GLORY

Cucaah zei dang vialte nakin
Pathian Pennak le zeidah tuah hna seh
ti a kan duh timi kha biapi deuh in ruat u law
Thil dang vialte hna zong hi a pek thiamthiam ko hna lai.

Cucaah thaizing nih lungretheihnak cu a za in aa ngeih ve ko lai.
Nikhat nih a chuahpimi harnak chung i a dang chonh chih lengmang hi a herh lo.

Ka pumh lonak a sau tuk cang i biakinn zong ka ngai ngai. Tuni cu ka pum kho i ka nuam tuk. Ka lung dam. Ka hnga ngam khun i ka zang dih. Tuah awk rianherh tuah duh ah biakinn ka phan kho lo. Pathian duhnak tuah hmasa lo in keimah pumpak duhnak ka kawl hmasa tawn. Tlamtling nak a tlawm i chanbaunak a karh.
Ka lung ah a chuak mi bible catlang te ka vun tar. Matthai 6:33-34 hi a si. Bawipa a tha. A dawtnak cu zungzal in a hmun.

BREATHE

BLESSINGS

Jeremiah 33:3

“Call to me and I will answer and tell you great and unsearchable things you do not know.”

Bawipa ka lawm. Na ka dawt tuk caah ka lawm. Ka hawittha bik na si caah ka lawm. Ka auhnak aw aka thei piak peng tu, fimchimtu Bawipa na min kan thangtthat. Ka hawittha bik na si!!!

Fighting the Wrong Battle

2012 ah blog hram karak thawk. Nitin ka um kal nak ah ka tonmi le ka ruahnak pawl ka ttial tawn. A liamca ka tthial mi pawl ka rel tthan tik ah ka hmuh mi cu, aluan cia caan lio ah zeitluk in dah a herhlo mi thil kong ah karak buai kha ka ca ttial mi chung in aa thei kho tuk. Hawinih an tuah khawh mi thil ka tuah khawh ve lo caan ah lung nuam lo in ka um, ka tuah khawh mi thil cung ah ka lawm kho bal lo. Lawmhnak taktak hi zeidah a si ti ka rak i fiang lo. Rian tlamtling deuh caan ah ka nuam, sianginn exam result that deuh caan ah ka lawm, ka family ngan dam tein an um ti thawng ka theih tik ah ka lawm. Nain, ka lawmh lo caan a rak tam deuh. Thil hmete te nih nuam lo in an ka um ter khawh tuk. Perfect si k arak duh ning le ka perfect lo ning hi ka lung tha a rak ba tuk.

The Journey Not Taken

Rian ah computer lawng te in kan tuan. Kan hmanmi software le program pawl an ttha tuk.  Caan tam deuh cun vanlawng parts pawl sernak caah program ttial piak si. Palh khawh si lo. 0.01mm te ttial palh sual zong ah ttih nung tuk. Kei cu Intern lawng ka si rih I serious tuk mi rian an ka khinh rih lo, ka ttuan tti pawl hi 95% cu pa lawng te an si. Pa he rian ttuan cu a rak fawi deuh ngai ko, mi kong ceih an hmang lo, thilpuan kong ah mi soi an hmang lo, an fimthiam nak thuhnawh an hmang lo, hawibawmh ding ah an I ready peng i minek zong an hmang lo. Nu pawl cu kan hmang dih ka tinak si lo nain, tam deuh cu kan hmang ko. Mah hlan ka rak ttuan nak ah nu pawl he ka ttuan i achel caan cun “ nu pawl ciam mam hi” tiah ka hram tawn; nu si ve lo bang…haha

Kawl ram ka um lio KMD ah ka rak kai mi computer class kong ka ruat. Ka ngaihchih ning hi..mah lio khan ziah ttha tein k arak cawn lo ka ti..aluan cia kum riat ah khan nihin i kan hman mi technology pawl kong hi an rak kan chimh cang. “Hmailei cun cuti cun kha tic un technology i atthangcho lai i” tiah kan sayamah nu nih a rak kan chimh lio khan ka rak zum lo. Nihin ni cun ka hman len cang hna…Mah lio khan ttha tein rak i zuam ning law computer ka thiamnak level a dang tuk hnga I ka ttuan mi rian zong a dang hna…kha lio khan cun nuamh duh men ah ka rak kai. In the end we only regret the chances we didn’t take; so true!

Life’s Greatest Blessing

Nikhat chung rianttaun, sianginn kai, rian herh tuah dih in inn ah ttin. Cun, family he hmunkhat ah rawl ei i biasawng tlorh. Tha batnak vialte an lo dih I thaizing caah thazang thar a chuak tthan. Rianttuan tti hawi le he bia kan i ruah fa te an family kong an chim ah an tha a tho bik. An hman thlak pawl an rak put i an ka piah. An min an ka chimh. Ka cin ken cawk lei lo. Kan zung i a rank a sang bikmi bawi nikhat cu kan office ah a ra. A family kong khu le phak in a kan chimh. Ka fanu cu Engineer si ter ka duh ko  nian Psychology  lawng a seih_win_sa i na duh mi kai ko ka ti a ti. Hohmenh perfect mi family kan um lai lo. Asi nain, kan i lawmhnak cu kan family hi an si bik ko tiah ka hmuh. Lawmhnak caan, ngeihchiatnak caan, zeicaan poah ah a kan lawmhpi tu le dirkamhtu cu family hi an si ko.

BLESSINGS

2016 ka chuahni dam tein ka phan. Kumpi mah vialte damnak le tlamtling nak a ka petu Bawipa cung ah ka lawm tuk. Pawngkam caah santlaimi minung si hi ka goal ngan bik a si. Bawipa na kut cung ah ka plans vialte ka chiah. Atha bik in ka hmang ko.

“Every good and perfect gift is from Above.”

FAITH_HOPE_LOVE

UNTITLED

MOMENT

I love May.

Kum fate May thla nih asung lawimi lawmhnak a ka phorh tawn. Tukum zong ka dawttukmi ka hawinu May thla ah a graduate. Ka lawmhpi tuk! Kan umnak a khat lo nain degree alak ni ah ka kal kho ve I ka lawm khun. Zanlei 7pm ah ceremory a si. Zanlei 4pm ah an khua kan phan i a duhtuk mi starbucks coffee din ah a ka choipi colh. Ka ngai tuk i kan um tti chung every single minute lawmhnak in akhat. Afim tuk, cathiam lawng silo in Pathian a thei I a fel zong a fel tuk. Asin um a nuam kho tuk. Fimnak tampi I laknak a si. Ka zohthla tuk I ka dawt tuk <3

7pm: graduation ceremony tuahnak convention center kan phan. Mi an tam ngai. Ka hawinu cu nursing in a dihmi a si. Nursing lawng si loin adang degree a la mi zong an um I sianginn ngakchia an tam. Martin Luther King Jr. afa nu ahniangbik nih biatawi chimnak a ngeih I a ttha tuk hringhran. A pa nih a rak chimmi

“Intelligence plus character that is the goal of true education” kong he pehtlai in saungai te a chim. Atha lawlaw. Ceremony adih I hmankan I thla hna..cun kan ttin i Pathian sin lawmhnak chim dih in rawlthawtak he caan kan hmang hna. A pu Dr. Hai Vung Lian zong a ra kho ve I ruahnak tthattha a kan cheuh. Thla a kan cam piak. Kan I nuam tuk hna…Congrats Love!

#Venus

You are the BEST!

You DID it!!!! 

I am so proud of you!!!!

BFF4EVER!!!

DREAM

HUMILITY

D

awtmi May thla kan phan tthan cang. May thla ah US ka phan. May thla ah rian ka hmu. May thla ah sianginn ka rak dih. Tutan May thla hi tah? Zeibantuk nuamhnak le tlamtlingnak ka ton lai ka thei rih lo nain zumhnak ka ngei, Pathian nih tinhcia in a ka chiah piakmi a um. 

Hmaizarh final exam ka phi lai. Oh yea..siangin kong he pehtlai in tihni ah ka u he bia an i ruah. "Kanau ka hawipa he kan i chawn i dakaw "yah kan nau nu Dingdi hi a sianginn kai a dih bal lo? Hawidang cu an dihnak sau tuk cang. Nan unau rual in US nan phanhnak a sau ngai nain a phankaa nih kan in tei tuk hna? Nan dirhmun ah nan um peng" tiah a ka ti."

Lungttha lo le ngeihchia ngai nawn in a ka chimh. Ka u cu ka zoh i ka mirh. "Zei na nih?" a ka ti. "Na thinhung loma? mah le rawl te ei ko nabuin mahbantuk mi ti huah cu?" tiah a ka hal.

"Ka u mahbantuk hawi na ngeih cu ka lung ttha lo. Ruahnak cheuh, fimchimtu le thazang pek a hmangmi hawi lawng kei cu ka ngei i ka vanttha tuk. Cun, na hawipa cu zangfak ngai pei a si cu tiah a ruahnak te cu ..... " ka hei ti.

M

inung hi kan sining kan idang dih hna. Kan life aa dang. Kan thilrit aa dang. Tuah ding kan ngeihmi aa dang. Cun, biapi ah kan chiahmi zong aa dang tuk hna. Mah caah cun hawidang nih zeidah an tuah timi ngait le thlak phun in biachim lo ding hi a biapi ngai. Kan chim kan chim i kan chim cuahmah lio ah kanmah le kanmah kan ruahnak zeitluk in a tenau ti kan langh ter tawn. 

May thla kong ka ttial hnek nain ka pial.... 

Happy May Day!

HUMANITY

Aluan cia zarh ah khan camipuai pakhat ka ngei. Ka phi kho lo ngai. Timhtuahnak ngeih lo in kava phi. Zeiti ttha. Ka phit dih in ka ttin i ka notes pawl ka zoh cun fawingai tein phit khawh tuk ding a rak si ko mi L Tihni ah khan kan saya pa nih kan phitmi catlap a kan pek. Ka ruahcia ning tein awn men tein ka awng. Tuan ah class ka phan i hmaibik tthumi nu nih “hey Dingdi zeizah na ngah?” a ka ti. “Ka awng men te si ko lo ma! Nang tah?” tiah ka hei ti. Kan saya pa nih bia kan i hal mi cu an kan zoh pah in a hei ngeih ve. “Asihhh mah class hi ka huat tuk!!! Zei ruang ah dah ka lak tiah khua ka ruat tthan. Herh lo tuk mi a si!! C lawng ka ngah. Asihh ka huat phuntuk class a si!” tiah au khuang ngai in a ka leh. Kan saya pa hmai ka khap lo ngai…nain a theih diam cang. A ka zoh. Minu cu a zoh. A ni lo! “Oh oo, aa capo bia si saya” tiah ka hei ti. Saya pa nih “She means it!” a ka ti. Chim awk ka thei ve lo.Class caan a vun phan i lecture hram a thawk. Mah minu cu a hmaibik ah a tthumi a si. Saya pa chimmi zeirel lo bantuk mithmai in a um hnawh. Heh tiah a laptop aa tuai ter. Ka zohhram bia a silo nain, tlanghnih nak ah ka tthu i hmuh duh lo zong ah hmuh a si.

Khua ka ruat. Kan saya pa nih a rian ning tein a tuan ko. Kan van a ttha lei. Kan major class pawl chimtu saya pawl an upa ngai hna i ca chimh zong an thiam lo ngai hna. Aluan cia kum 35 lio bantuk khin chimh an kan timh peng rih. Nain atu sayapa cu cachimh a thiam tuk. A kan fianh khawh dih. Ka uar bikmi class a si. Sayapa nih a rian tlamtling tein a tuah ko nain kanmah lei nih zuam duhnak he ca kan zoh lomi kha cu kanmah sual a si ko. Mark tthat lo ruang ah saya te puh cu ttha lo ngai. Ca lei mark tthat duh tuk ruang ah zeiza lei remh kan philh tawn. Tha lo ngai..

**********

Ka hawinu nih a ka text “kan pa a upa a dam lo ngai . Thlacamnak in kan bawm ve!”

Hnunawn ah class a rak phan. “a zeidah ti?” tiah ka hal i “ Kidney failure a si. San Antonio sizung ah a um ko tuhi” tiah a ka ti. Aw sima a ttha deuh ko lai..lungrawk tuk le ngaihchia tuk in um hlah mawh ka ti.  Ca aa zuam ngaimi a si i fa pahnih he a si tik ah zaan ihcaan zong a ngei tawn lo. Athaizing ah text a rak ka kuat “Kan pa a u pa nih a kan thih tak cang”

Ka ngeih achia tuk. “Pathian nih inn khawhnak thazang in pe hramhna seh, kan ngeihchiat pi hna mawh! Stay strong. “ tiah ca ka leh. A ka timi cu “class miss ka duh lo ruang ah kan pa nau ka umh ter. Mahhnu ah san Antonio ah a kal. A phanh hlan minute 20 ah a upa a thi. Ka hruh tuk ning hi. Ziah mahtluk in ka molh. Kan pa nih a upa zong goodbye tel ti manh ti lo. Herh lomi ka tuah ruang ah. Zeidah class cu a biapi ah ka hei chiah. Atu cu a kan thihtak cang. ……” tiah ati. Ka lung ttha lo tuk ve. Minute 20 tuan ah hei phan sehlaw aa lung hmuih deuh rih hnga.

Tin pah in motorchung ah khua ka ruat. Aww…vawilei cungpi hi ti. Kan nunnak ah caan tampi cu a biapi lomi kong ah kan buai tawn, caan kan dih tawn... kan dawtmi hna caah caan kan pe kho hna lo. Kan lung asau lo. Bia nem in ii chawnh kan zuam hna lo… Ahmun lomi vawilei thilri ah kan buai. Thihtik ah ruak ihumh lennak in nunlio ah daw tein kan um khawh ding hi a biapi deuh ngai ko...

********

Rian tuannak ah customers paruk ka ngei. Mino tete an si. Mirang pawl an si. Biaruah an nuam tuk. Thatuk le upat tuk in an ka chawnh i kasia zong rem lei lo. An mirh peng. Bia an ruah dan ka zoh hna i ka uar tuk hna. Ka upat tuk hna. Mirang mino tampi ka zohkhenh cang hna, an i dang tuk. Zeidah nan ei lai ka ti i cah an duhmi ka hal hna. Minung paruk an si nain phun thum lawng an cah..ei an duhmi an ka hal. Aman ka chimh hna. Aaa kan chei deuh lo an ti i adang aman niam deuhmi an cah. Kalung ttha lo ngai nain..dangh khawh ding dirhmun ah ka um ve lo i poi ve L 

Anpawng ah ka kal i kava chawnhpah leng mang hna..chawnh an nuam tuk. Pa pathum nu pathum an si. An i chawnhbiak dan a thli tein ka ngiat lengmang hna. An tinhlan ah Cake pathum coka ah ka lak i dawh tein ka ttamh. Cream, chocolate le cherry he dawhtak in ka ttamh. Kan dangh hna ka ti hna i an i lawm tuk. Heh tiah lawmhnak bia an chim. Nanmahnak in keimah ka lawm deuh ka hei ti ve hna..

Tuahawk ka ngei i coka lei ah ka va kal. Ka rau pah i ka dih cun an rak ttin cang. Ka hawinu nih a ka kawl len. Catlap pakhat te a ka pek. Tunai mino pawl nih khan mahte hi kan pek piak te an ka ti a ti. Ka lak i ka rel.

Dawtmi Minute,

Tuni hi ka nu thlantlak ni asi. Nuam tein um le pakhat le pakhat i dawt hi ka nu nih akan duh piak bik mi le a kan fial peng mi a si. Caan tawi te kan i ton chung ah dawtuk in na kan zohkenh i kan i lawm tuk. Kan ngaihchiatnak zong na zor ter…caah kan i lawm khun. Pathian nih thlachuahnak in pe ko seh!!! Mangtha. 

Ka mirh. Nain, ka mitthli tla.

Move Past Your Mountain

"...you have stayed long enough at this mountain." Deuteronomy 1:6

L

et me ask you, do you go out each day knowing that favor is already in your future? Or, have you gotten stuck in a rut staring at a mountain of disappointment, setbacks or difficulty? That’s is what happened to the people of Israel. They were headed toward their promised land. They had big goals and big dreams, but along the way, they hit some setbacks and had some discouraged that they gave upon their dreams and just settled where they were. One day God said to them, “You have dwell long enough on this mountain.” He was saying, “It’s time to move past this and embrace the blessing in your future.”

I

believe God is saying that to each one of us today. You've been where you are long enough. God saying, “This is a new day. Get your fire back. Where you are is not where you are supposed to stay.”If you will be determined to move past your mountain, He will lead you and empower you to live in favor and blessing in every 

       area of your life!         

Joel Osteen

April 23, 2016

                                               

LISTEN

Saya David Lah

Saya David Lah

Simple Secret

Bawipa ka lawm.

K

a ttih tukmi presentation tlamtling tein ka lim. Atthat le tthat lo cu ka thei lo nain ka lim cang..ka nuamh ning cu. Ka hawinu nih video in a ka record nain tutiang ka zoh rih lo. hahaha zoh te lai ding zong ka tim bak lo... mi tampi hmai biachim a har khawh ning hi..Bawipa a ttha. Hmualpho lo tein ka lim khawh.

Hlan cun ka hawile he class pakhat le pakhat kar caan kan ngeih chung bia kan i ruah hna, ei awk kan caw hna. Tutan semester cu hawi ka hrial. Keimah te lawng in ka um. Hawi he tuah awk project um dah lo cun keimah lawng library ah tuah awk ka ngeih mi ka tuah hna. Sianginn canteen zong ah rawl ka ei ti lo. Tangkaa ka save lawng si lo in caan zong ka save ngai. Canteen cun theih hngalh an um peng i caan thlau tuk. Inn in rawk ka put i motor mawngh pah in ka ei tawn..

Ka sianginn kainak kong he pehtlai in tehte khan awk tam tuk ka ngei. Ka sianginn kai caan hi a sau ngai cang...laimi tam deuh nih cun "cu cancan sianginn kai cu va na ngeih cang ko lai, na dih kho bal fawn lo, zei bantuk sianginn ko dah na kai?" tiah an ka ti tawn. An mawh lo. US ka phanh kaa in ESL in ka thawk i kum riat a si cang...Bachelor degree ka la rih lo. An ruah mi an palh bak lo. Ka nute tiang nih "kafa yah mah can can sianginn dih khawh bal lo cu ?" tiah a ka ti. Ahmai ka khap lo ngai nain..leh awk ka thei ve lo.

C

ollege classes ka rak lak lio ah hin semester pakhat ah class pahnih lawng ka rak la. full time cu atlawm bik class pali lak a si. Kumkhat ah spring semester le fall semester tin a um. Mahruang ah kumhnih in associate degree lak khawh a si mi kha kum li ka rak kai hnu ah ka lak. Aruang tampi um. Chimhau lem lo i ka telh lai lo...

University kaa tthialnak kum khat a si cang. Ka nuam tuk. Pathian cung ah ka lawm tuk. Tuhnu kum khat le cheu cun ka dih lai. Ruah cun a rau tuk rihmi a lo ngai nain ... hmaikum december cu ka lim cang ko lai.

 Ka ruah ah Pathian sin lawmh loin ka um kho lo. Pathian nih a ka dawt ning hi. Ka nunnak ah fawi tein ka hmuhmi thil a um lo. Harnak ka tongmi vialte fimchimtu ah a can ter peng hna. College lio cun pass ding men ah ka rak kai..zuamnak thinlung ka rak ngei lo. Caan saupi hnu ah University ka phan nain..ka ruahnak a thleng. Theih duhnak thinlung ka ngei. I fian ka duh. Thiam ka duh..a lak in class ah ka caan a dih ding hrim ka duh ti lo. Pathian nih ka thinlung ah rian a ttuan hrim ti ka theih.

Ka hawinu pakhat nih nangmah he cazoh tti ka duh ngah lai ma tiah a ka text. Ka leh manh hlan ah library ah a rak ka kawl i a ka hmuh. Ca kan zoh. Bia a ka hal "Dingdi, last week quiz kha na thiam ma? class average score ah 40 lawng si. kei  25 lawng ka ngah" tiah a ka ti. Duak tiah ka lung ah a hung chuak...

Mah ni kha...

C

lass hlan ah library ah ka ra i chikhat ca ka zoh ta. Ca ka zoh hlan fate thla ka cam. Ka minung thluak bochan khawh a si lo ning 100 ah 100 in ka theih. Pathian sin ah bawmh ka hal. Minutes 10 lawng caan ka ngei i, cazoh lim manh lo in class ah ka kal. Ruah lo pin kan sayapa nih  "Khah, tuni cu new topics kan cawng lai lo. Nan cauk vialte fim dih uh. Calculator, pencil le eraser lawng cabuai ah hmuh ka duh. one hour and half caan nan ngei. Quiz kan pek hna lai" tiah a kan ti. Ka lau tuk. Ka ready lo tuk.

Question paper a kan phawt. Ka kut a ther dih..ka rel, ka fiang lo. ka rel tthan. voithum ka rel, zei ka rel ka thei lo. Ka pawngkam tthumi pawl cu heh tiah an ttial len cang hna. Tuah awk ka thei lo. Ka mit ka chinh, thla ka cam. Cun bible catlang ka lungchung tein ka rel. "Nan ka hal ah cun a nganmi le a thukmi thil, nan hngalh bal lomi hna kha kan chimh hna lai" timi Jeremiah kha ka rel. Duak tiah a lung a vun fimmi bakkhi ka lo. Ka thinlung vialte a dai dih. Ka mit ka au i ka question cu ka vun rel tthan. A herhmi sentence pawl ka highlight... ka mirh... ka fiang. Ka ttial.ka tuak...ka phiat...ka ttial Ka lim...hawi hlan ah ka paper ka up. minute 10 hlan ah ka dih. Ka sayapa nih double check tuah na duh ma an hour and 20  minutes caan na ngei rih a ka ti.."No sir, thank you!" ka ti. Class leng ah ka mirh buin ka chuak.

A

 kipthuh ah result a rak post kan sayapa nih. Minung panga lawng nih nan pass ti si. 70 or 75  hi pass grade si. 100 ka ngah. "Pathian nangmah na si. Nangmah tuahsernak si. hahahaha. It is because of you. It is YOU. Pathian hahahhahahaha" mimolh bang ka au i ka ni. Ka aiii pah hahahahaha Pathian bia ka ruah!  Pathian a tthat ning hi. Zumhnak kan ngeih cun tlanghmenh tthial khawh a si lo ma!!!!....A nungmi Pathian kan dawt tuk. Ka lawm. Na ka dawt ning hi....

Ka thluak tthat lo ning ka theih. Cazoh ka zuam tawn lo ning le mirang ca ka chei lo ning...  Asi nain Pathian sin ah fimnak ka hal fa te pek loin a ka um bal lo. Ka hawinu nih a ka hal. 100 ka ngah tiah ka chimh. Akhua ruah a har tuk...zei tin dah ca na zoh..rak ka share ve a ka ti. Ka chimhmi cu "camipuai ka phit lai fa te thla ka cam hmasa. Bible catlang ka rel cun thla ka cam ta" tiah ka leh. Asi nain minute 5 lawng caan kan ngeih ah tah..caan na zat ttung lai lo tiah a ka leh ve. Ka timi cu minute pakhat or pahnih thla ka cam taak ruang ah caan nih dihtak ka tong bal rih lo. 

S

au deuh ka cam hmenh ah fawi deuh in phit khawh nak, thiamnak Pathian nih a ka pek peng tiah ka ti. Ahman mi bak si. Ka class pakhat hi quiz kan ngei peng... 1o questions 5 minutes. question pakhat phit ding ah 30 seconds lawng caan kan ngei..asi nain thla ka cam tak ruang ah caan zat lo le mark ttha lo in ka um bal rih lo...vawilei cung ah zumtu si hi zeitluk in dah tthat... Secret ngan pipa  ka ngei lo. Amah bal thla ka cam.

It's that Simple!

SALM

⁵Nangmah dah ti lo cu

ka ngeihmi dang zeihmanh a um lo,

Maw Bawipa,

Ka herhmi vialte cu nangmah nih na ka pek,

Ka nunnak cu na kut chungah a um.

Laksawng na ka pekmi cu 

Zeitluk in dah khuaruahhar an si,

Zeitluk in dah an tthat!

Bawipa nih a ka hruai caah amah cu ka thangtthat,

Zan ah ka lingthin nih ralrinnak a ka pek.

Bawipa ka sinah a um cu ka hngalh zungzal,

Amah cu keimah he naihte ah a um i 

Zeihmanh nih an ka hnin kho lo.

Cucaah lawmhnak le thanuamnak in ka khat i

Him tein ka um zungzal.

Cu ti ka si cu Mithi khu ah khan 

Na ka kaltak lai lo le

Na dawtmi cu Khor Thuk chungah 

Na ka chiahtak lai lo caah a si.

¹¹Nunnak lei kalnak lam cu

Na ka hmuhsak lai;

Ka sinah na um caah lawmhnak in 

Ka khat i na ka bawmh caah nuamhnak ka hmu zungzal. 

           

                                                                        

Refuse To Worry

Thaizing sianginn ah presentation pek ding ka si i ka ruah ah ka thin duk..duk in tor. Mi tampi hmai dir i biachim cu ka thiam lo bikmi pakhat ah aa tel mi a si. Minute 4-6 rauh lawng a si ko lai nain ka thin pang cia tuk, ka ttih tuk. Chim awk philh dih in ka tlau sual cun ka thi lai. Kan sayamah nu hi a zia a ttha tuk mi a si. Ca a chimhnak kum 28 leng a si cang. Zumtu a si i a thinlung a nem, a inn chungkhar kong a kan chimh pah tawn. Akum a upa ngai cang ko nain a thinlung a no tuk, a liklek tuk rih, nu dawh pakhat a si. A fimnak a sang i a khuaruah a tthuk. Nain, mi toidor a si ti hi a biachim le a umtu in theih khawh a si. Class thawk caan ah a rak ton bal mi kong tuanbia tawi bantuk tein a kan chimh. Cawn awk, i lak awk i nunpi awk tampi a kan pek. Kan ngakchiat lio i saya ttha nih ca a kan chimh mi tutiang kan philh khawh lomi bantuk khi a si. Ka nunnak ah ka chingchiah peng lai ka zumh. Kan cawn hngami subject kong he pehtlai lawng in si lo'n humanity, politics, society in pop music kong tiang a tlinh dih. 

Tuni cu class ka ngei lo i library ah thaizing presentation ca timhtuah ding in ka ra. Khuazei in ka thawk lai ka thei lo, ka thin phan lawng ka theih. Tuhmenh ah mahtluk in ka thinpang i ka ttih mi hi zei tin ka tuah lai...khua ka ruat. Bible ca vun rel ta ning ka ti..ka phone ka lak. Ka phone ah "Inspirations" timi app ka ngei. Ka kau i a rak chuakmi bible verse nih a ka mirh ter, ka lu kaa lei, ka thawpi ka chuah...ka zumhnak a der tuk rih ning hi ka ti..

"Can any one of you by worrying add a single hour to your life?" timi Matthai chung ah kan hmuh mi kha a si. 

UNTITLED

Quora nih a ka suai. Rawl ei pah zong ah, coffee din pah zong ah, zeituah pah poah ah ka rel. Coffee din pah rel hrim nih a ka suai...Nikum ah khan ka hawi pakhat nih a ka chimh i ka rak sign up, nikhat voikhat rel lo ka um caan a um rua lo. Tuzing cu ka mit sibawi ka va i piah ahau i tuan ah ka tho. Coffee din caan ka ngei lo. Ka tin tuin ding te ning ka ti. Quora kau ta i minute pakhat hrawng te vun rel ta ka duh nain caan ka ngei lo.

Motor ka mawngh pah in homeless pakhat ka hmuh. Khuasik lak ah dornak ngei loin mikip sin ah tangkaa hal in aa chok len ko. Ka zoh i ka lung a ttha lo ngai te. Arau lo, sikhan ka phan. Dam lo ruang ah a rak phanmi an rak tam ngai. Minu pakhat cu sibawi piahnak ah pek ding tangkaa a ngei lo i heh tiah 50% off in nan ka bawm kho lai ma tiah a nawl len ka theih. A kum 50 hrawng  a si men lai.

Ka tin pah gas station ah ka lut. Minu pakhat a fa le he an rak lut ve. A fanu te nih "ka nu ka paw tam tuk" tiah a ti. Anu nih aa theih ter lo. Eiawk an chiahnak line ah a fanu te cu a dir, anu nih "ra" tiah a auh..voithumnak a  auh hnu lawng ah a kal. Anu ih Marlboro cigarette aa cawk i an chuak. Afa nu te cu a ttap. Motor chung ah luh a duh lo..."ka paw tam tuk" tiah a ttap.

Nazi ka zoh. 9:30am lawng a si rih.

Ka thinlung a ba. Khuaza ka ruat. Bawmh ka duhmi an tam tuk...ka ngeih mi tangkaa nih ka bill hmenh a nguh lo. Ka chung le hmneh tthatthi in ka zoh kho hna lo. Mirum nih ei cawk lo in le hmannak thei loin tangkaa an ngei. Sifak nih ei awk kaakhat caah khuaza kan ruat hmasa. Vawilei cung pi hi..

Inn ka phanh sin in coffee ka tuah, ka thil zong ka thleng lo. Coffee din pah cun Quora ka kau i ka rel pah. Ka rel pah in khua dang ka ruat. Shoes ttha le bags ttha ka duh ning.. hawidang nih thilttha an i ti ah ka mit thi tawn. Zei brand kha brand ah ka buai. Tuzing ka tonmi thil kong ka ruat. Bawipa pathian bawmhkhawh ka duh hna ning... Bawipa rak ka hmang hawidang caah santlaimi si ka duh. Pawngkam a bawm khomi si ka duh.....

Ruahlo pin "bleach" haw nih ka khuarauh mi a hrawh dih. Khoikaa in dah mah bleach haw cu a rat hnga tiah ka tthutnak cabuai in a si ai. Ka angkii ka zoh colh. Ka ttinnak in ka thil ka tleng lo. Ahnu tuk cang.. cabuai he a tonghnak cu an rak aihre dih cang..ka cawk kaa te a asi mah angkii hi. Zara ah ka ngeihhnih chunh tein ka cawk nak zarhkhat lawng a si rih...ka thin hung tuk...

"HO DAH BLEACH TAWNG I THA TEIN A THIANH TA LO?????" tiah ka au. 

Inn ah keimah nak ngakchia deuh bleach tawng hngami hohmenh an um lo. Mah cun ka thinhun tuk ruang ah thideng in ka au ka khuang i ka zai.... ka u le nih an ka let lo. 10 minutes a rauh hnu ah ka thinlung dai..khua ka ruat. Bawipa hmanawk ka tlak lo ning hi!!!!!!!!

Dear Mom

Dawtnak

Lungsaunak

Ngaihthiamnak

Hnangamnak in 

Akhat mi pangpar dum

Ka Nu thinlung.