Song of the Moment

You Made My Day

"What is wrong is wrong, no matter who said it or where it's written."--[A Separation]

Zahan hnu tuk tiang movie ka zohnak ah tuni cu ka lufak ngai.  

Ka zohmi movie nih le lung numh awk um lo takmi khi a si.

Iran ummi nu va hna kong si i fanu pakhat an ngei. Anung kho ngaimi mifim le cathiam chungkhar an si.

An nu nih a fanu te kha Iran ah tthan ter loin ramdang ah umpi a duh. An pa nih le Alzheimer zawtnak ngeimi a pa kha kal tak a siang lo. Cuti cun---            

Ngeihchia le lungtthat lo bu tein ka zoh dih ah cun 3:00am si cang. An fanu te nih ho deuh sin um dah aa thim hnga ka ti. Lungawttawm ngai in ka it.

*********************************************************************************

Zahan ka mit kuh vuai lo tuk i tuzan cu tuan tein it ning ka ti. Nikhat ni phan lai i rianttuan hau hoi lai. Mitkuh vuai lo buin rianttuan thawh a har ning. keimah te hmanh ka moody tuk hlei ah ka mit kuh vuai lo caan cun a let in zual. "Good morning" an ka ti zong ah ka thin hung rua dah ka ti...:(

Mah caah cun tuan ah ka it lai. No game, no movie, no pandora, no book, no computer ka ti nian mail tu cu vun check taa ning ka ti. A herhmi ca a luh sual ah. Mail lumi ka rel pah in "iphone ah Eng-Chin-Myanmar Dictionary hman khawh a si cang!!" timi subject in mail ka hmuh. Ka rel i ka lawmh tuk ning hi. Zeiruang ah cun ka thei lo nian zumh awk zong ah kaa harh dih. Hihi a kan chuahpiaktu le tawlreltu vialte Pathian nih thlachuahnak  in pe ko hna seh!!

Ka phone ka on i App store ah ka kawl colh. $9.99 in cawk a si. Ka download i ka on ah cun ka ruahnak leng pi bak in a mak kho tuk. Mirang ca, lai le kawl ca bak in si i a tthat ning hi. Ka lawm tuk hringhran. Lai ca in ca ttial ka duh tik ah ka theih lomi biafang kawl an fawi tuk cang lai. Ka philh sual lai ti ka phanmi kawl ca zong fawi tein ka zoh/cawn khawh tthan lai.

Dr.David Van Bik chuahmi Eng-Chin [Hakha] Dictionary te ka ngei i ka theih lomi lai biafang pawl ka kawl tawn. Kalnak kip ah i put ding cun a fawi lo i inn lawng ah ka hman khawh deuh. Cun, online ah ka gmail hin English to Chin Dictionary le English to Hakha Dictionary ka ngeih hna nain hman khawh an si lo caan a tam tuk. Nai hrawng hrim cu ka offline lawngte in an um i ka hmang kho lo:(

Culio ah atu bantuk in Chin-Eng-Myan Dictionary App an chuah khawh cu lawmh lo in ka um kho lo. Thiam ka duhmi lai ca a tu cu fawi ngai deuh in ka cawn khawh cang lai. 

P.S 

Moody hi lai ca in ka kawl i ka hmu lo. 

P.S (2) 

Tuan ah ih hau ka timi ka vun blogging taa i thaizing cu ka moody hoi lai;(

P.S (3)

Rak caw ve uh!!

https://itunes.apple.com/us/app/english-chin-myanmar-dictionary/id562186890?mt=8

P.S (4) 

Blessings to you all!!!

Mangttha!

Sweet Sunday!

"Nan ka auh ahcun kan leh hna lai i a nganmi le a thukmi thil nan hngalh bal lomi hna kha kaan chimh hna lai."

Jeremiah 33:3

Mr.President

Democrat ma na si? Republican? 

Naihrawng ka hawile cheukhat nih an ka hal tawn.

"Independent Democrat" ka si ka hei ti hna i a ruang hei ka hal hna sehlaw cu-- 

hmmmm... chim cun sau lai :D 

Tulio cu news poah ah presidentail kong lawng te....

CNN hrim cun hmuh ning phunkip in an chim i ngeih a nuam ngai.

Politic kong ka thei lo tuk i ka fian lomi tawr le cheng he ka hei ngai tawn ve. 

Presidential Debate voithum an tuah i Obama cu Romney nih biachim le al ah a tei ngai. 

Obama biachim caan ah "si a hman" ka hei ti.

Romney nih a vun chim ve cun "aww si tak cu ti" ka hei ti ve tthan

Nazi pakhat leng an i al mi chung ah ka theihmi hnihkhat te lawng a um. Zaaran nih cungvuan in i fianank ah cun Republican pawl cu mirum ca lawng ah tthathnemnak um. Democrat hi sifak caah rian an ttuan deuh ti a si. 

Mirum innchung khar in a tthangmi Romney nih "small business..small business" tiah a chim tam ngai lio ah Obama nih a vun timi bia nih a ngaitu tam ngai thinlung ah rianttuan lai dah ka ti.

"Governor Romney, nangnih small business na ti leng mang mi hi Top i ummi lawng te dakaw an si. Nangmah le keimah zong telh kan si  hih (an kan telh)!" tiah a leh.

"President na ttuannak kumli chung ah zeidah na tuah. Great depression lio tluk kan si cang hi!" ti aa huah ve.

Adang an chimmi tam ning le ka fianmi a tlawm tuk ning hi :(

Nain, ka lung in cun Obama lei ah ka ttang ngai. Amah nih tei hram seh ka ti.

Kum riat chung Bush nih a hrawh dihmi economy, zeitin dah kumli chungte cun Obama nih remh kho seh an ti.

Caan tawite ah hrawh khawh a si nain Remh tthan ding ah caan sau a rau timi hi i fiang ceo ve hna sehlaw tuhnu kumli cu Obama president si ter rih hram ko hna seh tiah saduh ka that.

Love him.

Hate him.

You don't know him.

Still, he is your President!

Collection of random thoughts

Online Diary 

                                                                 
I think therefore I write! 

I wanna be real therefore I blog! 
I don't wanna fake it therefore I blog!                          

I wanna create my own World therefore I blog!

I wanna be able to fly with wings of freedom therefore I bog! 

I love being myself and I am a blogger!

????????????

"Wow korea fidi bak na si ko."

"Dawh zia!!! Ram dang nungak ah pei kan ruah cu!"

"A style tuk ning hi! Kadua lai pa bak ah na ruat lai lo!"

Biaruahnak ah le comments ah ka theih/hmuh tawn i khua ka ruat tawn.

Kan laimi sinak kan i uarpi khawh ve lo ning hi ka ti. A miphun simi hmanh nih kan i uarpi khawh lo cun zeitin dah ramdang hawi nih uar piak awk ah an theih te hnga?

Lai miphun pi nih ah laithil kan i hruk, dawh khawh chung in kan i ttamh i kan kal.

Hawile nih "Kadua Style zia. Korea nungak bak na lo!" an kan ti. Kan i uar khawh ning. Kan hei leh rih hna "Thank you!" tiah. 

Lai ca/Chin ca

Laimi ka si kaa ti ve ko nian Lai ca ttha tein ka ttial thiam lo. Sianginn zong ttha tein rak kai ko na buin kawlca cu thiam ko i mah miphun ca a simi Laica tthatthin in ka ttial khawh lo hi caan tampi sual kaa phaw tawn. Ka lung nih zeitik kar ah Lai ca hi mahtluk in a thlaihchan ka thei lo. Rel cawk lo tlang nih kan ram he a kan tthen hnu lawng ah kan miphun ca tlaihchan hram kaa thawk. Cawn duhnak thinlung ngeih cun thiam a fawi an ti nian a chelcaan cun zeisat khi dah a hman tiah fianlonak tam tuk tawnmi words pawl ka hmuh hna cun ka lung buai ngai ko. Kawlram i caan sau a tthangmi keimah nih mahtluk ka thiam lo ah hin cun tefa ka ngeih tik ah kan Laica hi zeitin dah ka hei cawnpiak ve te hna hnga aw!!!!

Culak ah naite ah ka rel i Laica ti auhmi kha Chin ca tiah an thlen cang.

A poi tuk!!!!

Laimi ka si bantuk in ka tlaihchan i ka dawtmi ka miphun ca, ka auh peng lai Lai ca tiah!!!!

THO 

Tuzarh nirukni Dallas ah Tho puai tuah si lai. Kum dang ah cun (tukum zong ka ti cun hman deuh lai) ka seih-win-sa tuk lem lo nian Tho puai timi hi zeidah a si ti cu theih ka duh ngai. Hawile hnihkhat ka hal hna i tthatthin in an thei cio lo. Sunglawi tak in tuah i timhmi thil, a ruang theih lo pi cun  poi ngai ka ti. Nain ka thei ve hlei lo. 

Forum pawl ah "THO kong ka fian ning", "THO timi cu", "Tho..tho..tho" tiah an ttialmi pawl ka rel hna. Asi nian Tho puai kan tuahhnawhnak a ruang tak cu fiang tein chim kho tu an um lo. Ruahning, hmuhning le theih ning lawng te...fact um lo in upa pawl hmenh an i al len ah cun zeitin dah mino nih fiang tein kan theih khawh ve hnga. 

"Kafa Tho puai timi cu ..........a si!" tiah fiang tein a kan chim kho tu um sehlaw a sunlawih zia zong ka thiam deuh ve hnga.

If I could tell you

The more loving one

Looking up at the stars, I know quite well

That, for all they care, I can go to hell,

But on earth indifference is the least

We have to dread from man or beast.

How should we like it were stars to burn

With a passion for us we could not return?

If equal affection cannot be,

Let the more loving one be me.

Admirer as I think I am

Of stars that do not give a damn,

I cannot, now I see them, say

I missed one terribly all day.

Were all stars to disappear or die,

I should learn to look at an empty sky

And feel its total dark sublime,

Though this might take me a little time.

-- W H Auden

My Lovely Sunday

Sunday

Zarhkhat chung ah kaa ngaihbik ni.

Lungdai tein dinhnak caan aka petu Sunday.

Outdoor chuah si i Biakinn ah pumh um lai lo an ti.

Ngaihngai tein ka timcia tuk nain tuzarh cu rian ah kan busy tuk i ka ba tuk. Ba tuk laklawh!!!!!

11am ah Park phanh si lai an ti i kei ka thawh ah cun 10:45am si cang. Kal loin inn tu ah i din ko ning ka ti.

Sunday i pumh lo in inn um sawh cu zeitin dik um. Abaumi pakhat khat ahlammi ka lo. Hlan cun pumh lo 

zong in ka rak um pah tawn nain ka kum upat lei a phanh caah ma si hnga, ngandam ko ah cun pumh khawh ka zuam.

Ka tho. Coffee ka ding. Tuahawk ka ngeihmi ka ruat. Thilsuk awk vairang khuazat ka ngei ;( suk a fawi ning le bil ka zuam lo ning aa tluk!!!

--------
-----------
------------------

Rianttuan lio i caan liam a har ning le

Off ni i caan liam a fawi ning hi....

Zeiti karlak ah zanlei 6pm si manh!!! Sunday dih lai i Monday phan hoi lai.

Cun, rianttuan hramthawk si hoi lai. Tlangsang kaihram domhbang Monday phanh lai cu thazang zor ko.

Hlan Pupa nih an ti kha,

Nikhat ni = Thawhni tiah.

Life in USA

Friday Night

"No, thanks. I don't feel like eating at all. See you all later. BYE!"

Ka ba tuk. Ka ke lin. Ka ban fak. Ka laing a ka ttam. Ka paw ttam tuk. Cun, ka mit ku.

Motor mongh ka zuam lo. Hla ka ngai lai ka ti cu ka rem lo tukmi Taylor Swift hla ra hoi.

Ka hmaika motor mawngtu  hi mahtluk in a nuarh hnga ka ti. Hawi inn phanhzok duh ah hin.

Mahlak cun ka motor gas a dih deng. Gas station pialpah ka zuam lo ning hi...asi khawh cun ka thaw zong chuah ka zum lo.

Biatak!! Mahtluk in ka ba.

Rianttuan! Rianttuan! Rianttuan! Rianttuan! Rianttuan! Riantthuan!

Passion fruit juice!!!!!

Si! Tulio ah ka thabat a dam tertu pakhat lawng um. Hrai ngantak ah ka tlen i dinpah in ih colh kaa tim.

Thabat tuk buin hngilh khawh lo a fah ning hi!! Meiinn cu ka van tthan. Ka pawng i cabuai cung ummi cauk ka hei banh. Rel nuam lo takmi siseh law ttha ka ti pah. Zuamlo mi tuah khin mit ku khun i...

Yeap!! Hman ning!!
Zeitik lio ah hen ka rak i ttialmi asi.  It's really true!!! Hmmm ka tha um deuh!!! Rianttuan nak ram ah a reltu hnihkhat catel thazang ngei ve hna seh ka ti. Ka tho i ka blog ka kau....

And, I start typing.

:*:*:*:*:*:*:*:*:*:*:*:*:*:*

We sometimes envy rich people.

They have no work to do. Their life is one long holiday. They may be very happy.

But, we have to work. We must work to earn a living. We think we hate work. But, we make a mistake.

Take away our daily work and we should soon be very unhappy. Regular work gives us happiness. It's the

man who works that can enjoy a holiday. Then, work gives us self respect. It makes us independent.

The honest workers can hold his head-up. He looks the whole world in the face for he owes not any man. It

also builds up characters. It teaches punctuality, carefulness, thoroughness, perseverance and patience.

Work is indispensable. So work is a blessing.

                                                                Work Work Work Work Work Work

:X:X:X:X:X:X:X:X:X:X

And now I have to sleep! 

Tomorrow is Sat day and it gonna be another long day at WORK.

What if....

A chuakmi nak in a rak lutmi an tam deuh.

Mino, ngakchia, pitar, putar, tlangval, nungak...

Zoh ah thilrit phormi bang mithmai panhlo lawng tein..

Nichuah kaa in ka tthu i ni a thla, khua a mui thluahmah cang.

Coffee kaa hunhmi nih a ka dih tak cang i , Coke nih ka khua a ka sih ter chin.
Dothnihnak in thlalaawngka pawng ah ka tthu i inn tang i Emergency Entrance lei ah a kal chuahmahmi pawl khi ka hei hmuh khawh hna.

Ka hmaikaa i an piahmi movie hi voi zeizahnak an thlen dik a si cang. Khuaza za ruat buin TV hmai ah a tthumi cu keimah he minung pahra hrawng kan si men lai.

Rel awk kaa putmi cauk pawl zong an dih cang i ka pawttam hram zong aa thawk cang. Si le khai haw namnak ah zeihmenh ei ka or a chuak lo. Hngah timi a rak fawilo ning hi!!

Caan liam tel fawi deuh in ruat kho ning ka ti i ka phone in Netflix ka kau. Zohsianlo in kaa chiah ka timi Gossip Girl ka zoh. Dinh loin 6 episodes ka lim i nazi ka zoh cun 12am tling deng cang.

Tuahawk hngal loin khua ka ruat. Kaa kenmi notebook ka chuah i ballpen ka tlaih buin lenglei ka hei cuan. Elektrik dah tang ah a chawkletmi an um len rih. Thingkung tang ah biaruah pah in kuak zumi zong an um. An chungkhar pakhat khat an hngak ttheo men lai.

Van ah arfi an chuak lo i thlapa zong ka hmu lo. Ka umnak in a langh lo ma si..thlapa chuah lo zaan tu dik a si. Hla ngaih ka lung ah a chuak. Pandora ka on i Jason Derulo sakmi "What If" timi hla a ra.

"But we can't....
We can't tell the future "No!"
But that's just the beauty of the World we know..
Baby...what if...."

What if----
What if-----
What if-------

Vawilei cung hin zawtfahnak hi rak um hlahseh law...
Ziah..Pathian nih akan dawttuk a si ah cun zawtfahnak hi a kan in ter hnga?

Hngakchiano tete zong zawtfahnak tuar buin an nunnak a liam hnga siah cun zeiruang dah arak chuahter duh len hna hnga?

Vawilei cung ah zawtnak timi um loin kum sawmkua OR kumzakhat tlin le cang kaa thih rak siseh law ttha deuh hnga lo ma? Sibawi te zong kan herh hna hnga lo i insurance kong ah lungrawh awk zong um hnga lo.

Second Vanram an timi US pi ah hitluk in zawtfah ruang ah harnak a tongmi an tam ah hin cun, vawilei cung ramniamnak hmun i a ummi hna ca khin cun----

Nunnak hi tangka in ser khawh a si ma? Tangka lo tu cun nunnak liam a fawi tuk!

Caan hi kum hnga hrawng in khirh tthan ngah sehlaw ....

Sibawi si ka duh ko!

Favorite song of the week

The More Loving One

“I read for pleasure and that is the moment I learn the most.” --Margaret Atwood

Ruah lo pi'n khuarit thawng ka theih i ka hla ngeihmi ka vun phih ta.

Inn leng lei ka vun zoh i ruah fak tuk in a sur len ko. Zaan ah ruah a sur cun kaa nuam ngai.

Blanket tang ah cauk rel pah in khuarit thawng le ruah ti tlak thawng ngeih pah hrim ka uar khun.

Ih ka tim cang komi cauk chiahnak khan ah ka kal i relawk cauk ka hei thim. Lak fawinak bik ah ka chiah peng mi, ka uar bik mi kawlram catthial thiam nu Ju cauk pawl ka hei banh colh.

Yangon ummi ka u nu nih cauk a rak ka kuat lengmang nain Ju cauk hi a ka kuat lonak sau ngai cang. Inn ah ka ngeih ciami pawl hi cu voi tam tuk ka rel cia lawngte an si cang.

Zantim a si cang i ukkhat lawng rel ning ka ti. Ju ttialmi ka relmi ah a hnubik a si men lai.

The More Loving One timi a si.

Kawlram nu cattial thiam ah cun Ju hi ka uar bik a si. A ca ttialmi ka rel fate, cauk chung i a telh mi main character nih a ka influence khawh tuk i a cauk ka rel dih fa te hi mi dang ah kaa cang hnek leng mang.

Ka duh bik nak pakhat cu a cauk chung a hmanmi protogonist tam deuh hi nu an si i panak hmanh in zeitluk in dah thil tuah khawhnak thazang an ngeih ti a langh ter tawn. Nu ka si ve cang zong ah a hei si ko hnga.

"Kei cu Nu ka si ruang ah dakaw... " ti'n tha zang dernak thinlung a ka thlau tertu hi Ju cauk pawl in si.

Sifak fanu te kong a ttial zong ah zeitluk in dah zuamnak thinlung a ngeih le fimthiamnak cawn a duh timi a langh ter i a reltu caah thazang laknak a fawi khun.

Mirum fa kong a ttial zong ah, an rum ruang ah porhlawtnak um lo in micung ah theihthiamnak le zangfahnak thinlung an ngeih nak a langh ter.

Duhnak kong lawng te in a cauk a khah ter lo i a reltu caah i lak awk message tam pi a telh peng.
Life kong a ttial zong ah cu tthiamtthiam. "Ka tuah khawh ve hrim lai" timi thazang hrim hi a cauk in ka lak khawh bik mi a si.

Sau deuh in ttial khawh ka duh ko nian,

Zaan a tlai----electricity si i mei cu mit deng lo nian..ka mit ku tuk cang.

Cauk rel zeitluk in a thatnak kong ttial kaa tim lo-- cauk tha nih zeitluk in dah na nun an remh khawh lai ti tu cu hawidang zong theih ter ka duh ngai hna.

Bawipa ka lawm!

Enjoy every moment of life!

"Dingdi, tlawmpal ah VIP customers an phan lai. Nangmah nih na take care kho hna lai ma?"

" Yea, sure. Ngah ko!"

Ka lung chung te cun "poitak si" ka ti nain manager nih fialmi a si fawn. Regular cutomers cu si hnaseh law poi lem hnga lo nian, VIP cutomers take care cu hawihlei in zohkhenh an hau i thinlung tha zong a bat ter ngai.

Friday cu kan busy zaan a si i nidangnak in hnu deuh ah kan dawr kan khar. Dawr kharlai nak ah nazi pakhat te lawng a duh cang ka ti i ka nuamh tuk lio ah hawilei in take care hau hngami customers ngeih lai cu nuamh lo ning hi.

"Irashaimase! Welcome to Jinbeh!"

An phan cang. Ready tein timh ciami table ah kan boss nu nih a hei kal pi hna. Kum 45 hrawng an si men lai. nu va hna pahnih an si i zohnak in zeitluk mi ngei an si a lang. Kan manager nu cu ka pawng ah a rak ra i "An pa khi Country Club i President & CEO a si cuh!!" tiah athli tein a vun ka chimh ta.

Woww!!! Kan dawr hi Las Colinas Country Club he a naih ngai i kan dawr ah a rak ei pah mi an um tawn. Tangkaa an ngeih hna ning hi le an nun khawh ning hi thin hung lei khi a si. An tuahbik rian ah umhar pheng tennis tuk le golf tuk hrawng si lai dah. 

Life is so unfair!!! 

Anyway------

Atha bik in take care khawh kha ka rian si ko ka ti i an table cun ka hei kal.

Tam an ei lem lo nian wine bottle in an ka cah i a voithumnak ka pek a si cang. Zeidang an duh herhmi um le um lo ka hal dih hnahnu ah kal ka hun i timh ah khin,

"Excuse me Dingdi!"

An nu nih ka min in a auh. Ka lung chung te cun 'zei ko dah an herh rih hnga" ka ti nain ka nih bu tein ka hei i mer than.

"How old are you Babe?" 

Cutluk mirang hna a laih theih khawh lo cu ka ti. Kum i hal cu a yaing tuk a timi ah an mah ttheo. Chimh ka duh lem hna lo nian, ka kaa in zeitin a chuah manh ka thei lo.

"I'm 25" 

"Ohhh!! Ara laimi Novenber cun ka fanu te zong kum 25 pei a tlin lai cu tiah. You know---she loved sushi!!"

"Aww si ma? Next time ah rak rat pi ve ngat u!!"

OMG!! Zeidah bia kaa palhmi um ka ti. An nu pa in an hmaichia colh. Lohtlau!!! Holh tam cu mahi si ko. Chimlo le chimlo ma ka chim sual cang ka ti. 

"I wish I could babe! Nikum khan pei cancer zawtnak in a kan liam tak cu! Ka ngei chunh, ka dawtbikmi ka fanu te cu....."

An nu cu a chim pah in a mitthli a tla. Ka lung tha lo tuk nain chim awk ka thei lo. An pa nih an nu cu a kuh i a liang a mawi.

Amit thli he an nu nih cun bia a ka ruah. Ngaih cu ka zuam lem lo nain an chimmi  ka ngeih piak hna thawng tel in an lung dam deuh hram seh ka ti. 

Ruahsang tuk in ka rak ruah hna i ttah hmenh an thiam hnga ma ka timi hna..

Hmancawk lo tangkaa he nifate zei ko khi dah an hei tuah ve hnga ka rak timi hna...

Annunnak ah herhbaunak le duhawk hlei khi tah an hei ngei ve hnga ma ka ti tawnmi hna...

Atak ah cun, an fanute nih kumno tein a liam tak hnga. Dollar an ngeihmi zapi te hmanh in zeitinhmenh fadang ngeih khawhnak lam an caah a um lo.

"Zeiruang ah dah mah cancer zawtnak hin keimah tu ka thih hmasa lo ee!!!" 

"Honey!! Please!!! ticun chim hlah mawh!!"

An pahnih in ka zoh hna i ka lung tha hrim lo. 

Sizung an ttin pah in kan dawr ah an rak ei pah a si. Anu cancer treatment caah an kal a rak si hoi. 

Maww vawilei cung pi hi ka ti!!!!  

Tuahpiak khawhmi hei ngei ning law cu tuah ding ah ka ready tuk. 

Ka thin a khenh i ka ngaihchiat ka celh lo. An nu pa in an ka zoh i "Babe, we gonna be alrite!" an ka ti.

An ttin lai ah an ka kuh, an ka hnamh i bia an ka cah tak.

"Babe, never forget that a good life is when you realize how blessed you are for what you have!"

+++++++++++++++++++++++++++++++++

A thi kho lomi Ruahchannak

           Ruahchannak             

                                                                                                 

Na kong ka ruah ah,

Meibang  alhmi thinlung he 

                           Dawp awk thli ngei lo bang                               

Ka thawpi he ka ba tuk tawn.

Caantawi te lawng kan i tong

Siseh,

               Zungzal ca tiang kan duh            

                                               Dawtu dawtmi a ngei an ti                                              

Keinih,

Ruahchannak he hngah kan timh.

Ruahsur caan chuak chuncha bang  

Chikkhat ca lawng nuamhnak pe’n

Lung khuaitu Velhle thiam an ti

Nikhat khat ah cu velhle tel’n

I lawm kho ve ning!

May Be I Love You!

Ruah lo kaa zuam deuh ah                                        

It kho lo'n kan ngaih a zual...                

Philh khawh kaa zuam tawn nain...  

Ka thinlung ah thuktuk in

Hmunhma na lak dih cang.

                                       
                                        XOXO
                                       

                                          

A few things about Me

Greatest Blessing I have = My Family
2nd Greatest Blessing    =  My Friends

Name- Dingdi Mang (My MOM named me and I Like it the most)
         - Khin Kyi Phyu (Cos I was born/raised in Yangon)
         - Kyi Lay (According to my lovely siblings)
         - Mih Kyi (My brother's favorite one)
         - Kyi Kyi (By all my wonderful childhood friends)
         - Kyi Phyu (For boys whom I love/ed and who love/ed me)
         - Dingkok (Another favorite one called by closed friends)
         - Dingdi (Called by most people who know me here, US)
         - Laila Dingdi Mang (I named myself Laila)
         - Jasmine (At work and for strangers :D)
         - [----]  I don't know how my ex-es would call me :P

D.O.B- August 28

xoxo xoxo xoxo xoxo xoxo xoxo xoxo xoxo xoxo xoxo 

                                                         

Zuammi pawl-                                                          

* Carel le ttukttek ttial :)               

* Tennis tuk

* Movies zoh

* Hawi he vah

* Pen friends sin cakuat ttial

* Khua zong le khuaza ruah :D 

* Hman i thlak (posing for photos)

* Gossip girl zoh (Only one episode per month, a donghnak phanh lai ka siang lo. I Love Serena.)

 :X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X:X

Nunnak caah Biazai

Biazai...

Magazines rel fate ka kawl hmasa bikmi..

Zeizong te philh in lungdaihnak a ka petu...

Hnemh khawh lomi ka thinlung a lawmh ter tu....

Lungchung um ning tein phuannak nawl a ka onh tu...

Thlarau in ttialmi asi caah thlarau in a nung mi a si ve an ti!!!

Coffee hraikhat le Cauk ukkhat he Khuasik ni nikhat

Japanese ka hawinu; "Fish ei lo cun nikhat hmenh ka um kho bak lo."

Chinese ka hawinu; " Noddle hi nikhat ah atlawmbik voihnih ka ei."

Korean ka hawinu; "Kimchi tel lo cun zeihmenh thaw in ka thei lo."

Thai ka hawinu; "Chilli he cun zeipoh thaw dih ko."

Nepal ka hawinu; " Inn ah soup ka chuan loni um bal lo."

Dingdi Mang; " Coffee um cun zeidang hlam awk ka ngei lo."

:*:*:*:*:*:*:*:*:*:*:*:*:*:*:*:*

Coffee hi rak um hlah seh law cu..............

"Huat" timi biafang hi hmanlo ding ka zuam ko nain ka hrial kho bak lo. Khuasik ka huat tuk! Ka huat lawlaw bak khi si! October thla phanh le cang kaa nikhua a tleng..Chungthu leng nal timi hi mah nikhua ko hi a si lai. Achel caan ah ni te aa tlan ter..zohnuam te khin-------------leng chuah nuam tuk hnga te bang. Atak i innleng lei ke vun hlan tak ah, a kih khawh ning, aruang um lo in ka thin a ka hun ter.

Tuni zong cu tthiamtthiam. Khuasik i a chuakmi flu lak ah azual bik thathutnak flu nih a ka tlunh. Adamh kho tu pakhat lawng a um.

Biatak--Coffee hi rak um hlah seh law cu mu,

Kaa khat ka vun dinnak hmenh in ka lung a ka daih ter ning hi.

Lungchung in khuaruah i hmanthlak suai pah  in coffee din hi ka hman bikmi zia pakhat si.  Khuazong le khuaza ruat in coffee hraikhat he tlang tlanghra  ka cul.

"Imagination rules the world" tiah Nepoleon Bonaparte nih a ti kha.

Titanic movie chung i Jack nih a ti bang khan "I am the [Queen] of the World" tiah thangtak in au in "I  rule the world" ka hei ti tawn.

Titanic movie ka rak zoh hmasatbik hi tangriat ka kai lio si. Nikhat khat ah Jack bantuk in a ka duh/daw kho tu ton ka duh ve ning ka rak ti. Rawl ei thiam lo, cazoh khawh lo tiang in Jack le Rose kong lawngte ka rak ruat. An hmanthlak a cuangmi cauk lawng sianginn notebook caah hman ka rak duh. Khatluk nunnak pek khawh tiang in a tthawngmi dawtnak ngeih khawh kha cu....

Ruah lo pin nizan ka cawk mi cauk kong ka lung ah chuak. A donghnak phanh lai ka siang lo i duhsah tein ka rel lio a si... aa duh tukmi nu le va kong a si i  Happy Ending dawh cu si lo ngai.

Acheu nih duhnak caah nunnak an pek lio ah annih cu duhnak ruang ah a va pa kha thongtla ding tiang in a tuah. A mawh bak lo ka ti. A dawt tuk mi a va nih nungak dang thli tein a ngeih a theih tik ah....

Hmmm...peh tthan lai ka ngaih ngai. Khoi----hitluk um nuam lo nikhua hi coffee hraikhat le cauk ukkhat in philh i zuam ning!!!!!!

Sunday Rose

A New Day....Leave your worries away!!!

Ni le kua liam an fawi ning hi!!!!

Sunday phan tthan cang. Caan nih an liam...

Tuahmi zeipipa hmenh um fawn lo. Cutin ma ka nunnak

 hi liam tluahmah ko lai. Mi pakhat ca tetel ah zeidah santlaihnak ka ngeih?

Khuafak deuh in ruah ah cun thawpi chuah ding lawng tang. Nain,

Lungkuai ngaihchiatnak um lo in ngandam tein ni thar ka hman khawh tthanmi cung ah

lunglawmh tuk ding tu ka si. Zeitin dah mah ka caan hi ka liam ter lai ti tu cu---


"It is good to give thanks to the Lord, to sing praises to the Most High.

 It is good to proclaim Your unfailing love in the morning, Your faithfulness in the evening."

                                                    PSALM 92:1-2

Endurance

I used to read 365 days to knowing God for girls and this is one of my favorites. 

I have strength for all things in Christ who empowers me.

                                                                                     * Philippians 4:13

Do you have a dream?

Your dream may be something so incredible that you won't even speak it out loud. You fear 

what kind of reactions others would have to your dream.[], say that your dream is  to be a 

ballerina. You know that to accomplish that you will have to work every hard. It will involve 

hours of classes and rehearsing. You will have to work so hard that your body  will hurt, your 

feet may bleed...It would take real endurance to accomplish your dream. Endurance means

 that you keep on going, working through problems, learning and growing. It means fighting 

through tiredness, injury or illness. It means you do not stop, EVER, for  any reason.

Endurance is a great characteristic to have. In Christian life that kind of drive  comes from 

Christ's strength inside you.

:*:*:*:*:*:*:*:*:*:*:*:*:*:*:*:*:*:*

Mariam le Dingdi

 

Mariam le Dingdi

Dingdi Mang, Dallas

“Minung pakhat nih a ngeihmi thiltuah khawhnak ngan bik cu thimkhawhnak a si”,

 tiah ka rel bal nain cauk pakhat ka rel mi nih khua a ka ruah ter ngai. Mah cauk chung i Mariam kong lawng te ka lung ah a cam. Mirum pa pakhat i voikhat taksa duhnak zulh ruang ah sin umnu fanu ti’n vawilei cung harsatnak ing ding ah a rak chuah hi cu ka zangfah ka celh lo. Achuahkehnak tel hi ram dang deuh ah siseh law cu aa rel deuh hnga. Mirum min ngei tuk a simi a pa nih minchiat lai ttih ah a tuahmi thil nih zeitluk in dah Mariam nunnak ah harsatnak in a khah ter. Mariam nih a pa he hmunkhat ah um tti i cacawn khawh a duh tuknak ah a nu nih a nunnak tiang in a liam tak. Nu ngei lo in caan sau hmenh ngeihchiat manh hlan ah mahnak in kum 20 leng upa mi he a pa nih a um ter rih. Vawilei cung ah hitluk dawtnak le zawnruahnak a ngei lo mi pa hi an um kho tak hnga ma?

Nu a si ruang ah Apa chimhmi le a vapa fialmi tuah dah tilo cun Mariam caah thimkhawhnak timi hi zeidah a si hnga?

:*:*:*:*:*:*

Pehtthan te lai----

Goodbye!

Zei nih dah mah biazai tehi arak ka ttial ter ka fiang ti lo. 

Thinlung ah  tuarmi catlap cung ah ttial in biazai a cang an ti men lai.

Nain,

Mahlio khan zungzal cain Mangttha tiah cah tak awk zong ka rak ngei lo.

:*  :*  :*  :*  :*  :*  :*  :*  :*  :*  :*  :*  :*  :* 

Zungzal cain Mangtha

Ruahah mitthli in dong
Theihko zongah
Tuarthiam lo thinlung
hei ngeih ka duh ning hi!

Ruahcia theihcia
Tuanbia si lo
Ton lai theih ko
Inn lai aa fiang
Hodah duh lai tahniang?

Kan dawt tuk taa
Sihmanhselaw........

kangai thiam duh hlah mu
Thinlung chung hmakhat he
Biangno cung mitthli hawiser in
Kaa thawh cang lai  thaizing cu
Tang lei lam in.
 
                              Dingdi Mang
                              August 2007