Better Days Ahead

Merry Christmas!

Christmas lawmhnak, hngangam daihnak nan dihlak cung ah um ko seh! Christmas thla December cu aliam thluahmah ko. Thla vialte lak ah December thla hi a nuam khun ko. Thla hramthawk kaa in Radio ah Christmas hla lawng te a ra i Chirstmas phanh lai ka rak i ngaih tuk. Christmas eve cu rian ka ttuan i zan hnu ngai ah ka ttin. Christmas ni cu tuan ah ka

tho kho lo. 12pm ah pumh hramthawk ding si tik ah rawl ttha thi in ei tak nak caan zong um pek lai lo tiah hnu ah ka tho

hram fawn. Nain, ka thawh ah cun ka u le an pa cu heh tiah rawl an rak chuang len ko. Christmas ni i rawl chuan lo cu an ti. Ka phruhrung pah nain bawmh awk um lem lo i coffee tu ka ding. Rawl kan ei tti hna cun Biakinn ah kan kal. 12:15pm ah ka phan. Pumh an thawk rih lo. Lawmhnak thlam lawngte in kan biakinn cu a khat ko. Hla kan sa hna, thawngttha bia kan ngai. Bawipa nih a kan dawtnak a nganzia ka ruat. Ngeihchunh fapa fangkhat te misual kan caah a kan sianh i vawlei cung ah a rak thlah. Bawipa na cung ah ka lawm. Jesuh na cung ah ka lawm! Mary na cung ah ka lawm! 

 

Surrender

"The heart of worship is surrender."

Rick Warren ttialmi "The purpose driven life" chung in ka duh mi te vun hrawmh ka duh. 

"Everybody eventually surrenders to something or someone. If not to God, you will surrender to the opinions or expectations of others, to money, to resentment, to fear, or to your own pride, lusts, or ego. [....]. Surrender is not the best way to live, it is the only way to live. Nothing else woks, All other approaches lead to frustration, disappointment, and self-destruction. [...]. Sometimes it takes years, but eventually you discover that the greatest hindrance to God's blessing in your life is not others, it is yourself__your self-will, stubborn pride, and personal ambition. You can't fulfill God's purposes for your life while focusing on your own plans. 

If God is going to do his deepest work in you, it will begin with this, So, give it all to God: your past regrets, your present problems, your future ambitions, your fears, dreams, weaknesses, habits, hurts, and hang-ups. Put Jesus Christ in the driver's seat of your life and take your hands off the steering wheel. Don't be afraid; nothing under his control can ever be out of control. Mastered by Christ, you can handle anything."

Books

Sianginn on hlan ah rel awk cauk pahnih ka ngei. Bawi Mang Lian ttialmi "Duhnak Ramvai" le Khaled Hosseini ttialmi "And the mountains echoed" timi an si. Cauk rel hi ka rak zuam tuk nain hlan tluk in ka rel kho ti lo. Ka relmi zong ka lung ah sau a cam kho ti lo. Ka khuatuak tanmi a tam ruang ah ma si hnga ka ti. Cuti ko in khuaruah awk le ka ngei lo nain :P Nick ttialmi "Life without Limits" timi ka dih deng lio te si. Malala cauk zong rel ka duh ngai. Seih-ku-yin caan tthumh deuh i cauk rel deuh hram thawk ka hau...Ahang zong ngah lo, afe zong tan ttuang lo ah hla ngaih pah i seih-ku-yin hi ka phyiat a hau :D

Reading

Christmas zarh phanh hlan deuh ah ka tunu te a zaw i nithum chung inn ah ka um pi. Tho kho lo in zawt cu a si lo nain flu a si i hawilak ah kal pi khawh a si lo. A tho TV a zoh, ka ipad in Netflix ah movie a zoh, cun ka phone a hlan i games aa celh. A mit zong tthatthi in au kho lo tiang in tv, phone le ipad he a buai ko. Ka dinh ter i tuah awk dang zeihmenh a thei lo. "Zeidah ka tuah lai? ka um har tuk." ti lawng te. "Lente va i celh, painting va tuah" ka ti i "celh awk ka thei lo" ti si ko. Ka lung rawh ning cu. Adam lo i sik le ka duh fawn lo. Cabuai cung ah sianginn in a rak i ttin pimi cauk pakhat ka hmuh i ka rel. "Ready, Freddy" ti si rua. Ka rel lio a ka hmuh i "yah ka cauk cu na rel?" a ka ti. "Cauk rel cu a ttha mi pei si cu. Ngakchia lawng rel ding cauk ti a um lo. Cauk ka rel ruang ah na ka halmi pawl kan leh khawh peng hi. Na theih lo mi zong ka theihnak hi cauk ka rel ruang ah a si" tiah ka leh. A ka zoh ko. Ngakchia cauk a si i chikhat te ah ka dih. Tlawmpal ah chuncaw ka ser piak i coka ah ka chiah tak. Ihnak khan ah ka lut i tlawmpal ah ka va veh cun cauk a rak rel ko. "Tuni hrim ah mah cauk hi a dih tiang ka rel lai." a ka ti. Ka ni, a cel ah ka hnamh i ka kal tak. Dai tein rak rel kho seh tiah!

yes, I do like our story the best too!

Laksawng

Tukum Christmas cu hohmeh laksawng ka chuah kho hna lo. Kut tongh

khawh mi laksawng ka chuah kho hna lo nain dawtnak laksawng tu chuah khawh ka zuam hram lai...

Ka hawinu he kan i tong kho i ka lawm tuk. Ka hawidawt pawl hi Pathian pekmi laksawng sungbik cu an si ko. 

So I pray...

"My Secret is Simple.I Pray." ~ Mother Teresa

Tuni cu ka pum kho lo. Ka hawinu nih bawmh aka hal i al awk ttha lo. Ka herh caan ah aka bawm pengtu a si i a voikhatnak bik bawmh a ka hal a si. Sunday ah rian ka ttuan lonak a sau ngai cang. Kumthum leng hrawng a si cang lai dah. Tuni cu ka va i thawh hau..Camipuai dihka te a si i ka zang ngai. Grade bal an post rih lo i zeidik lawh lai :D January zarhthumnak tiang dinh caan ka ngei. Nuam tuk!!! Xmas zong nai thuahmah cang. Inn lei le hawile laksawng kuat ding minung an tam ning le tangkaa ka ngeih lo ning hi. Ka rian hawi Chinese nu cu online in cards pawl ka download i ka kuat hna a ka ti. Ka nihnak ah ka pawzong fak dih! Laksawng cu zeizah man a si poah ah a sunglawi dih ko. Lungthin tak in pekmi laksawng cu man khiah khawh a si lo tiah ka ruah. Zingkaa ah ka hawipa nih ca a ka kuat. "Ka hawinu caah xmas laksawng pek ka duh..idea ka pe" a ka ti. Pek awk idea ka thei lo. "tumbul(earrings) a dawhmi, ahme mi te cawk piak ko ngat" ka ti. "Na simple ning!" a ka ti. Ruah awk ka thei ve lo. 

Ka no deuh lio cun laksawng caah ka duhmi a rak tam tuk. Lists in ttial cun catlap hmaikhat cu a khat diam lai. Nain atu cu ka duhmi laksawng zeipi pa um ti lo. Inchungkhar, hawikom le pawngkam nih an ka dawt caah ka lawm i an ka care caah ka lawm chin. Pathian nih a ka dawt tuk fawn. Ka nunnak ah ka tonmi minung vialte ka caah an ttha dih. Mittha lo zong he ka ton caan a um ko lai nain a donghnak ah Pathian nih timhnak he a rak ka ton termi minung pawl an rak si tawn ka fiang tthan peng. Pathian nih aruang um lo in a kan ton termi thil zeihmenhh a um lo i ka upa deuh ka fiang deuh, i lak zia ka thiam deuh fawn ;) "All I want for X'mas is ...." tiah ka hawi le nih blank an ka fill up ter. Happiness tiah ka ttial i "khuachia nu! Jackpot na duh deuh lo ma?" an ka ti. Kan ni len..:) 

Keimah ca'h lawng ah si lo... vawilei cung mi vialte ca'h Pathian sin in rami "NuamhNak" hmuh khawh hi ka saduhthah cu a si ko!!!

Hello December!

Ngaih bikmi December thla kan phan tthan cang. Zumlotu zong nih December thla phanh lai an i ngaih cio hna. Zumtu kan ca chin ah cun a sunglawi bikmi thla a si i lunglawmhnak in akhat mi thla zong a si fawn. It lo in ni kum zong sweet december ka rak hngak. Kum liam a fawi ko. Tuzong December kan phan tthan cang. Kumkhat chung zeidah tthathnemnak ka tuah mi um tiah khua ka ruat. Nikum ka dir hmunnak in kan tthancho deuh cu a fiang ko. Bawipa na cung ah ka lawm!

Dawt awk tlak lomi na hei ka dawt ning! Harnak ka ton caan zong ah inn khawhnak thazang na ka pek i ka tonmi chung in fim na ka cawn piak. Atluang lo tukmi lam ah hnangam tein kal kho ding in ralthatnak, daihnak thinlung na ka pek. Vawilei cung nuamhnak lak ah vakvai in kan philh caan zong ah na kut nem na ka thlah tak bal lo. Tho kho tthan lo tiang in tlu lo ding ah na ka um pi peng. Bawipa na ka dawt ning hi! Ka lawm!

Zing fate a fekmi na dawtnak in na ka hlauh. Hnangam tein ih khawhnak caan ttha na ka ser piak. Hling le lung lak ah khong lo tein tinhmi lamtluan phan ding in lam na ka hmuhsek. A caan caan ah kan au hnawh, kan rak i "na um tak ma?" tiah bia kan chalh! A hmun lomi vawilei cung thilri kong ah kan buai hnawh! Hawi he tah chunh in ka lungsi lonak vial te na lu cung chuang in sual kan phawt. Mah lak zong ah nem tein na ka leh i na vel ka ca ah a zat zia na ka fian ter! A si Bawipa! Your grace is enough for me!!!

Thluachuah na ka pekmi chung in cheuhra cheukhat hmenh kan pe kho tawn lo.
Nang nih cun na fapa ngeihchunh te tiang in na ka pek. Ka ruah deuh ah na
                                                                                                    hmai kan khah lo ning hi Bawipa! Cun, chimcawk loin na cung ah ka lawm!

Give Thanks

Relcawk lo lawmhnak in akhat mi nunnak na ka pek caah Bawipa ka lawm! 

Tuzing cu tuan ah ka hlau. Ka u le ka tta le cu an tho rih hna lo. Tubantuk in inn ah kan za tein kan tlin hi a um tuk bal lo. Ka nuam ngai. Zei pipa tuah kan i tim hna lo. Nikum Thanksgiving cu rawl kan chuang hna, hmunkhat te ah ka tta le family he caan kan hmang hna nain...tukum cu... zeiti awk ttha. Bawipa ka lawm tthiam ko. Na vel hi ka caah a za ko.

Nai ah zumlo tu ka hawi le nih "nan biakinn ah kan kal pi ve" an ka i. Ka lawm ngai. Nain kan holh in si i zeihmenh nan thei kho lai lo ka ti hna. December thla hrawng tu ah Joel Osteen biakinn ah kan kal pi te hna lai ka ti hna i an i lawm tuk. A lak a si hrim lai lo. Nan nunnak ah atthatnak lei in chapnak pakhat khat cu nan i lak khawh hrim lai tiah bia ka kamh hna :) Mirang holh ttha tein thiam ning law cu ka cawnpiak pah lengmang hna hnga ka ti. Kaa in chimnak in tuahsernak in langh ter khawh deuh a si ko nian ka minung sinak ka tei lo caan a tam tuk i hmaikhah hmenh si tawn lo :P

Bawipa hawittha na ka pek caah ka lawm. Khua ka ruah tawn ah hin hawittha ka tlaihchan tuk ruang ah ma tlangval ka ngeih khawh hnga lo ka ti? An hmet lio i ka rak puak len mi hna pawl hmenh va an ngei cang hna. Kei hi tutiang ton lo in ka tar tluahmah cang :D Facebook hna i ser a hau men lai tiah kaa capo pah tawn. Mah lo cun tonnak pei a um lo cu ...hmmm zingkasik zeikhua ko hen ka ruah!

Tuni cu mah le duh ning in caan hman cio a si lai dah. Ka u le chungkhar cu movie zoh an i tim i ka tta nih kal nak ka ngei ve ti a si. Sianginn ka hawi le he cazoh ka thawh ve lai. Cazoh i thawh i movie zung va phanh khi lol Nikhua a tthat cun cazoh zuam a si bak lo. Camipuai nih naih deuh, vah nih duh deuh..nunnak hi a tawi.
Nuam in hman ding a si ko hei ti i va vah chih khi...Bawi Mang Lian ttialmi "Iteinak" capar ka lung ah a hung chuak..

Well, tuah awk vairang khuazat nih an ka hngah! Coffee hraihnih ka lim cang. Tho ning!

A Beautiful Day

Bawipa aa dawh tukmi nithar phanh khawhnak caan ttha na ka pek tthan caah ka lawm!

Tuni cu 10:30am ah ka tho i ka mihkuh a vuai ngai. Ka ihnak khan puanzar pit tein ka khar lo i nitlang nih a ka ceuh. Inka ka on i leng ka cuan. A dawh tuk ning cu. Thinghnah hring dildal thlitu he ruang in an lam. A kik lo i a lin fawn lo. Van a thiang. Motor thawng pang a dai i thinghnah hnor thawng din tein theih khawh a si.  Inn hmai pangpar lak ah saveh hmete te an tli le len hna. Oh a dawh tuk hringhran tuni nikhua cu....

Coffee ka ding. Inn hnulei ka cuan. Inn hnulei cu thinghnah ro a ttilmi in a khat ko. Mah thingkung pi hi khuasik phanh fa tin ttilh hram a thawk peng. Thingkung dang nih hring dildel in khuasik an don caan ah annih cu thih hram a thawk. Charcawk lo in thlitu nih a tthilh. Coka i coffee din pah in lenglei khuacuanh pah nih ka lung aka nuamh ter tuk. Nunnak ngei lomi thingkung ramkung pawl zong  nih khua an ka ruah ter tawn. 

Naite laitlang ah car accident in ka hawipa nih a kan liam tak. Tangcheu in tangli tiang kan rak kai tti hna. Kawlram ah ka tthial i kan i hmu kho ti hna lo. Nain ka mithlam ah a cuang kho peng rih. Upat hnu in kan i hmu ti bal lo nain tangli kan kai lio muisam te kha ka philh kho rih lo. Ka ngeih a chia tuk. Kum no tein a kan liam tak. Tangtak mi a nu le a chungkhar pawl an ngeihchiat lai ning ka ruah piak hna ah ka celh lo. Pathian nih tuar khawhnak thinlung pe hram hnaseh tiah thla ka cam piak hna!

Minung kan nunnak hi a va tawi khawh ve ning! Cun, uk khawh a va si lo ning! Thaizing nih zeidah arat pi lai zong chim khawh a si lo! Thaizing cu chim lo nihin ah zeidah kan can lai zong zeihmenh a fiang lo. Kan minung sinak in khua cu kan khang. Caan tampi cu kan minung sinak kan i bochan. Tangkaa ngei deuh mi lawng minung ah kan rel hna. Kan mah kong ah buai lo in pawngkam kong ah kan i thlak. "Ka mi tei le caw ek" tibang thazang dermi pawl cung ah duh in bia kan chim i an ngeih kan chiat ter hna. Kan nunnak a tawi ning hi i fiang hna u sih law cu kan ziaza hi kan i tthinh kho deuh ngai hna lai...

Maw Bawipa ka sualnak cu zeitluk hmanh in ngan seh law na vel ruang ah ka ngaithiam ko....

A Cold-hearted Day

Sualnak ngei lomi nikhua cung ah ka thin hung. Akih tuknak ah ka keng zong a fak dih i zei tuah hmenh ka zuam lo. Khuasik thla phanh lai ka ttih ning le camipuai dih lai kaa ngaih ning aa tluk! Zanlei nazi 4:15 lawng a si rih nain khuamui deng mi a lo. Dong loin ruah siamsiam tein athla, thli a hrang i a kih zual. Angki that zeizah ko dik ka hruk...nain ka khua a lum kho bal lo. 

Tuni cu Library ah cazoh ka thawh. Zarhpini i biakinn phanh lo in cazoh thawh cu Pathian hmai ka khap lo ngai. Library i quiet room ah minung pakhat lawng a rak um. Ka tthut tawnnak ah a rak tthu lo i ka lawm ngai. Thlalangawng kam ah ka tthu i leng lei ka hei cuan pah. Ka bag pack ka kau...ka herhmi thilri ka hun chuah hna i ka herhbikmi calculator bal ka hmu lo. Ka u ka text, inn ah ka philh ta ma tiah? Ka hmu lo a ti. Ka lo ko! Inn ah ka philh tak lo a si cun totoring center ah ka philh tak diam a fiang. A tlau diam cang lai! Tuni zoh ka timhmi ca cu Calculator lo cun zeihmenh tuah khawh a si lo ding khi...;( Bawipa nih dan ka tat rua ka ti. Cawk tthan ah cun a tlawm bik $125 cu ka dih lai. Bawipa nangmah thangtthatnak phanh duh lo'n thil dang ka tuah ruang ah ka ngai thiam ko. Ka Calculator te ka tutor hawi le nih rak ka fim piak hram hna seh! Thla ka cam. Phuhrung bu tein...Please Bawipa.

Ka phone ka silence lai ka vun ti ah rian hawi le sin in msg a lut. Nepalese pawl an si i an ziattha tuk. Laimi he kan nuning a khat pah ngai in ka hmuh. Nain, mi thangchiat bal an hmang lo. Cun, mikong ah an i thlak fawn lo ;) Rian ka ttuannak lawng ah si lo in sianginn zong ah Nepalese hawi tam ngai ka ngei. Tam deuh hi pa an si. Apoinak cu ka class ah nu kan tam lo. Zingka ka class pakhat cun nu hi panga lawng kan si. Test kan phit fate a hnubik a tangmi hi nu kan si fawn :P Pa hi an thluak ma a rak tthat khun ko hnga ka ti tawn. Nain, double check an zuam lo caah an reng khun i si lai tiah atthat nak lei in thazang ka pe tthan :D

Caan tampi khua ka ruat tawn. Ramdang hawile he kan um kal tti le rian kan ttuan tti ah hin keimah le keimah ka nuning ka ka zoh tthan ah ka tha um lo ngai. Zumtu khrihfa ka si ka ti. Ei lai ah thla ka cam. Ka hawile hmai a si zong ah ka cam ta ko. Zarhpi ni ah biakinn ka kal (zarh fa te ngawt). Pumh a duh lai tiah rianttuantu an herh caan hmenh ah ttuan an ka fial lo. Asi nain, ka umtu ziaza kaa zoh tthan tik ah zumtu pakhat nunning in ka nun lo caan a tam tuk. Zumlo tu ka hawi le cu an lung a sau, mi zawn an ruat, hawi palhnak sau an i cinken lo, thleidannak thinlung an ngei fawn lo i minih zeiti an ti hna poah ah leh lo tein an um ko. Kei cu an ka ti men ah ahlawnh in kaa hlawnh i hrial ka timh hna :< Sumlo in ka vun ti dih hna hnu ah khin ka lungttha than lo i ka nawl tthan tawn hna. Caan tampi cu ka hawile hmai ah Pathian mithmai ka bit ter ngai. Pathian sin ah thla ka cam tawn; "Bawipa ka zulh awk hnga lam ka hmuhsak, ka cawnpiak law lungthin ka cheu ko" tiah...

Laimi hawile blog pawl ka len lonak a sau ngai cang i ngaih an um tuk. Mino tete an si hna nain an ruahnak amak kho tuk. Thil an thei i chan he tlang in an kal kho. News tthattha le ideas ttha pawl in an blogs hi a khat peng. Ka uar kho tuk hna. Zeitin dah mahtluk in thil an theih khawh hnga? Cun ziah mahtluk in laica an thiam hnga? Jealous tuk tawn :D and so proud of them :D

I MISS YOU SO MUCH!

Movie Night

"Gone Girl" hi cauk in ka rak rel bal i Movie in an chuah lai ti ka theih lio ah zoh lai ka rak i ngeih tuk. Caan nih a ka pe lo i tuni lawng ah ka va zoh khawh. Cauk in ka rel lio ah a donghnak nih ka lung arak ka tong lo tuk. Ka rel sual tiah ka thinhung pah fawn. Director David Fincher a si ruang ah zohlai ka ngeih nak zong hi a si. A donghdan nih ka lung aka tong lo tuk i movie tel in ka lungsak deuh hrim lai ti zumhnak he ka zoh. Ka hman ngai :) Ka lung si tuk. Director pa a thiam tuk. Relcia mi tuanbia a si ko nain zeidah cang lai tiah theih duhnak thinlung in ahramthawk in dongh tiang a ka phanh pi. 

"The fault in our star" timi cauk zong movie in a chuak diam cang nain ka va zoh lo. Ik dih lak in a rak ka ttah tertu cauk pakhat a si ve. A donghnak hrim nih ka lung a rak ka suk tuk i deilei tiang ka rak it kho lo;( mah ruang ah movie in an chuah mi ka va zoh lonak zong cu a si. Cauk tha tuk mi poah movie in a chuah tik ah careltu kan lung akan ton caan a tlawm ngai :D 

"The Silent Wife" hi Gone Girl he akhat ngai. Movie in 2015 ah an chuah ve lai i ngeih a um ko. Mirang cauk hi rel ka harh ngai ngai. Ka hawi dang nih nihnih thum ah an lim mi khi kei cu sau lak te ka rau. Ka theih lomi words an tamtuk i dictionary zong zoh cawk a si tawn lo. Hlan ah cun ka u nih kawl magazine ke novel pawl a ka kuat mi ka rel tawn nain mirang ca tel ka thiam deuh lai tiah mirang cauk pawl rel ka zuam deuh cang. Ka chap pah ngai ko nain ka harh ngai te. 

Mirang novel cauk a dih tiang in ka rak rel hmasabik hi "A thousand splendid suns" by Khaled Hosseini a si. Ka hawipa nih a rak ka introduce mi cauk a si i atu tiang a cung ah ka lawm tuk. Cun mah cattialtu pa ttialmi tthiamtthiam "and the mountains echoed" timi nai te ah library ah ka hlan i ka rel lio a si. Ta far chungkhar dawtnak kong a si. Ka rel kaa te lawng si rih i zeidah a ra lai ti theihduh nak nih a ka uk tluk in  rel khawhnak caan nih a ka pe rih lo ;( 

Tulio ka rel mi lak ah thazang a ka pe bik le ka nunchan hi zeidah a si ti aka fianter tu cauk, ka hawile vailte zong rel ter kan duh ve mi hna cauk cu "The Purpose Driven Life; What on earth am I here for" by Rick Warren hi a si. Rel khawh rak i zuam ve te! 

A Letter to Venus

Dear,

Happy Sunday!

Tuzing cu tuan ah ka tho i coffee ka ding. Cun, tuah awk tete ka lim hna i 12pm hlan ah dinh caan ka hmu. Zan  saupi tiang tthu in ca na zoh lai ca'h  hnu ah thawh na duh lai tiah text message kan kua rih lo. Nifa te'n phone in ca kan i kua ko nain tuzing cu cakuat kan duh i sau ngai hlamnak caan ka ngeih ti lomi ka blog ka vun ong ta. 

Zeipipa biaruah awk theng ka ngeih ruang cun si lo. Nain kan ngai. Kumkhat hnu kumkhat upat lei sang ka phanh bantuk in mansung i ka chiahmi thil zong hi an i dang thluahmah ve. Damnak a ka petu Pathian cung ah ka lawm bik i nangmah ruang zong ah Pathian he ka naih khun nak a si ti theih ter kan duh fawn. Hmunkhat ah caan ttha tam kan hmang tti kho bal lo nain, na nunzia le na holhrelnak in Pathian thawngtha tam pi na ka cawn piak. Na cung ah ka lawm tuk. Hlan ah cun ka dawimi thil an rak tam tuk, lungsi lonak le hnabeidong in caan ka dih tawn. Tucu ka ca'h zeidah a biapi bik timi ka fiang cang. Cun, tinhmi destination ngeih lo in nun i lamtlau a fah ning zong ka fiang cang. Zeitluk hmenh in i hlat sehlaw tinhmi hmun ngeih ah cun sau rauh zong ah zuamnak thinlung he cun phanh khawh peng a rak si ko ti??? Zuamduhnak thinlung na ka ngeih ter caah ka lawm fawn!

Kan chimh cang ko kha. Nai zarh ninga ni ah citizenship ka va la. Bawipa a ttha. Tlung tein tlam a tling dih. Mah ni cu ka lawm ko nain ka ngeih zong a chia fawn. American flag hmete pakhat cio a kan pek i ka motor chung ah ka chiah. Ka hawi pakhat nih a hmuh i "a sung lawi tuk, US miphun bak na si cang ko. mah flag hi na motor chung ah i chiah peng. An American na si cang hih! " tiah a ka ti. A ka lawmhpi mi ka theih thiam tuk ko buin " Laimi ka si tthiamtthiam ko." ka hei ti :)

Oh btw, B's cauk kha na rel kho rih lai lo. Kei cu ka rel i a laifang hrawng ka phanh a si. Lai novel cun a mak ko. Ka rel pah in ka ning zong a zak pah, ka ni pah, ka wow pah lol...Rel ter kan duh ngai ve nain na ca a tam tuk i x'mas holidays tu ah kan rak kuat te lai. Or na rak lak te lai :) Fiction or non fiction ka thlei dang kho lo. Based on his life si men lai ka ti pah...zeitin na ruah kan i ceih te lai cu. Zeihmenh thuhnawh lo in ralttha ngai in ttial mi ramthumnak phan mino pakhat kong a si i ka uar khunnak a si. Tlangval pa dirhmun khi kadua ka na-lay piak khawh tuk. Zeiruang ah ti cu ka hal hlah mawh ;)

Tial ka duhmi a tam rih nain ..1pm a si cang. Ka pum lai i na ca'h thla kan cam piak ve lai mawh. With all my heart I wish you the best!

Love,

Dingdi Mang

PS

Rak ngai ve. Kei cu Lakewood a ka ngaih ter....

A Perfect Destination

August thla phanh lai ka rak i ngaih tuknak a ruang pahnih a um. Ka chuahthla a si i August 1st in ka nuam tuk cang. Kum upat lei sang ka panh thluahmah nain ka ruahnak ahme tthiam rih. Ka lung a cang ngai tiah ka uar tawn. Lung tthawn le lung fim tu ka herhbau tuk.

Cun, August thla phanh lai ka ngaihnak cu ka dawt tukmi ka hawinu Venus nih kan tlawng lai a ka ti caah a si fawn. Rian le Sianginn he a buai tukmi a si tik ah 100% in cun ka zum ngam lo. Ruah lo pi'n a rak ka tlawng tak. Ka nuamh tuk ning hi!!!

Hawi tampi ka ngei lo. Nain, Pathian nih hawittha a ka pek. " I rather have 4 quarters than 100 pennies" timi kha ka hnathla ngai ve. Hawi tampi ngeihnak in hawittha ngeih hi a sunglawi deuh hringhran ko. 

Dallas chung hmenh vah awk ah tthatthi in motor a mawng kho lo mi ka si. Mah ah cun Venus he Houston tlawn kan i tim. Joel Osteen biakinn ah va pumh khawh kan duh nak hi a sau ngai cang. Tueday afternoon ah kan i thawh i zanlei 4:15 ah Houston kan phan. Space Center ah kan lan colh i 5:10pm ah kan va phan. 

Cun, zaan ihnak hotel kawl kan i thawh i saulak te kan rau. Athaizing cu Mall ah kan kal. Pumhnak 7:30pm ah an thawk ding a si caah 5:00pm ah ttin khawh kan i zuam nain lam kan tlau i 6:00pm deng ah kan umnak hotel kan va phan. 

Pumh kal lai kan i ngaih ning hi a zual. Kan umnak le an biakinn aa naih te i tuan ah kan va phan. Houston khualaifang ah an biakinn cu a ngan khawh ning le a tthat ning hi!!!!! 

US ka phakkaa i ka rak i pumhnak biakinn kha a tucu cheu nga ah aa tthen cang. Kum 7 chung ah mu. Mah ah cun hitluk members vialte hi lungnge tein zeitin dah an i pumh khawh hnga ka ti? An parking lot a kauh ning le an biakinn rianttuantu pawl an fel tuk hna ning cu. 

 

Thawngtthabia ngeih hlan in an mithmai le an mi chawnhbiak dan hmuhnak in thazang tamtuk kan i lak khawh rua dah ka ti. Tuan ah kan phanh caah tthutnak ttha te kan ting i kan i lunghmuih tuk. Praise and Worship in caan an thawk i hla hruaitu pawl an aw a tthat ning cu. Hla fungthumnak kan sak lio ah minu pakhat nih a rak kan auh i hmaibik tlangthumnak ah tthutnak a um. Nan duh lai ma? rak ka zul uh a kan ti. Venus he kan i lawmh ning cu!!!

Nithum zaan a si tik ah a pummi cutluk in an tam lai tiah kan rak ruat lo nain a pum mi an tam tuk. Mirang, Mexican, Minak le Asian he miphung kip ka i cawh dih. Minung thong zeizah ko dah kan si hnga aww ka ti. Thlacam lio ah hnu lei her in ka hei bih pah hna. Pumh dih tik ah tah mah vialte minung hi zeitin dah kan chuah hna hnga? Biakinn hmete hmenh ah kan i eng pah tawn hna, wedding kal caan zong khin minung zakhat zahnih te kan si ko nain kan i nam pah tawn hna khi mu :) Pumh a dih i azei nam le nam lo cu dai tein atlang tein an chuak hna i zeitik kar ah minung rel cawk lo vialte an chuah dih manh hmenh hmuh a si lo. Venus le kei cu a hmaibik stage pawng tak ah kan tthut caah hmanthlak tak nak ah a tlamtling ngai i hman kan i thlak dih tik ah cun biakinn chung ah mi tlawmte lawng an rak tang cang :)

Mah zaan cu Pastor Nick Nelson nih phung a chim i misur hang zong Paul Osteen nih a kan pek. "No String Attached" timi tlangtar in thawngtthabia a ka chimh i thazang tam tuk kan i lak. A bible catlang cu  Korin khuathnihnak chung in a si.

A ka lehnak cu, "Ka vel hi na caah a za ko, zeicahtiah ka tthawnnak cu derthawmnak ah hin a lang," ti a si. Cucaah cun Khrih tthawnnak nih a ka huhphenh ti kha ka hngakh nakhnga, ka derthawmnak ah hin lunglawm tein kaa porhlaw cang. Ka derthawmnak ah siseh, nihsawhnak le harnak le hremnak le temhinnak ka hmuhmi ah siseh, Khrih ruang ah kaa lawm ko; zeicahtiah ka derthawm tikah hin ka tthawn a rak si." 2Korin 12:9-10

Thawng ttha bia nih thazang tamtuk a ka pek. Ka nunnak ah hin caan tam deuh cun ka herhbaunak ruang ah ka lungre thei i ka buai tawn. Ka hmuhmi thlachuahnak vialte ruat lo in zeidang kong ah lungsivang in ka um tawn. Rian ttuan khawhnak thazang ka ngeih mi cung ah lawmh lo in sianginn full time kai khawh lo ruang ah ka ngeihchia tawn.

Hawidang nih motor ttha le inn tha he an chung le an zoh khenh khawhmi hna ka hmuh caan ah ka lung dong tawn. Ngeihchiatnak le zawtfahnak pipa um lo in ka chungle nuam le ngandam tein an nun khawh mi tu cu ka philh tawn. Tial awk ah a tam tuk lai. Bawipa na vel hi ka caah a za hrim ko!!! 

Kan kalnak road trip ah na kan tel pi caah ka lawm Bawipa! 

Your Grace is more than enough for me Lord!!!

Ka dawtmi ka hawi Venus cung ah ka lawm tuk fawn. 

You are a blessing to me <3

Classless Women

Laimi he a kom ngai mi ramdang nu pakhat kan dawr ah kan luh i a ttuannak thla nga hrawng a si cang. Phuah an timh pah leng mang nain a tthat nak tein ka hawi le ka chimh piak i an tlamtling tthan. Ka chimh piak zong amah nih cun aa thei lai lo. Lai mi he a kom i ka hei tlaihchan ve rua dah! 

"Dingdi, nang cu na rian ah lai mi an um lo i na hnathiang tuk lai ti?" tiah cheukhat nih an ka ti tawn. Hnathian awk le hnahnawh hlei awk um hnga ma? tiah khua ka ruat tawn. Ka rian ah ka tuannak hi kum 5 leng a si cang i ttuan tti hawi le he kan i daw ngai hna. Ka upat hna i rian zong fel tein ttuan khawh ka zuam. 

"Jasmine, jasmine, jasmine" tiah mah mi thar nu zong nih cun komh ngai in bia a hei ka ruah tawn. Ka nak in u pa a si i achim mi cu ka hei ngeih piak ve tawn. A si nain kan laimi cheukhat a komh bel mi pawl an chiatnak ka sin ah chim hram a thawk i ka mit kem ngai. Ka hawi le an si a ti fawn i yah a tu lawng ah aa thei mi kei mah cu a laimi hawi le kong tthat lonak cu a ka chimh hnga ka ti.

Ka thazang dernak pakhat ah aa tel ve mi cu lengchuah ka hman tuk lo mi hi a si. Hawi kong ka thei lo i mi kong ceih zong ka hmang lo. Bia hman si le si lo theih lo in mi kong biasawng thorh hi ka huat ngai mi a si. Mah nu cu keimah nak in laimi kong a rak thei deuh. Restaurant ah sau ngai a ttuan cang mi a si i a ttuan tti laimi nu pawl kong khu le phak in a chim peng. Ngaih zong ka zuam lo i theih zong ka herh lo mi khi a si.

Zaan khat zu din an kal nak ah laimi (a ho an si a ka chim lo) he ka kong an va ceih. Ramdang tlangval he an i date rua hei ti ttuk ttek khi ... rian ah a rak phan i chimh awk kan ngeih a ka ti. Ahawi le laimi he an i ceih mi cu a ka chimh i a si ma tiah a ka hal. Chikhat te cu ka thin a hun ning hi!

Zuanh hnawh i a or in dih i chet dihlak in bengh bak ka lung ah chuak :) Tulio cu weight ka lift pah tawn i a cei tak ko lai cuh :P

"Si hlah, ho nih dah a chim?" tiah ka hal i a chim tu min a ka chim duh lo. Ka chim seh law cu inn lam ka va fenh ko lai. Theih huaha lo le fian huaha ttung lo in mi kong bia hman lo chim hmang mi minung pawl tluk huat tlaimi an um lai lo.  Inn lam fenh phu an si ko. 

"oh na thin kan hun ter sual rua, ka ngai thiam" tiah a ka nawl.

"Zei sualnak dah na tuah i na ka nawl? Nu ngak pakhat ka si i ahman lo in kan kong an chim mi cu thinhung lai lo tiah ma na ruah? Nang mah zong rian kong dah lo cu hmailei nan biaruah nak ah ka min hrim telh hlah." tiah ka leh.

Ka theih ko. Bia a duh tuk mi nu a si i laimi lak ah a chuak lang lo mi ka si tik ah a hawile laimi hnih khat nih ka kong an rak hal tawn ko lai. Tlangval zong ka ngeih bal lo tik ah an ruahnak in ram dang pa he a date an hei ka ti ko lai cuh. Maw ka thin!!!

Keimah nih  "OK!" tiah rak ti ning law cu a ttuannak thlakhat hlan ah rian phuah a huah ko hnga ding mi zei dah ka rak zangfah sual ka ti :D 

Life is so much better when you focus on what really matters! 

For example; focusing on my crush ;)

National Day of Prayer

May thla aphan tthan cang. May thla ah US ka rak phan. Lukmalek ah kum an liam ko. Vawilei cung a si bantuk in harsatnak he a khat ko. Ka no lio cun ka dairy chung ah tuah ka timh mi vial te nithla khenh in ka ttial tawn. Atu cu thaizing ca hmenh khuakhan cia ka ngamh ti lo. Asi nain, Bawipa ka lawm ko. Ngan dam nak na ka pek. Inn khawhnak thazang zong ka pe rih ko. Atang lei hi Joel Osteen phungchim mi chung in ka lak mi a si i National Day of Prayer caah kan share hna....

 

You will go out in joy and be led forth in peace...Isaiah 55:12

God knows what's best for you. He knows what yo need and when you need it. He knows how to put you at the right place at the right time. He knows where the danger is and where the good breaks are. You have to learn to trust that inner peace, that inner prompting that leads you. Even if the odds are against you, you feel good about it in your heart, move forward. On the other hand, if there is unrest or uneasiness, if you don't have peace, then wait. Don't ignore the promptings, the impressions, the knowings. That's is God talking to you.

Always remember, God wants to help you in your everyday life, not just in the big decisions, but even in the small things. He wants to pour out his favor on you and release your frustrations. If you will be sensitive to His leading, if you will follow His peace, He will lead you into the blessing and victory He has prepared for you!

Father, thank you for Peace. Thank you for leading me forth in joy and victory. I choose to listen to You. I choose to tune in to You. I choose to trust You knowing that You have a good plan for every area of my life in Jesus's name. Amen.

My Peaceful Midnight(s)

"A sad soul is always up past midnight." an ti. But not for me. 

Ni fa te rian ttuan nak ram ah manh caan hi ngeih a har ko. Rian ka ttin caan hi 11:30pm hna a si tawn i inn ka phanh, ti ka kholh le rawl ka ei dih hin cun 12am si diam cang. Midnight lawng ah dai tein thut i khuaruah/seihkuyin nak caan ka ngei tawn. Tlangval ngeih lo cu seihku zong tam yin awk ka ngei lo:) Computer hmai ah ka tthu. eonline.com ah news ka rel:) Computer hmai ka tthut poah cun mah website kau ta lo in ka um bal rua lo dah. Cun, lai mino cattial thiam pawl inn ka leng hna. Laimi cattial thiam an tam ngai ko lai nain an blog min ka thei lo i ka theih mi vial hi caan ka ngeih fa te ka leng hna.

http://biahalpangpa.blogspot.com
http://lainu.wordpress.com
http://mhramkung.blogspot.com
http://teirialcatialtu.blogspot.com

A cung lei blogs ngeitu pawl hi ka uar tuk hna. Caan pek in ca an ttial khawh lawng si lo in an ttialmi kong zong theihawk ttha lawngte an si. Caan liam zong theih manh lo in rel an nuam. Nain, a chel caan cun ka laica thiam lo nih ka lung a ka dongh ter tawn. An ttialmi rel lo in an laica ttial ka rel caan ah laica ka thiam lo tuk ka fiang chin i ka blog hmai ka khap tawn lo. Lai mino cattial thiam le laica a thiam mi pawl cu kan uar tuk hna. Cun, kan upat hna. 

Tuzan hi rian i ka ton mi kong ttial ka tim nain lam ka pial tthan. Lam a ka pial ter tu cu Sangbawi ttialmi "Phaisa hi ka rak ngakchiat lio ahcun..." timi ka rel ruang ah a si. Nain, khua a ka ruah tertu cu phaisa kong a si lo. Laitlang kan um lio kan khuasak a rak har tuk ning ka mit thlam ah a cuang i khua saulak ka ruat. A hniangbik te tiah keimah lawng buh an rak ka chuan piak i ka nu, ka tta le ka u le cu fungvei cheu an ei chel, faang an rak ei chel. Thlen tiluan he ni tin lo kal an rak i thawh hna i khuamuih lai fa te inn leng ah tthu in lo lam ka rak cuanh caan te kha.... An tlun lai ka rak i ngaih tuk ning le ka paw a rak ttam tuk ning kha...

Sifah cu a har ko. Nain ka ca'h chungkhar dawtnak hri chat kho lo ding in a ttem tu pakhat a si!!!

Rum a har deuh a ti tu zong an um ko hnga. Kei bal ka rum bal lo i ka thei rih lo :D

Loved Scarlett

Help it Forward!

Title lak ah tax office ka phan. Parking a lawng mi ka kawlnak ah minute pahra deng cu ka rau. Mah tluk ko cun mi an tam hnga ka ti. Parking hmenh mahtluk a har ah hin cun ttan-si (waiting line) sau tak dir ka hauh lai ka fiang cia. Office he a hlat ngai nak lawng ah parking pakhat te a rak lawng. Ke in sau lak kal a hau nain nikhua a ttha, thli tu a hrang tuk lo i hla ngeih pah in zung chung ka phanh manh ka thei lo. "Information center" aa tinak ah ka kal i ka tuah duh mi kong ka hal. Mirang tar nu te nih a ka bawmh i ka tuah duh mi he a pehtlai lomi kong zong heh tiah a ka ceih pi i caan a la ngai. "Mah form hi hei fill up law na hnu lei i line ah khin va ttan si ve ko. Na insurance na put ma?" a ka ti. A form cu ka zoh i "na ka pek mi form hi inn in ka print cia i ka fill up dih cang. Insurance bal ka motor chung ah a um. Insurance lo in poi lai ma?" ka ti. "Na va lak a hau lai. Cun, na form he khan mah ka khin va ttan si te" a ka ti. Parking lot ah va kir tthan ka zuam lo tuk ning cu. Asi nain a hauh ve mi cu ka ti i ka motor chung ah ka insurance cu ka va lak.

Ka ruahnak bantuk si lo in sau ka hngak lo. Mirang pa nih a ka bawmh colh. Tukttek a herh mi a ka hal, ka leh, min ka thut...i " mah zat cu a dih lai. Cash or credit?" a ka ti. "Yah ka insurance zong na ka hal lo, na herh lo ma?" tiah ka hal. "Nah, na ngei ko tiah kan zumh. I don't need it." a ka ti. Ka lung chung te cun "Damn!!! Grandma!!!" ka vun ti ta manh rua :) 

Rian pakhat ka lim. Kar zang tak in parking lei ah ka kal. Ka motor pawng te ka vun phanh bak ah "Bomm" tiah thawngthang pakhat ka theih. Ka mer i ka zoh ah cun SUV motor a mawng mi nu nih a pawng i a dir mi motor a hnu lei a rak ttheih (hit). Ka zoh ko. A pawng passenger seat ah kum 12 hrawng ngakchia pa te a tthu i a mirh bu in a ka zoh. An dir lai i an hit mi motor ngeitu caah note te tel an chiah tak men ko lai tiah ka motor chung cun ka lut. Ka mer tthan i thlalangawng in ka hei zoh ah cun lo diam in lam lei ah a mongh ai. An motor plate number bal ka by heart manh i an van a chia.  Duhsah tein mawngh buin an hit mi motor cu ka zoh. Fak tuk in an hit i a hnu lei cu a dep tthup ko. 

Ka motor ka dir ter i khua ka ruat. Police ka auh ah ma a tthat lai? Motor cung i ngakchia pa te kha ka mitthlam ah a cuang. Ka lung ttha lo. Zeibantuk nu le nih dah an fa le khi "mah ti hin mi na hit hna zong ah tlik tak ko" tiah an cawn piak hna hnga? Ka phone ka lak 911 ka dail. Minute pahnih a rau lo. Police a rak phan. 

"You are very welcome. I am glad I could help!"

 

*******

UTA ka kai hramthawk bik semester ah mi nih ka motor an rak ka hit bal ve. Sianginn parking lot in ka chuak i lam cung ka phanh ah a si i a ka hit tu nih lo diam a ka tlik tak. A lang hlat in a rak hmu mi pa nih a ka hit tu pa motor cu a va dawi i a motor plate number a rak ka pek. Police an ka auh piak i witnesses ah minung pahnih nih an rak ka dir pi. A ka hit tu pa zong cu UTA siang ngakchia a rak si  ve. Ka van a chia. A pa nih mail a rak ka kuat i "ka fapa motor nih an hit ko nain a mawng tu kha ka fa pa a si lo. A hawipa nih a mawngh. Mah caah kan insurance kan in pe kho lo." a rak ka ti. Ca leh tthan na duh ah cun a ti i an address a telh chih. 

Google earth in an address ka zoh. An inn a that ning hi. Mirum an si cu aa thei ko. Nain an fapa bal cu minung pakhat nih a ngeih ding thinlung le khuaruah khawh nak an cawk piak kho lo hi ta ka ti. An motor plate number ka ngei, witnesses ka ngei. Nain ka motor remh nak caah an rak ka cham duh lo i insurance zong nih zei te an tuah kho lo. Police dept kal, insurance com. chawnh le Workshop i motor va up, rental motor mawngh cun, keimah ka insurance hmang in a dih mi liam ....ka ruah tthan ah ka ka ingphuang tthan lei. Achel ah khua ka ruat i ...Nikhat hawng caan pek in kan sianginn vel i a ka hit tu pa motor va kawl hna ka duh. Cun baseball bat in a motor thlalang vialte khuai piak dih ve khi :)

Sau cu a rau nain ka dih mi vialte an ka liamh tthan. Never stop fighting for what is right.

Quotes from Favorite Books

9:17am ah ka phan.

Lam ka tlaupah sual ah tiah tuan ah ka thawh i tluang tein tuantuk ah ka va phan. 43mins ka ngei rih i motor leng ah ka chuak. Nitlang toh pah in cauk ka ken mi ka rel. Nikhua a ttha nain a hrangmi thli nih a ka kih tuk i motor chung ah ka lut tthan. Tlang Chokhlei ka peh. Tluangza nu(Lenku) kaa si ter chel, cattial tu ka si ter chel... ka thin a hik. Zingkasik ah mitthli a tla. A donghnak lei ka phan i a dih lai ka ngaih pah nain ka siang pah fawn lo. 2014 chung i thazang ttha a ka petu hi Bible cauk le Lenku an si. Harnak tam tuk kan ton ve ka ti nain Lenku nih a rak tonmi sin cun kan harnak hi an tlawm rih. Pathian a bochan i a ruahnak le a lungput a nu sal tuk. Hrialcawk lo harnak nih an tei kho lo. Ka rel pah in ka duhmi catlang tete cafung in ka rin hna...

"Minung hi mi hmuhnak i a fel ngaimi lawh hi maw a biapi deh mah sining taktak i fel hi dah, ka ruat tawn. Zeitluk i kan fel kan ti ko zongah mi nih, mi fel lo le a thurhnawm i an kan ruah ko ah cun zeidah san a tlai, minungcu a bu i a ummi kan si, bu nih a thurhnawm i an kan hmuh ko ahcun a dih ko lo maw, ka ti. A dong lo, ruah ding a um rih. Mi nih zeiti an hei kan hmuh zongah kanmah kan sining le kan zumhning le kan pommi cu kan zumh peng awk le kan pom peng awk a si ko lo maw, mi hmuh ah fel si loin mah sining taktak i fel hi fel taktak cu a si deuh hnga lo maw?"(Tlang Chokhlei 147)

"Ka lanhtak cangmi thil nih ka tha ka baatter hngin hlah seh. Ka hmai lei kaar hlan ding a tam tuk rih. Teirialnak te he rianttuan ah cun zaang a dam, zaang zong a tlung khun. Ka hmailei ah ruahchannak meiceu fate zohchih in rian ka ttuan peng. Ka hon naih deuh i meiceu tlawmpal an hong fiang deuh, ka kethlan a hon i rem ciahmah ve." (Tlang Chokhlei 159)

Kaa khihmi ka nazi ka zoh cun 9:40am a si cang. Phang lengmang in i hnawhnak cun tuan ah phanh hi hna a ngam hrim ko. Hla zong ngeih lo in dai tein ka tthu. Tubantuk in dai tein tthutnak caan le khuacuanhnak caan ka hmuh lo hi kum zeizah dah a si cang ka ti. Caan ka ngeih ko zong ah hla ka ngai, tv ka zoh i ni chuah le ni tlak thei manh lo in ka caan an liam tawn. Ka hmailei i aa tar mi sign boards pawl ka rel hna. Kawlram ka um lio i speaking classes hei ti, computer classes hei ti Ads pawl ka lung ah an chuak.

Ka bag ah kawl ram in ka put mi ka notebook te ka vun chuah i a hlunh tuk cang ning hi! Ka lawyer nu nih bia aka hal sual ah ka ti i ka ratnak tuanbia tawi ka rel tthan. Kawlram i US Embassy ka kal lai fa tin ka tuanbia hi ca ciah in ka rak ciah tawn. Kum 6 a rau cang nain ka thin duk-duk in a tor tthan. Dates le Years nih hna an ka hnawh tuk fawn.

Catlap zong tthatthi in aa tlang ti lomi ka notebook te cu tlapkhat hnu tlapkhat in ka vun kau. Teenager ka si lio i ka rak ttialmi pawl ka rel hna i ka ni pah, "ohhh" ka ti pah, "lol" ka ti pah :)
Mah lio i ka rak duhmi catlang tete nih a thar in thazang an ka pek tthan. A tam deuh cu "The Best Magazine" ka rel mi chung in ka rak i ttial mi an si caah Source ka telh chih kho lai lo. Ka by-heart ti lo caah. Cun cheukhat cu kawlca in ka rak i ttial mi an si i ka thiamning in laica in ka leh. (myanmar font ka thiam lo caah)

For with God, NOTHING shall be impossible. Luke 1:37
"Hleicung ah a kai liomi pakhat nih zeitik hmenh ah a rak kainak hlei le zeitin dah a rak kai timi kha a philh bal lo."
"Success is getting what you want. Happiness is liking what you get."
"The man with imagination is never alone."
"A good person knows how to get out of trouble. A better person knows how to avoid it."
"Young people need models; not critics."
"You are only young once and if you work it right, once is enough."~Joe E.Lewis

"Always do more than you are paid for and one day you will be paid for more than you did."
"Be confident, be patient. Do not trouble yourself. Stay in the moment!"
"Mah kalnak lam ttha tein aa thei mi cu vawilei pumpi tiang nih lam a kianh lai."
"If you have parents, tender them with care because you will not know their value until you see their empty chairs."
"Manner is more important than matter."

INTELLIGENCE + MORAL COURAGE = EDUCATION

"Don't carry your head too high, the door is low."
"What you see and hear depends a good deal on where you are standing, it also depends on what sort of person you are."
"It's today for which we are responsible. God still owns tomorrow."
"Prayer is the best secret weapon of the child of God."
"If you look for sadness, you will find plenty of them.
  And, if it is reasons to be happy that you seek, you will find them too.
  So, choose consciously what you wish to find."

People with Character
They walk with integrity.
They do what is right.
They tell the truth.
They don't gossip.
They don't mistreat people.
They side with those who are right.
They keep their words.
They lend money to those in need without interest.
They don't take advantage of people for financial gain.
                      From "A diamond in the rough" by Andrew Stanley

Miruam kai cu nun chim hlah, an huat lai.
Mifim cu nun chim law an dawt lai.
Mifim cu cawnpiak law a fim chin lai.
Miding cu cawnpiak law a thiamnak aa chap lai.

"The Past was
  Tomorrow may be
  Only TODAY is."

Kan ngai ko maw kan ngai ko

Hakha in kan pu Dr. Hla Aung le an nu ( Martin nu le pa) US lei an kan tlawn lio a si i Hakha ka ngaih a zual lio caan te a si. Kawlram ka ngai tawn nain Hakha bal ka rak ngai lem lo. Tucu sunday school kan kai lio, elementary school kan kai lio le sazawh caan ka ngai. Ngahring ka rak dawi ta manh lo i ngaih awk ah ka thei lo. Theihmung bar le cawmpaek kawl bal ka ngai. Ka nu Martin nu nih kan sang vialte a thlak mi laksawng sunglawi tuk mi Video a kan phorh i a cung ah ka lawm tuk. Kum kua ka si lio caan te kha ka mit thlam ah an cuang. Innralbo ah cite le ttukttek cawk ah ka rak i thawh tawn lio te le lo lam lei hoih in ka nu le ttin caan ka rak hngah tawn kha mit thlam ah an cuang i zuun ngeih mithli a ha. Ka philh diam cang rua ka ti mi kan khua, kan ram, kan sang te....Kan ngai tuk ee!!!

Tuzan he cun a phungchim a voithumnak ka ngeih a si. Catang san lawng si loin hei fim tuk rih, cun toidornak thinlung hei ngeih rih. Bawipa thawngttha dawh dawh mi vialte hmai ah hei phuan khawh rih...aww kan upat tuk Ka pu Hla Aung!!! 

Kan sang te kan ngai tuk ka ti lio ah ngeihchiatnak nih a kan tlunh. Dawtmi nu le pa nih hmual liam tak thawng theih a si, Hrial khawh lomi thihnak kan ton cio te lai mu nikhat khat ah. Tangtak mi hawikom innchung khar caah kan tuah piak khawh mi cu thlacam piak lawng a si. Bawipa nih inn khawhnak thazang in pe hram ko hna seh!!!

Let it go

"Mah zan cu van ah arfi ceu an um ma zong ka thei lo. Thlapa tah a rak vang tak ma kha? Zilthli a hrang mi bal a kik ngai rua dah ka ti. Ka nuamhnak nih thil tam ngai hlam a ka philh ter. Khuasik zan December thla nikhat ah a kik peng mi ka thinlung lum hram arak i thawk!!!"

[December thla timi a um chung cu zeitin dah kan philh khawh hnga?]

2004 sweet december don zan i ka ton mi kong cauk chuah ka rak i tim. Kawlca in ka rak ttial i ka peh kho ti lo. Computer ah kawlca ka ttial thiam lo lawng si lo in peh duhnak thinlung ka ngei ti lo. Peh ko ning tiah ka hnek ah ttial awk thei lo in caan ka pam. A title ka rel, ka mirh. Ka rel tthan, ka ni. A voithumnak ka rel, ashh um seh!!! ka ti. December thla timi a um chung cu ka ti. Kum hra a phanh hlan ah ttial awk thei lo in capo rel bang a ka nih ter! Kha lio khan kum 16 ka rak si i, "duhnak a tel poah cun Tsunami chung hmenh in kan luat kho ko lai" timi zumhnak thinlung ka rak ngei :) Thla hnih le cheu a rauh hlan deuh (Valentine's Day) ah lam rak i tthen :D

Fiang tein theih ko buin ka keh lei i ka chiahmi ka phone a voi zeizahnak dik ka hei zoh cang. Ngeihchiatnak vialte khom in 2014 nih a ka don. "What doesn't kill you makes you stronger" an ti. A hman ka rak ti. Nain tuar lio cun afawi lo ning!!! Google search engine zong nih a ka rem ti lai lo. Ruat ti loin hmaifon khawhnak caah ka bia hal a tam tuk. Ruah lo le philh khawh i zuam deuh poah ah ngaih a zual. A kek, a kuai i khangh lio mi ka thinlung thlizil sin ah meikhu bang an zuang!!!

Kum 26 ka si ah Duhnak pakhat lawng in a zat lo ka fiang. Ka thim mi lam na ka upat piak caah ka lawm. Ka ngai thiam. I co theng kan hau lo, kan dawt peng lai!!! I love you MORE!

BELIEVER

Overcomer by Mandisa

Shining Stars like Diamonds

TFIOS by John Green

"You don't get to choose if you get hurt in this world, old man, but you do have some say in who hurts you."~ Augustus

Cauk ka rel mi nih an ka ttah ter caan hi a tam ngai. A donghnak bik ka rel i nguingui thlak in a ka ttah ter tu cauk hi John Green ttial mi "The fault in our stars" a si. A donghnak nih ka lung a ka suk tuk i ka rel dih in saulak te ka ttap. Ni thum li chung cu rian zong ah Hazel Grace le Augustus kong lawng te ka ruat. A tlangval pa Augustus nih a thih tak hnu ah Hazel hi zeidah a lawh hnga ka ti. A zawtnak tah a zual deuh hnga ma? Cancer support group ah tah a kal duh ti hnga ma? Augustus hi nung in Hazel tu rak thih ter sehlaw mah cauk hi ka lung ah cutluk in a tam lai lo. Kapkhat lei cun Hazel tu thih ter ka duh deuh (ka ngai thiam Hazel). A tuanbia tawi nawn in vun langh ter ka duh tuk ko nain Summer ah movie in a chuak ko lai i zoh khawh rak i zuam cio ve uh. Na ruah ning nunnak le dawtnak kong thuk deuh in an hmuh ter lai i na caan an pam ter hrim lai lo. 

Tlang Chokhlei by Joel Ling

Tuni cu ka pum kho lo. Dam lo ruang ah a si lo i tuah awk ka ngeih ruang zong ah a si lo. Thawh ka tolh ruang zong ah a si fawn lo i kal nak motor a tlamtling lo ruang zong ah a si lo :) A ruang cu zahan ah mit phing dih lak in ka ttah ruang ah a si :D :D :D 

Nikum ah ka u nih Pu Joel Ling ttial mi Tlang Chokhlei cauk  kawlram in a ka kuat. Rel lai ka ngaih tuk i ka rel siang fawn lo. A ttha tuk lai ti ka theih tik ah a dih tiang rel lai ka siang lo i nikhat ah tlap hnih, tlap thum lawng in ka rel :) A si nain zahan cu ka sum kho ti lo i cauk lai fang phan lak tiang ka rel. Page 212 tiang a um i page 93 tiang ka rel. Dong lak in rel ka tim ko nain ka thinlung nih zaan khat caah za lak in ngeihchiat nak a tuar tuk ka ti i ka ngol. 

Cauk tam deuh cu kan vun rel dih hnu ah a dongh dan nih kan ngeih a kan chiat ter tawn. Tlangchokhlei cu a laifang ka phanh hlan in a ka ttah ter cang. Tlapkhat hnu tlapkhat ka rel, ka ngeihchiat a zual; Lenku nih a tonmi ka in piak ve ah tuar a har tuk. Chikhat cu cattialtu cung ah ka ing puang :) 

Deilei nazi 3:30 ah ik dih lak in ttah bu he ka cauk cu chantling tang ah ka nawh. Lai ca in ka rel mi a voikhatnak bik novel a si. Zeitik hmenh ah ka philh kho lai lo. Sumkhal in denmi thingthei bang ka thinlung cu cip dihlak in ngeihchiatnak nih a den. Pu Joel Ling he a leng ah hei i tong u sih law "U El, Lenku cung ah na tta-ya lo. Na ton ter mi harnak le ngeihchiatnak vialte hi minung pakhat nih kum tlawm te chung ah ton dih ding ah cun Lenku cung ah na luantuk lo ma?" tiah ka hal men lai :)

Zanlei pumh dih in Saya Chan te an kan leng. "Ziah tuni na pumh lo?" a ka ti i "Ka lufak pah i si." tiah ka leh. Tin lai ah kan inn chungkhar ca'h thla a kan cam piak i ka lufah a damnak hnga ca zong a telh chih :D Ka lung thli te cun "U El, nang mah ruang ah" ka ti :D  "Lungput" le "I Tonnak" timi cauk in Pu Joel Ling cattial hi ka rak uar tuk. "Lungput"a ttialmi hrim hi cu tam tuk te rel kaa nolh cang. "I Tonnak" zong a ttha tuk. Bia hal a thiam i a ruahnak a sang. Hal awk zong a thei cawk ti awk in a khuahmuh kau. A tu ah novel ttha tak a vun ttial i ka rel khawh ve caah ka lawm tuk. Muko magazine rel ka duh tuk nain Dallas lei ah an zuar ka thei lo. Tlawm tuk lawng a phanh i cawk awk a taan lo bia ma asi a phanh khawh lo dik a si deuh. Laimi nih Pu Joel Ling bantuk catthial thiam pakhat kan i ngeih hi cu ka uar kho pi tuk!!!!!!!!!!

Tlang Chokhlei peh  lai kaa ngaih. Nain tuzan cu mit kuh vuai tein ih ka hau. Mit phin ruang ah rian kal kho lo in ka um sual lai. Computer screen nih ka mit a fah ter chin ko nain ka inn ka vun hlam taa :)

A dai zan...

                                                         "Nunute, you are not riaking them tonight too?" 

my sis's daughter & my bro's son

"Hnga? zeitin ee aa nu?" 

Inn ka phanh cangka ka tunu te nih a ka hal. "Tuzan tah na riak hna lai lo ma?"ti hal aka duh :). A chimmi fiang tein ka theih ko nain kaa hal ter tthan. Zanthum chung ka tupa te tlangrai in a zaw. Zankhat ka va riah pi hna i ka tunu te nih a rak ka ngai tuk ai. Ngakchiano dam loin an um cun zangfak khun tuk an si. A dam cang i kan hnangam, kan i lawm tuk!!!!Thanks God!!!

Tulio hi flu a hran tuk lio a si i ralrin ngai a hau. A bik in ngakchia le tar pawl flu nih atlunh khun hna. I chawnh zong afawi i zawt sual cun atlawm bik nithum li chung bak zawt a si. Tihni tiang ah khan dallas chung lawng ah minung 50 flu in an thi tiah news nih a chim i ngeihchia ngai a si. Zawtnak cu mah duh a si lo i hrial khawh zong a si lo caah ralrin tein flu shot zong i chunh cio cun a ttha. Kei ka chun rih lo :( flu shot kaa chunh fate ka zaw i chunh lai ka ttih;(

********

                                                        "Good Luck Dear!" 

one day...

Kan in pawng gas station ah lottery ticket ka va caw ta. Dawrhngak hi Indian pawl an si i an ttha ngai fawn. An dawr ka kal pah leng mang i kan i thei ngai cang hna. Cawhnuk cawk ka kal zong ah lottery ticket an ka rawnh chih tawn :) A voi zeizahnak good luck a ka wish dik a si cang. Tu tiang cu a tambik ah $1 lawng ka poh rih :D Mega Millions Lottery hi zarhkhat ah voihnih chuah a si i  ka philh lo poah cun fangkhat man ka cawk peng ve. 

Cheukhat nih "“A lottery ticket is just designed to keep poor people poor by selling them false dreams" an ti. A cawtu cung ah a mu-tti ko ka ti ve. "Money don't change you, it changes the people around you." an ti fawn. Sitak hnga maw? "It changes You and the people around you" ti si deuh men lai :) Millions in poh sual cun hodah thlen lo in um kho hnga :) 

Bawipa chiatnak lei in thlen lo ka zuam ko lai, ka poh ter ve ko million pakhat tel in :)!!!!

********

fake smile in ka nih ter bia

Fa hniang hi rianfial awk ah kan rak chuak rua dah ka ti. Chuk le cho ah an ka lek ter peng! Inn ah ka um lo cun "where,when,how long" tiah questions ra colh. Dai tein cauk va rel ning tiah library ah ka kal. Mirang cauk si lo mu (kawl cauk lol) Ka tthut tlawm pal ah msg lut. Ka brother nih ka umnak a rak seih-win-sa tuk!!! Ka ing puan pah buin zeihmenh ttial lo in selfie kaa thlak i ka kuat hehehe. 

"Chicken wings rak caw kan in leng hna hih" ti si. Ka thilri ka lak i parking kal pah in ei awk order ding ah phone number ka kawl. Ka call hna i minak pa nih a rak tlaih (a aw in ka theih :) Ka biahal pang pah i raulak in phone ka tlaih ter. Rawl dawr ah ka ttuan ve i ko-chin-ka-sa ko nain an menu ttha tein ka thei lo i online in zoh len ka zuam ti lo. 

********

   Minute 15 a rauh ah an dawr ka va phan i ka luh le sin in minak pa cu a rak dir ko. Ka min le ka cah mi ka chimh i "a couple minutes in na hngak ta kho lai ma?" a ka ti. Ok tangkaa kan pek chung lai cu ka ti i cash ka hei pek. Total $36.52 a si i kulca tlap hnih le 0.52cents ka pek. Tangka nek a lak lio ah "ka order lio i phone a tlai tu kha nangmah na si ma?" tiah ka hal i a mirh buin a lu suk. :P 

"Sorry bak si! Caan pek le lungsau tein na rak tlaih i ka lawm!" tiah ka ti. Fangkhat ca tlapli pek buin "oh, poi lo!" a ti i a ka nih! Minung hi kan mirh le kan nih caan hin iang kan ngei khun ko :) :) :) 

"Ka lawm" ka ti i tangka nek a ka pekmi cu "Coffee dinnak ah" tiah ka tthenh. A rau lo. Ka cahmi ei awk cu a rak ka put i " Good Night Sweetheart!" a ka ti. 

Inn ka phan. Ei awk bawm pawl cu kan on hna i "Yah mahtluk tam hin na rak cawk duh?" tiah an ka hal. Ka zoh ah cun ka cahmi leng in ei awk tam tuk a rak ka rawnh. God Bless your heart young man :) 

********

Cheukhat sin in biahalnak ca a lut. Yah ruahning/hmuhning na blog ah comment khawh a si lo an ka ti. "Ka ral chia tuk i si"tiah ka lung chung tein ka leh hna. Caan pek in a ka lengtu nan zate cung ah ka lawm :):):):)!!!

inn pawng parking lot ah yoga ka tuah lio :D

ka ke hik lol