Happiness!

"Happiness comes of the capacity to feel deeply,

to enjoy simply, to think freely, to risk life, to be needed."

Storm Jameson

Keep Your Head Up!

F, mirangca ah F in aa thawkmi poah cu ka uar lo ngaimi an tam :)

Abik in Failure!

Sungh ka ttih tuk. Sunghnak phunkip in akhat mi vawilei cung ah kan nun chung kan ton cio lai dah; 

tawm le tam lawng aa dang lai. Ka ngakchiat lio ah ka ttih bikmi sunghnak cu cami puai sungh a rak si. 

Ka nu, ka u le ka tta le sik lai ttih rung ah si loin kan sayaci pa ka ttih tuk ruang ah cami puai sungh lai 

ka rak ttih tuk. Kumkhat hnu kumkhat upat lei sang ka phanh bantuk in ka tonmi thil an thar, ka hmuh 

nak a thleng, ruahning a dang... i... ka ttihmi thil zong an i thleng. Zawtfah lai ka ttih. Rianttha tuan

khawh lai lo ka ttih. Fimthiamnak a zaceo tel ka ngeih khawh lai lo ka ttih. Ka dawtmi ka chungkhar 

ngandam loin an um sual lai ka ttih! Cun, Bawipa nawlbia ngaih duh loin vawilei cung thil sining lak 

ah ka vaivuan lai ka ttih. 

Sunghnak!!!! 

Ka tonbal lomi sunghnak ka tong. In a har ning hi! Thinlung kek in ka au, pawngkam theih ter loin. 

Ka ruah than ah, ka mirh! Nuamh caan nak in hibantuk caan ah ka mirh deuh rua. Sining cung ah ka 

ing puang. Sualphawt awk ka kawl lo. Caan dongh zong si lo...attha pah te ko lai. Lung bang hakmi

thinlung sau na tei kho lai lo. Na minhrim ah "sunghnak" ti na si kha.