bawipa, 

Ka ruahchan bantuk in kaa tinhmi thil hma akal lo caan ah inn khawhnak/ruahthiamnak thinlung run ka pe ko!

Good Morning Beautiful!

November Morning!

1:07am

Kaa ngaih tuk ruang ah si rua. 

Ka baa tuk nian fawilebai ah ka hngilh kho lo. 

Zingkaa 6am ah tho ding ka si mi. Ka ceituk lai ning hi!

6:00am

Ka phone ka remlobik caan aphan. Zeikarah 6am si manh? 

Ka mit ka au kho lo. Ka takpum a fak.Ka ke nih cawl an duh lo.

Alarm phih ding ah ka kut thazang um lo. Cun, ka lungmit. Ka buhri. Zahan ei loin ih man!

6:10am

Ka huat ning!! Thawh lo ngah lo ma? Yah tuni theng hi ka rak thim eeeeeeeeeeee!!!!!

Hnu deuh zong ah rak i timh ding si ko mi!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Aaaa just five more minutes!

6:20am

OMG!! 6:20am si cang!!! 8:00am ah phanh ding simi ka thi ko. Cuthluk thathut ih duh cu!

Ka kal balnak zong si lo i lam ka tlaupah rih fawn lai. Hnut hrim asi kho lomi a si. Grrrrrrrrr!

6:45am

Ka pawttam tuk nian zingkaa cu zeihmanh ei ka or chuak lo. Kaa hnek kho fawn lo i a poi tak!

Coffee strong tak tuin ding taa ning. Chunnitlak si lai i ka mit kuh tel hrio deuh lai. Khulrang in coffee din cu a yah ta um lotak Cekkkkkkkk!

7:00am

Ready..set ..go ..si cang!

Ka theihnak lam cu sisehlaw 35mins ah ka phan kho hnga nain, tucu nazi pakhat tuan in kal cia hau.

Lamthlau lo in kaa tinhnak hmun ka phanh khawh caan hi 5% lawng si. Cun, tuni cu a biapi tukmi ni a si fawn. Tuan ah ka phanh hau! 

Wowwwww!!!

Nika achuah kaa te!!Aa dawh khawh ning cu! Thlanglei hoih in ka mong i a chuakliomi nika nih ka kehlei in a ka tlanh! "chasing the sun"timi hla ka lung ah chuak. Aa pehtlai lo takmi. Thlizil a hrang i anuam fang te bak si, AC on hau loin. Naihrawng cu motor mongh fate thlalangawng on nih a ka lem. Khuasik thlikik nih an ka chem ah ka lungfim deuhmi a lo. Ni a tlankaa te a si i thingkung le ramhnah pawl hring dildel in--zoh dawh tuk! Lungnuam tuk in ka mirh!

Hello! Good Morning World!

7:39am

Lam ah motor um tuk rih lo i lamkam i chawdawr pawl zong ong rih lomi an tam. Ruahcia ttheo bang..lam ka tlau. Nain GPS nih fawi tein a ka phanh ter tthan. I love you, GPS!!!

7:50am

Mahtluk University Campus ngan khawh cu!!!! Hakha khuapi nak in a ngan deuh lai :P 

Last minute ah phanh le tuan ah phanh mi feeling cu aa dang tuk. Kalnak hmunkip ah ka hnu peng nain tuni cu tuan ah ka phan i parking zong aneihnak bik ah ka ngah. Cun, tuan ah ka phan..ihnawh len hau loin caan ka ngei rih timi ruahnak nih ka hna aka ngam ter khun fawn!

8:00am

It kho loin kaa ngaih tukmi caan cu aphan ko cang!!!!!

Regret

Never regret anything because at one time it was what you wanted~Unknown

Arfi in a khatmi Zan

9:30pm 

Nikhat chung ah athlum bik caan si men lai.

Inn ttin caan phan cang. Motor mongh pah in hla ka ngai.

Nikhat chung a cangmi lungretheih thabatnak vialte kal tak in.

Lam busy lo caan i motor mongh cu a nuam ko. Mongh pah in hla ngaih nih hin ka tha a ka dam ter khun.

Achelcaan cun tinhnak hmunhma um theng loin motor i mongh i hla ngaih pah in zankhua dei ka duh tawn.

Khuasik zingkaa i achuakmi nika hngahpah in lungdai tein thlithiang dawp i seih ku yin pah khi--anuam tuk lai.

Tulio cu ka duh tukmi hlasakthiam Jason Derulo hla lawngte ka ngai. Kan inn le rian hi minute 15 hrawng in aa hlat i fung nga hrawng cu ka ngai manh tawn. Aaw ka duh tuk ning hi ka ngaih ah ka thinlung a zaanter tuk. Zeidang khuaruah awk vialte aka philh ter dih. Gas station ah gas fill up pah ka philh caan hrim rel cawk si ti lo. "Amui in zoh hlah, a ann in ngai" an rak ti! 

Nain, Jason cu amui hrim iang ngei kho tuk hoi :* 

Kan inn lam ka vun pial bak ah "Blind" timi ahla ra.

***That love made me blind so I could'nt 

See all the lies you told were right in front of me

Since love made me blind you made a fool of me

You made it look so perfect when it wasn't meant to be

Your love made me blind, love made blind, love made me blind,

Your love made me blind.***

Duhnak mitcaw  ti silo ma?

Mahhla chung bang hin cun tong hramhlah ning! Aruang um loin ka thawpi ka chuah. Hmmmm--

Van ah thlapa ka kawl. Tuzan cu thlapa mui a cuang lo hi ta. Aka hlamtu pakhat tetel an tumtteo lai ti hi zeitindah thlapa nih cun a va ruah thiam hnga ti? 

Asi nain, relcawk lo arfi nih a lung lengmi ka thinlung an hnemh khawh colh ko!!!!!!!!!

True Friends

"The most beautiful discovery true friends make is 

   that they can grow separately without growing apart."~ Elisabeth Foley

"Na dam lo ma?"

"Yah na hmai aa panh lo ee, na ok ma?"

"Na paw ttam cang ma, sayamah theih lo tein chuak hna u sih."

"Na rim rih lo tih? Na duh cun tuni zong kan in chimh ko lai. Mahtluk bicycle cit thiam na duh cun."

Ma? ma? ma? ???

Zeitik poah ah keimah duhnak lawngte hmai ah chia in a ka dawtu ka hawi le. Lungthin a thiang tukmi ka hawile. Mahtluk thinlung ttha a ngeimi hawi le ka rak ngeih hi aw---Bawipa ka lawm!!

Kan ngai tuk hna! Kawlram ka phanh kaa in a ka kom i a ka theithiam pengtu. Holh thiam lo ruang ah class chung um ka duh lo i ka paw ka domh buin "ka lufak i ttin ka duh" tiah sayamah ka rak hlen lio zong ah chim a rak ka bawmtu :)

Hma putter lai phan ah ka pawng tein dirkamh in bicycle cit arak ka chimtu. Tuition kai loin Pagoda ah a ka vahpi tu. "Nan pathian hi a thathu tuk. yah a ih peng?" tiah hal zong ah thinhun hmang lomi ka hawile...

Thadingyut (Festival of Lights) ah an parents caah ah changreu he ka rak leng tawn hna..

December phanh fate laksawng he ka nu an rak ka-dawh tawn ve. Hawikomh si ding ah zumhnak khah le miphun khah theng a hauh lo ning hi!!!

Ka rak tlun in bicycle he Pagoda le Lake kan vel tthan hna lai..kaa ngaih tuk :D

Blessings to you all, my friends!

Chin-mah-lay