A dai zan...

                                                         "Nunute, you are not riaking them tonight too?" 

my sis's daughter & my bro's son

"Hnga? zeitin ee aa nu?" 

Inn ka phanh cangka ka tunu te nih a ka hal. "Tuzan tah na riak hna lai lo ma?"ti hal aka duh :). A chimmi fiang tein ka theih ko nain kaa hal ter tthan. Zanthum chung ka tupa te tlangrai in a zaw. Zankhat ka va riah pi hna i ka tunu te nih a rak ka ngai tuk ai. Ngakchiano dam loin an um cun zangfak khun tuk an si. A dam cang i kan hnangam, kan i lawm tuk!!!!Thanks God!!!

Tulio hi flu a hran tuk lio a si i ralrin ngai a hau. A bik in ngakchia le tar pawl flu nih atlunh khun hna. I chawnh zong afawi i zawt sual cun atlawm bik nithum li chung bak zawt a si. Tihni tiang ah khan dallas chung lawng ah minung 50 flu in an thi tiah news nih a chim i ngeihchia ngai a si. Zawtnak cu mah duh a si lo i hrial khawh zong a si lo caah ralrin tein flu shot zong i chunh cio cun a ttha. Kei ka chun rih lo :( flu shot kaa chunh fate ka zaw i chunh lai ka ttih;(

********

                                                        "Good Luck Dear!" 

one day...

Kan in pawng gas station ah lottery ticket ka va caw ta. Dawrhngak hi Indian pawl an si i an ttha ngai fawn. An dawr ka kal pah leng mang i kan i thei ngai cang hna. Cawhnuk cawk ka kal zong ah lottery ticket an ka rawnh chih tawn :) A voi zeizahnak good luck a ka wish dik a si cang. Tu tiang cu a tambik ah $1 lawng ka poh rih :D Mega Millions Lottery hi zarhkhat ah voihnih chuah a si i  ka philh lo poah cun fangkhat man ka cawk peng ve. 

Cheukhat nih "“A lottery ticket is just designed to keep poor people poor by selling them false dreams" an ti. A cawtu cung ah a mu-tti ko ka ti ve. "Money don't change you, it changes the people around you." an ti fawn. Sitak hnga maw? "It changes You and the people around you" ti si deuh men lai :) Millions in poh sual cun hodah thlen lo in um kho hnga :) 

Bawipa chiatnak lei in thlen lo ka zuam ko lai, ka poh ter ve ko million pakhat tel in :)!!!!

********

fake smile in ka nih ter bia

Fa hniang hi rianfial awk ah kan rak chuak rua dah ka ti. Chuk le cho ah an ka lek ter peng! Inn ah ka um lo cun "where,when,how long" tiah questions ra colh. Dai tein cauk va rel ning tiah library ah ka kal. Mirang cauk si lo mu (kawl cauk lol) Ka tthut tlawm pal ah msg lut. Ka brother nih ka umnak a rak seih-win-sa tuk!!! Ka ing puan pah buin zeihmenh ttial lo in selfie kaa thlak i ka kuat hehehe. 

"Chicken wings rak caw kan in leng hna hih" ti si. Ka thilri ka lak i parking kal pah in ei awk order ding ah phone number ka kawl. Ka call hna i minak pa nih a rak tlaih (a aw in ka theih :) Ka biahal pang pah i raulak in phone ka tlaih ter. Rawl dawr ah ka ttuan ve i ko-chin-ka-sa ko nain an menu ttha tein ka thei lo i online in zoh len ka zuam ti lo. 

********

   Minute 15 a rauh ah an dawr ka va phan i ka luh le sin in minak pa cu a rak dir ko. Ka min le ka cah mi ka chimh i "a couple minutes in na hngak ta kho lai ma?" a ka ti. Ok tangkaa kan pek chung lai cu ka ti i cash ka hei pek. Total $36.52 a si i kulca tlap hnih le 0.52cents ka pek. Tangka nek a lak lio ah "ka order lio i phone a tlai tu kha nangmah na si ma?" tiah ka hal i a mirh buin a lu suk. :P 

"Sorry bak si! Caan pek le lungsau tein na rak tlaih i ka lawm!" tiah ka ti. Fangkhat ca tlapli pek buin "oh, poi lo!" a ti i a ka nih! Minung hi kan mirh le kan nih caan hin iang kan ngei khun ko :) :) :) 

"Ka lawm" ka ti i tangka nek a ka pekmi cu "Coffee dinnak ah" tiah ka tthenh. A rau lo. Ka cahmi ei awk cu a rak ka put i " Good Night Sweetheart!" a ka ti. 

Inn ka phan. Ei awk bawm pawl cu kan on hna i "Yah mahtluk tam hin na rak cawk duh?" tiah an ka hal. Ka zoh ah cun ka cahmi leng in ei awk tam tuk a rak ka rawnh. God Bless your heart young man :) 

********

Cheukhat sin in biahalnak ca a lut. Yah ruahning/hmuhning na blog ah comment khawh a si lo an ka ti. "Ka ral chia tuk i si"tiah ka lung chung tein ka leh hna. Caan pek in a ka lengtu nan zate cung ah ka lawm :):):):)!!!

inn pawng parking lot ah yoga ka tuah lio :D

ka ke hik lol

Tukforhnak

Rian ka off lio te a si rih i ka nuam ngai. 7:45am ah ka tho. Kalnak ka ngei hoi :( Tlamtling ngai in ka lim. Hlan ah cun tuan bik ah 9:30am hi ka thawh caan a si nain tuni cu 9:00 am tlang tlanghra ka cul manh :)

Inn ka ttin. Coffee ka ding. Rian ah kal ta a hauh caah ka serh i ka chuak tthan. Tuan caan cun "ka ba ee..cu ee..kha ee.." ka ti nain rianttuan lonak a sau i ka rian te ka ngai ngai. Ka hawi le he sau ngai bia kan i ruah hna. Kan boss nu nih Pizza a kan dangh i kan ei pah hna. Ka pawttam tuk lio dah lo cun pizza ka ei bal lo nain hawile he biaruah pah in ei cu thaw ngai (only three slices;)

Thau a ttih tuk mi Korean ka hawi nu chocolate a ei pah ka hmuh i "hei nangmah ko i chocolate ei cu zeidah cang?" ka ti. "Aww si ka ttang ngan seh ti ka duh tuk i thaunak zei poah ka ei lio a si" tiah a ka leh. " Eh, na ei mi poah cu na ttang lawng ah an kal ttung lai lo?" ka ti. I biatak tuk in kan zapi tein a vun kan zoh i a ti mi cu "Ka ttang ngan seh tiah thau ttih lo in zeipoah ka ei cang. Ka ei pah in "nunu nangmah caah ka ei mi si hih. nang mah ngan ter kan duh caah si. nangmah ca lawng ah si hih mawh"" tiah bia ka ruah pah. Tuhi thlakhat deng si cang. Tlawmpal an tthang deuh! Biatak si! " a kan ti. :D:D

Ka nih tuk nak ah ei cia pizza chuah tthan an i tim :P 

Inn ka phanh in rawl ka chuang. Chuan ka tim lo nain zei ruang ah dik ka chuan tthan. Meh zong um ko nain. Zingkaa ka din bang coffee ka lum. A pam tiah, thaw ti lai lo nain. Ka laptop ka la i coka ah cattial ka tim. Ni li chung ah ttial awk tam ngai ka ngei. Ni fate ka ton mi chung in ttial ka duh mi an tam tuk. Hnu deuh ah ttial ning tiah kaa chiah hna i lanlak in ka chiah beh peng. 

Ruah lo pi'n thil pakhat hal awk ka ngeih mi ka lung ah a hun chuak. Ka phone ka lak i ka vun hal ta. "Hmmm" ka ti ka thaw pi ka chuah i kalung daih ter ka zuam tthan. Lungthiang tein hal komi khua zeimaw ti aw cawi bak in a ka leh ko ee. Cun a vun ka timi bia pakhat nih "zik" tiah hik dihak in ka thin a ka khoih!!!! Ka thin a hun tuk caah phone chiah colh ka duh nain a ttha lo ti ka theih i ka hna ah a luh lo buin ka ngaih. Phone chawnh tik ah mangttha or chunttha ti hnu ah khin Bye ka ti tak peng hna nain tuzan cu ka BYE kho lo. Aza!! 

Ka "hawi"(*in quotes*) a si caah a number cu ka block lo. Ka phone chung in a min ka hnawh. Caan nih aliam pi lai i sau ka thin a hung lai lo. 

Kawl proverb ah a um nain lai holh in ka let thiam lo. Bamboo hole in the whole world cuanh i timh i hmuhmi zat kha thei ngai le thiam ngai bang in chim a hmang mi pawl khi....

Pathian zangfahnak in ramttha cu kan phan hna. Kan thinlung bal attha lo ngai rih. Cheukhat cu tthancho duh ah au khuang len lo in heh tiah an i zuam. Au khuan buin aa zuam mi zong aa um ve. Hawihmai langh khawh poah ah tthancho kan ruah. Barawhzat te laimi (mah le biakin ah ma or appartment compound) nih hlorh deuh le hman deuh poah ah zeirel lo ngai in mi chawnh biak hman!  Hruaitu dir hmun phanh cang ka chim lu le chim taw fian lo in hawi hmai dir khawh poah ah fim tuk ah i ruah. Culak i mi lung fim a si ve lo mi kei mah bantuk he biaruah cu kap hnih caah a har ko! 

Ok,,,, za rih seh :) 

Mit kuh vuai tein ih khawhnak ding ah ttial hau :D

Peace! 

Happy Friday

Tuni rian ka off :)

Kum nga deng a si cang. Sianginn kong ah ma silo ah zung kalnak ka ngeih ruang ah dah ti lo cu Friday ah rian ka ttuan peng. Nihin cu zei tuah awk hmenh ka ngei lo. Cun, kan rian kan khar lio a si. Paid vacation khan in zarhkhat cu ka off lai. Thank you God!!!

Rianherh tuah ding pipa ka ngei lo nain tuan ah ka tho. Coffee ka so i Rick Warren ttialmi (kawlca in lehmi) ka rel. Cun, TV chitkhat ka zoh. Day time talk show pawl ka rak zoh ngai tawn nain ka zoh khawh lonak a sau ngai cang. Ka uarmi show pawl hi chun hnu deuh ah an thlah. Ellen, Katie, Dr.Phil, Who wanna be a millionaire, what would you do (on CNN) pawl ka zoh tawn. News he hin ka hlat deuh. Breaking news le headlines deuh lawng ka rel/zoh tawn. News lei hin caan pek pah ding ka si nain :) 

Office Max ah kal ka thawh. 2014 Calendar ka ngei rih lo. "Calendar cawk hau" tiah rian ka hawinu ka chimh sual i "WHAT? Calender cu yah na cawk lai? You have an iphone. Na herh cun keimah nih kan tthenh lai." a ka ti i a thaizing ah an mah Chinese Calender pakhat a rak ka put. Sentalek te bak a si i a dawh ngai nain ni (days) pawl zawn ah khin an mah Chinese cain mah ni i tuah awk ttha mi thil le vanthat nak ah tuah ding aa ttial dih i keimah note ttialnak hmunhma a um ti lo. Theih duh ah mah ni hi zei tuah ah dah lucky lai tiah January 6 (Mon) kha ka hal i "business open na timh cun lucky lai lo. Mithi inn ah kal i va tthut pi ah cun na caah lucky nak a chuah ter lai" a ka ti :)

Mahbanktuk chimmi pawl hi ka rak i zumh ngai. Yangon ka um lio ah pocket money ka khon i Shewdagon pagoda pawng kam i kut lam zoh a thiammi sin ah ka va kal leng mang tawn. Thatnak lei lawng te an chim i ka rak i nuam tuk. hehehehe tlangval nih an in uar ngai nain na maa nah (pride) kyi tuk hei ti bantuk. Ahman lo zong ah mahti theih cu ho nungak nih dah kan duh lai lo i ;) Zuam duh nak thinlung na ngei. Na lung a tthawng. Ahman lo ti na ruah ah cun nunnak pek in doh na tim hei ti pawl ....mi vialte nih kan duhmi thatnak lei lawng te an rak ka chimh. Cucu te theih duh cun ka ngeihchunh tangkaa vialte ka hloh dih tawn.

Tlangval lei ah vantthat na duh ah cun va (birds) pa sarih in va caw law nichuah lei hoih in va zuan ter hna ti khi aa tel rih. Amah tein a zuang ko mi van va, thing kung ah maw kaa khatkhat ah aa fu ko mi van va, minung ko nih an pel i an va tlaih hna i bawm chung ah an khumh hna. Cun man fak in an zuar i a zummi nih an cawk hna. "pa ttuk pa ttek " tiah thlacam buin an hei zuan ter tthan hna. Ti si cun a zuar tu hna khi vanchiatnak vialte a khomtu an si rua lai dah ka rak ti hna i kawl ka hawi le nih "kyi phyu na tuah duh lo cun tuah hlah nain zei hmenh chim duh hlah. Zumhnak aa dang!" an rak ka ti. 

Zumhnak kan i dang ko hna. Tu cu "ta mi lay kyi phyu, thursday hi na lucky day a si. Thil ngan tuah na timh cun mah ni tuah i zuam" tiah an rak ka ti mi zong ka zum ti lo. Ka rak zumh ko hlan ah cun. Monday hi ka bad luck day tiah ka rak zumh fawn. Not anymore!!! Now everyday is a blessed day for me. Bawipa ka lawm! 

Tuzan i ttial kaa timh mi le ka ttial cuahmah lio mi hi "pya-da-tta lan, tan-tta-lan" bak si.

Zingkaa tuan ah kal nak ka ngei i ka ih hau cang fawn. Mang manh lo tein hngilh ka duh. Khuasik mang nih an ka hrem :( 

Nan za tein "Have a Blessed day/night wherever you are!"

Last Christmas

Hlan ah cun...

December thla aa thawk sin in Xmas ni hruk awk le vahnak kong ka ruat cia cang. Thil thar ka caw, laksawng ka zal. Keimah le keimah lak sawng kaa chuah. Ka ngeih lo zong ah credit card hmang in ka duhduh ka cawk, December thla pei a si ko cu tiah kaa hruh ter i leiba vairang khuazat he ka nuam chih tawn. Mitkuh vuai tein Xmas ni nuamh duh ah  Xmas eve zaan cu tuan tein ih ka zuam.

Xmas ni avun phan. Rawl ei caan ngei lo in thlalang hmai ah caan ka dih i biakinn kal zong ka hnu deng leng mang tawn. Biakinn chung ah hawidang nih zei thil dah an i hruk hnga tiah khuaza za zoh in pumh dih tiang mi ka ngia; pumh dih i nuamhnak an tuah mi nih a ka nuamh ter bik. Biakinn ah zanriah tthatthi ei tak loin hawi he vah duh ah ka rak ttin colh.

************************

2013 Xmas cu ka ca'h a sunglawi khun ko. Bawipa a ttha. Kumkhat chung zawtfah ton lo in lawm tein Xmas a ka phanh ter. Harnak zei mawzat ka tong; a tthawng mi ka thinlung an tthawn ter chin. Bawipa vel ka ca'h a za hrim ko. 

Xmas eve ni in dawr ah kan i kal cia i chuan awk kan zal. Kum dang cun kan inn ah rawl ei ttinak kan tuah tawn nain "tukum cu fapa te kan ngeih kum a si i kan inn ah siseh" tiah ka tta nih aa ham caah zingkaa tein an inn ka va phan. A thaizing ah pumhkhua kan hnu sual lai tiah chuancia awk a ttha mi poah kan i chuan cia. Cun, kyae-Oo kan chuang pah (*kan* cu si deuh lo. Ka sis-in-law nih aka chuan piak;). OMG!! ka min zong kaa philh dih hnek; athawt ning hi kawlram zong a ka ngaih ter. YKKO kyae oo tima si kha? Nungak le ngak lo bia um lo; ka ei kho tuk i ttuk ma ttek an ka chuan piak tik ah a chuangtu pawl an lung ka lawmh tuk hna :) "Ei le din thazang ca" ti pei si cu. Rian ttuannak ram ah ei khawh cun ngan dam, tha a tthawng :D:D:D:D:D

Inn ka phanh cun ka ba ngai. Bawipa Jesuh birthday wish duh ah 12am tiang ka tthu. Sullam fian loin kum zeizah kodah X'mas ka rak hman ti khua ka raut tthan. Bawipa hmai ka khah lo ning hi!!!!!!!!!!!!!
Zingkaa tuan tein kan tho hna i ka u le family he ka tta le inn kal kan i thawh hna. Thilthar kaa cawk lo. Ka ngeih ciami (almost on every Sunday) i ka hruk mi skirt ka hruk i ingki nak ka hruk. Ka rian thil hi anak lawng te asi konain thilnak ka duh ngai i bright mi color ka ngei lo. Ka tta le inn tuan ah kan phan. Rawl kan ei tti hna. Pawpuar lai zong phan lo in tam tuk ka cheih hoi :P

they look so serious :)

we look better here lol

Biakinn phanh lai kaa ngaih tuk. Ka BFFs ka ngai tuk hna. Hmuh lai ka hngak kho lo :) Parking ah ka motor ka park bak ah ka hmuh colh hna. An i dawh ning cu! Ka dawt tuk mi ka hawile  :* Hawitam ka ngei lo; sui le dollar inn cawk khawh lomi hawittha bal Bawipa nih a ka pek. I am so blessed to have GOOD friends! 

Tampi ttial ka duh rih nain ka mit ku tuk :(
Mangttha te man hram ning :)! Nan za tein mangttha/chunttha!!!

Bawipa Ka Lawm!

Happy New Year!

Bawipa Jesuh Khrih vel cu nan dihlak cungah um ko seh!

Hello 2014!

Tuni cu biakinn ah kumthar pumhnak a um i ka va i pum. Bawipa a ttha. Dam tein 2014 kan phan. Nikum i New Year caah ka biakhiahmi kha zei a si zong ka cinken ti lo. Ka tuah lai tiah ka tinh mi poah hi tuah lo khunnak tu an si peng rua. Phungchimtu nih  "Tukum cu Bawipa leiba kan batmi chamhram thawk ding hi kan biakhiahnak si seh" tiah akan forh fial. Atha tuk hring hran. Bawipa nih a kan dawtnak le kan caah a tuahmi thil vialte hi rel timh ah cun rel cawk an si lo i catlap cung zong ah ttial cawk an si lo. Hitluk in dawtnak he thluachuah a kan petu Bawipa sin ah hin "ka lawm" tiah lawmhnak bia chim ka hngal tawn lo i chim caan ka pe kho tawn lo. Rel cawk lo in a ka pekmi thluachuah cu ka ttial cawk lo nain keimah nih Bawipa ka pek khawh ve mi cu ttial awk ah pakhat hmanh ka ngei lo. Bawipa na ka dawt caah ka lawm. Ka ca i na tuah mi thil vialte caah ka lawm. 

laksawng he biakinn ttin pah 

Van (168)

Ka van achia tinak a si lo nian ka van a ttha tuk tawn lo. "Van chia van ttha lentecelh" nak ah a van tthami ka si bal lo nain tuni cu mino nih an tuah mi lucky draw ah ka number aa tel i 2014 cu vantthat nak in ka thawk :) Ka hawi nu nih "tukum ah va na ngei lai" a ka ti. Aa sai lo ning! "Tlangval na ngei lai" ka ti sehlaw cu ruahchannak um deuh hnga :)