12.27.2017

Lord, please let this be a purposeful brokenness...

Beauty and Life

Sunsets are proof that endings can often be beautiful too….

Alarm 4:50am ah ka chiah. Thaizing cu Friday a si i kaa nuam tuk. Nidangnak in tuan deuh ah thawh ka tim. Zingkaa thawh ka rak ttih tukmi a tu cu thawh lai ka ngaih tuk cang. Nichuah lei hoih in motor mawngh i pawngkam cuanh pah a nuamh ning hi… Suaichom a lomi Van i a vaimi minmei le a zuangmi vanva rual, a chuakkaa te nikaa tang i a mit rih lomi lamkam meiceu , hring dildel thingkung le a din tein a hrangmi thlitu… mah vialte thawtnam teh khawhbik caan zingkaa…

Biazai ttial thiam ning law cu mu…

Mahbantuk caan sunglawi ka hmuhton khawhmi hika chuahtakmi ka riantthing ruang ah a si. Ka chuahkaa ah cun ka ngeih a chia tuk..ka mitthli a tla. Ni tam ngai ngeihchia in ka rak um. May thla nih lawmhnak a ka pek peng ka rak ti nain 2017 May thla chung cu ka tonmi thil pawl nih ka lung an der ter ngai te.

Asi nain..ka ruah tthan ah ka lawm tuk. Thil kan tonmi vialte hi a donghnak ah cun thilttha deuh kan caah a ummi hmuh khawh nak caah a rak si tawn.

A Good & Broken Heart

Ka rianttuannak ah mirang pa a um. Kan i ton fate " hello na dam ma?" tiah ka hei ti tawn. Tattoo tam tak a suai i luchin a chinh peng. Mi he bia a ruah tuk bal lo. Zoh ah tlawmpal zeuh a co ngai.  Rianttuantti hawi tam deuh nih cun an ttih pah an chawn ngam tuk lem lo. Movie chung i “bad guy” khi a lo pah.

Nizan kha rian ah ka hmu lo I keimah ma ka buai tuk ruang ah ma ka hmuh lo hnga. Asilo ah rian dah a off hgna ka ti. Tuni cu kan ti tong i “hey buddy, yah nizan kan hmu lo ee?” tiah mirh bu tein ka hei ti. A ka zoh i a mirh ve. Nain, lawmh buin mirh mi a si lo ka theih. Second pahnga hrawng kan mit aa tong. “Aww asi, ka nupi kha nau an lak piak i sizung ah kan kal” a ka ti.

“Nau an lak piak” ti cu ka fiang lo.. ka hal hlan ah “ A paw chung i nau kha a thi i tuni ah operation an tuah” tiah a ka ti. Chim awk ka thei lo. A leng ah ka kut ka chiah i “I am so sorry for your lost. Pathian sin ah thla kan cam piak hna lai mawh. Pathian nih hmailei ah thlachuahnak tampi inn pe ko hna seh! Na ngeihchia tuk ko lai..Pathian nih thinlung tthawnnak inn pe hram ko seh mawh.” tiah ka ti. Cun ka kuh!

A mitthli a tla….

A ka zoh…i a mirh..

Cun “ ka lawm tuk..chimh ding ah a dang hawikom le chungkhat ho hmenh kan ngei lo. Thlacamnak in kan bawm hram ko. Pathian nih thlachuahnak in pe seh!” tiah a ka ti.

Ka zoh… tla lo ding in ka mithli ka kham kho lo.

Leng in hmuh khawh lomi a thinlung fiang tein ka hmuh.

Ngeihciatnak he a khatmi a thinlung nem Pathian nih nangmah nih thawnnak le daihnak rak pe hram ko!

TO GROW

Nitin kan nunnak ah tuah/zulh awk thiltha pawl kong an ttial fate "zingkaa tuan te thawh" hi aa tel peng. Ka rel fate "naisai..thildang atha mi tu tuah khawh ka zuam lai. Zingkaa tuan te thawh cu a si kho lo" ka rak ti tawn. Asinain, naizerh in ruah lo pin ka rian tuan caan (schedule) a thleng i zingkaa 6:30 ah rian phanh ka hau. Ka manager nih a ka chimh i a ka capo rua tiah ka ruah. Option dang ka ngei ma ka ti i 7:00 hlan ah na phanh khawh cun ka duh ko a ka ti. A ka capo bak tiah ka ruah nain biatak tein a ka timi a rak si ai.

Kan inn le ka rianttuannak hi meng 35 aa hlat. Nazi pakhat deng motor mawngh ka hau. Panga cun thawh a hau cang. Lohtlau bak si ka ti. Nain rian cu a herhmi le a biapi mi a si bantuk in ka tuah awk cu zulh khawh ka zuam ve ko. Nikhatnak cu ka cei ngai. Zinglei panga ah ka tho i keimah le keimah kaa zumh lo. “tihin ma si tak ko lai?” ka ti. Nain motor ka vun mawngh i lam ka vun hrawn cun ka lung a nuam ngai tthan. Motor thlalangawng tang ah tthumh i hla ngeih pah in motor mawngh hi ka uar tukmi a si.

Khuadei kaa te hrim ah cun a rak nuam tuk hi ta ka ti. Siaremnak lawng te ah rak um hi a rak ttha lo tuk. Zeilei poah ah siaremnak lawng te ka thim tawn. Motor mawngh pah in khua ka ruat pah… uncomfortable mi zong rak tuah chih ning law zeitluk in dah k arak tthancho deuh cang hnga ka ti. Umnak kel peng..tuah kel peng..tuankel peng…siaremnak thlamtang ah sau tuk ka rak um. Zingkaa thawh duh lo ruang hmenh ah ka pialtak mi tthanchonak lam a rak tam tuk. Siaremllo ruang ah ka hrialmi hmunhma, thilri, minung, chimawk bia, tuahawk thil…mah vialte kha ka caah tthanchonak an rak si hna lai ning….

To grow, get comfortable with being uncomfortable.

Gift From Above

Nikhat chuak i rianttuan mi nih rian ttuan, sianginn kai mi nih sianginn  kai, cu ti cun ni an liam. Kan mah cio tein kan tuah awk cio he kan buai hna. Chikhat te tthut i khuaruah nak caan ngei lo in ni a liam caan a tam tawn. Kan kal um nak ah harnak kan ton caan a um lai. Kan lung a dongh caan zong a um lai. Asi nain Pathian dawtnak a ngan zia ruahtthan ah cun lawmh lo in um khawh a si lo i zeitik hmenh ah inn khawh lo tiang in hneksaknak a kan in ter lai lo tihi zum hna u sih.

Pathian a ttihmi nih cun zeidang thil ttih awk an ngei lo. Asi nain Pathian a ttih lo mi nih cun, kan nunnak ah ttihnak lawng te in a khat tiah cathialtu pakhat nih a ti. Kei zong Pathian biathiang ka rel deuh i a mah he naih deuh ka zuam caan cun hngangamnak in ka khat. Asi nain caan zei mawzat cun Pathian ttih lo in ka minung si ning ka zul tawn. Cutik ah lungdai lo in nuamhnak tling ka hmu kho lo. Ka hmuhton mi nih thiltam tuk an ka cawn piak. Adongh nak ah ka fiangtthan pengmi cu Bawipa ttihzah hi fimnak hramthawknak a si ti hi a si.

Pathian ttihzah bu tein nun I zuam ve hmenh..na lam a tluang lai lawmhnak le hnangam daihnak in na khat ko lai. Nunnak laksawng a kan petu Pathian…na laksawng caah ka lawm!

Another Father's Day has come and gone away… I miss you Dad!

Focus on What you Have

Chan tiluan a tthancho tluk in kan ruahnak a tha der tluahmah ve. Social media nih kanlung a kan uk khawh tuk lio caan kan phan. Hawitam pi sin le pawngkam sin in hramthawng ka theih bikmi cu "ei an mah bantuk in hei nung kho ve ning law cu!" " ei anmah bantuk in bawmtu hei ngei u sih law" ti hi a si. Mikip nih heh tiah an ngeihmi lak i a thabik le aman fakbik le a dawhbik poah ah hawi nih hmu han seh tiah langhter an i zuam. Lungtha der mi pawl caah cun zawtnak pakhat a chuahpi tu a si. Mi lungtha der ka si ve i asi rua facebook hman hrim ka ziak ve lo. Ka hmannak thlakhat a phanh hlan ah ka chuah tak...

Joel nih a tialmi pakhat zahan ah ka rel i thazang a ka pek ngai. Rel ve cio ding ah kan hrawmh hna!

The scripture talks about how God has given us the power to enjoy what is allotted and appointed to us. That simply means that I don't have the power to enjoy your life. You may have more success, more money, more friends or a better job, but if you put me in your life, I am not going to enjoy it. We are uniquely designed to run our own race. 

When we truly understand and embrace this, we won’t be tempted to compare or wish we had what someone else has. You won’t think, “If only I had her looks…No, God gave you your looks. That’s not an accident. The life you have has been perfectly matched for you.

Now, you have got to do your part and get excited about your life. Be excited about who you are-your looks, your talent, your ability, your personality. When you are passionate about who you are, it brings honor to God. That’s when God will breathe in your direction and the seeds of greatness in you will take root and begin to flourish!